RSS კატეგორიადღის სიახლეებისიახლეები

ნომრის პორტირების წესები შეიცვალა

0
გაზიარება

მომხმარებლებისთვის მობილური და ფიქსირებული სატელეფონო ნომრების პორტირების  გამარტივების მიზნით, კომუნიკაციების კომისია პორტირების ახალ წესებს დაამტკიცებს.   რეგულაციის მიზანია, აბონენტებმა სურვილის შემთხვევაში, ადვილად შეძლონ ერთი კომპანიიდან მეორეში გადასვლა ისე, რომ ნომერი არ შეიცვალონ. „პორტაბელურობის დებულებაში“ ცვლილებები სრულ შესაბამისობაშია ევროპის ელექტრონული კომუნიკაციების კოდექსთან. აღნიშნული ცვლილებები გაზრდის კონკურენციას, რაც პოზიტიურად  აისახება მომხმარებლებზე. 

ახალი წესები როგორც ფიქსირებული, ისე მობილური საკომუნიკაციო ქსელებით მომსახურების მიმწოდებელ კომპანიებს შეეხება. ცვლილების შესახებ საკონსულტაციო დოკუმენტი საჯარო კონსულტაციებისა და მისი დახვეწის მიზნით კომისიის  ვებგვერდზე გამოქვეყნდა. დაინტერესებულ პირებს შენიშვნებისა და მოსაზრებების წარმოდგენა 2022 წლის 13 მაისამდე შეუძლიათ, რის შემდეგაც კომისია განახლებულ წესებს დაამტკიცებს.

ცვლილებების შემდეგ მობილური ნომრის პორტირების  სურვილის შემთხვევაში, მომხმარებელს  შესაძლებლობა ექნება სერვისცენტრში მისვლის გარეშე, დისტანციურად გააკეთოს განაცხადი, დაპორტირდეს მისთვის სასურველ ქსელში და ახალი სიმბარათი სასურველ მისამართზე მიიღოს.

ცვლილება ასევე ეხება ფიქსირებულ სატელეფონო მომსახურებას, რომლის მიხედვითაც, კომპანიები ვალდებული იქნებიან ფიქსირებული სატელეფონო ქსელით მომსახურებაზე პორტირებისას სააბონენტო ნომერი შეუნარჩუნონ მომხმარებელს. გეოგრაფიული სააბონენტო ნომრების პორტირება მოხდება იმავე გეოგრაფიულ ზონაში, ხოლო არაგეოგრაფიული – არაგეოგრაფიულ ზონაში. 

მსგავსი სიახლეები

ინვესტიციების მოცულობა 61,5%-ით შემცირდა

2023 წლის III კვარტალში, წინა წლის შესაბამის პერიოდთან შედარებით პირდაპირი უცხოური ინვესტიციების მოცულობა 61.5 %-ით შემცირებულია. საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების…

The Economist-მა 2023 წლის საუკეთესო წიგნების რეიტინგი გამოაქვეყნა

მსოფლიოს ერთ-ერთი წამყვანი ეკონომიკური გამოცემა The Economist-ი 2023 წლის საუკეთესო წიგნების რეიტინგის აქვეყნებს, რომელიც რამდენიმე კატეგორიადაა დაყოფილი და წარდგენილი წიგნების განაწილება რამე კონკრეტულ კრიტერიუმზე არ არის…

საქართველოში ფერმერული მეურნეობების რეესტრი შეიქმნება

აგრარულ საკითხთა კომიტეტი საგაზაფხულო სესიაზე ახალი კანონპროექტის - „სოფლის მეურნეობისა და სოფლის განვითარების შესახებ“ - ინიცირებას მოახდენს.  კომიტეტის თავმჯდომარემ, ნინო წილოსანმა განაცხადა, რომ აღნიშნული კანონპროექტი…

ყველაზე ინოვაციური ქვეყნების რეიტინგში 132 ქვეყანას შორის საქართველო 65-ე ადგილს იკავებს

ყველაზე ინოვაციური ქვეყნების რეიტინგში, 132 ქვეყანას შორის საქართველო 65-ე ადგილს იკავებს “ინტელექტუალური საკუთრების მსოფლიო ორგანიზაციამ” 2023 წლის გლობალური ინოვაციების ინდექსის ანგარიში გამოაქვეყნა, რომელშიც სწრაფი…

მეტის ჩატვირთვა იტვირთება...პოსტები აღარ მოიძებნა
error: Content is protected !!