მცენარეული ზეთების ადგილობრივმა მწარმოებელმა „ხახაბომ“ ეთერზეთების გამოყენებით თავის მოვლის საშუალებების წარმოება დაიწყო.
![](https://bm.ge/uploads/tinymce/images/%E1%83%AE%E1%83%90%E1%83%AE%E1%83%90%E1%83%91%E1%83%9D%20%E1%83%A1%E1%83%90%E1%83%AE%E1%83%98%E1%83%A1%20%E1%83%96%E1%83%94%E1%83%97%E1%83%98.jpg)
კომპანიის ხელმძღვანელი გიორგი კვესელავა BM.GE-სთან ამბობს, რომ სახის ზეთის წარმოება მათ 1 თვის წინ, გარუჯვისთვის განკუთვნილი შიმერისა და ტანის სკრაბის წარმოება კი 1 კვირის წინ დაიწყეს, უახლოეს მომავალში თმის და წვერისთვის განკუთვნილი ზეთის წარმოებას დაიწყებენ.
თავის მოვლის საშუალებების წარმოებისთვის „ხახაბოს“ დამფუძნებელმა შეფუთვებისა და ეტიკეტებისთვის 1 000 ლარამდე ინვესტიცია ჩადო და ყოველთვიურად თითოეული პროდუქტის 1 000 ერთეულამდე წარმოება შეუძლია. დღეს სახის ზეთის ღირებულება 25 ლარია, შიმერის და სკრაბის კი – 55 ლარი.