- ისპანახი იამასიტა
მას ერთადერთი მწარმოებლი, ასაფუმი იამასიტა ჰყავს, რომელიც ცნობილია როგორც “იაპონური ბოსტნეულის სპიკერი”. Food Republic-ის ინფორმაციით, მისი ერთადერთი კლიენტები ცნობილი რესტორატორები და მიშლენის ვარსკვლავიანი მზარეულები არიან. 1 კილოგრამი იამასიტას ღირებულება დაახლოებით 32 დოლარია.
- სვიას გირჩი
მისი სამშობლო ჩრდილოეთ ამერიკაა. იმისათვის, რომ საშუალო მოცულობის სვია მიიღოთ, საკმაოდ დიდი რაოდენობით ბუჩქი უნდა დარგოთ. ამასთან, საკმაოდ რთულია მათი მოკრეფა. ფასიც შესაბამისი აქვს – ერთი კილოგრამი 975 დოლარი ღირს.
სვიას ჭამა ნედლადაც შეიძლება, თუმცა ამ შემთხვევაში ის მხოლოდ მწარეს მოყვარულ ადამიანებს მოეწონებათ. სხვა შემთხვევაში მას ზეთთან და ნიორთან ერთად თუშავენ.
- ვარდისფერი სალათის ფოთოლი
La Rosa del Veneto radicchio, ცნობილი როგორც ვარდისფერი სალათის ფოთოლი ან ვარდკაჭაჭა, არის პრემიუმ ფოთლოვანი ბოსტნეული. თავდაპირველად ის მოდიოდა ვენეციაში, ახლა კი მისი ნახვა აშშ-შიც შესაძლებელია.
მცენარეს “აიძულებენ” მოვარდისფრო გახდეს: რაღაც დრომდე მას ზრდიან, შემოდგომაზე მოსავალს იღებენ და შემდეგ გადარგავენ და პროდუქტი ზრდას სიბნელეში ასრულებს.
New York Post-ის ცნობით, Campo Rosso-ს ფერმაში ვარდისფერ სალათის ყიდვა 24 დოლარად შეგიძლიათ, რაც დაახლოებით ხუთჯერ მეტია, ვიდრე ჩვეულებრივი სალათის ფოთოლი.
- ესპანური ბარდა
ზოგიერთი ადამიანი მას “მწვანე ხიზილალას” უწოდებს. ესპანეთში მისი სეზონია გაზაფხული. რაც შეფ-მზარეულებისა და ადგილობრივი მოვაჭრეებისთვის მათ ცხელ პროდუქტად აქცევს. ბარდას კერძებში ქონდარით ამზადებენ, მაგრამ არ გაგიკვირდეთ, ის ნაყინთან ერთად რომ მოგართვან.
The New York Times-ის ცნობით, 1 კგ ესპანური ბარდა შესაძლოა, 244-დან 860 დოლარამდეც ღირდეს.
- ვასაბი
იმის გამო, რომ ვასაბი ძალიან შრომატევადია, მისი 1 კგ-ის ღირებულება შესაძლოა, 400 დოლარამდეც აღწევდეს. ეს იაპონური ბოსტნეული ითვლება ერთ-ერთ ყველაზე რთულად მოსავლელად.
დაავადებულ კულტურას კარგად შერჩეული საკვები ნივთიერებები და ტენიანობის იდეალური ბალანსი სჭირდება.
- კარტოფილი Le Bonnotte
შესაძლოა, ის მსოფლიოში ყველაზე ძვირად ღირებული კარტოფილია – ერთი კილოგრამის ღირებულება 1220 დოლარს შეადგენს.
გამორჩეულად გემრიელი და არომატული კარტოფილი საფრანგეთის სანაპიროსთან ახლოს, კუნძულ Noirmoutier-ზე მოდის, სადაც ფერმერები მას ხელით კრეფენ.
ადგილობრივი წყალმცენარეები და ოკეანის მარილიანი წყალი მას გამორჩეულ გემოს აძლევს. პროდუქტს მოკლე სეზონი აქვს და მოსავალი, როგორც წესი, 100 ტონას არ აღემატება.
- სოკო მაცუტანკე
თუკი სპაგეტის გემო სოკოთი ან ვეგეტარიანული ბურგერი გიყვართ, ეს პროდუქტი დაგაინტერესებთ. მაცუტანკე – იაპონური ველური სოკოა, ხორცისა და დარიჩინის არომატით. ის იზრდება მხოლოდ წითელი ფიჭვის ველურ საუკუნოვან წიწვოვანებში – ე.წ. წითელ ტყეში, რომლის ტერიტორია მცირდება. ახლა იაპონელები წელიწადში არაუმეტეს ათასი ტონა მაცუტაკეს იღებენ. Los Angeles Times-ის ცნობით, თითოეული მათგანი დაახლოებით 80 დოლარი ღირს, მაგრამ თუ ხმელის შეძენას გადაწყვეტთ, ცოტა იაფადაც შეიძლება გადააწყდეთ.
