ბიზნესიდღის სიახლეებიეკონომიკაზოგადი განათლებასაზოგადოებასაინტერესო სიახლეები

პარიზში მდებარე რესტორანში პიცის მომზადება რობოტებმა დაიწყეს

0
გაზიარება

ბოლო წლების განმავლობაში ხშირად საუბრობენ ცალკეულ პროფესიებზე, რომლებიც შესაძლოა დროთა განმავლობაში გაქრეს, მათ შორის ერთ-ერთია მზარეული, რომელთა საქმეც რობოტებმა პარიზში უკვე აითვისეს. ამის შესახებ ინფორმაციას გამოცემა Euronews ავრცელებს.

როგორც სტატიაში ვკითხულობთ, რესტორან “პაცციაში”, რობოტი ყოველგვარი ადამიანური ჩარევის გარეშე ამზადებს და სთავაზობს მომხმარებლებს პიცას. პროცესი კი, მარტივი და გასაგებია. ადამიანები თვითმომსახურების ზონაში თავად უკვეთენ სასურველ პიცას, ხოლო რობოტი, მომხმარებლის სურვილების შესაბამისად ჯერ ამზადებს ცომს, ხოლო ეტაპობრივად ამატებს ინგრედიენტებს. ათავსებს ღუმელში და მზა პროდუქტს QR კოდის მეშვეობით გასცემს.

“ყველაზე რთული ტექნიკის მოწყობა და დაპროგრამებაა ისე, რომ რობოტებმა ორგანულ მასალებთან იმუშაონ. სამზარეულო არაა ტექნიკა, აქ ყველა დეტალზე ფიქრია საჭირო. მაგალითად პიცის ცომი რომ ავიღოთ, ძალიან მნიშვნელოვანია რომ ის სტანდარტებს შეესაბამებოდეს. სჭირდება მუდმივი მონიტორინგი, დოზები, ყურადღება. ამავეს თქმა შეიძლება სოუსზეც. ამიტომ რთული იყო სისტემის აწყობა, რომელიც ადამიანური ჩარევის გარეშე იმუშავებდა პროდუქტებთან და არ გააფუჭებდა საკვებს. გარდა ამისა, რობოტები გაცილებით სწრაფად და ხარისხიანად ამზადებენ პროდუქტს, ვიდრე ადამიანები და ეს არის მათი მთავარი უპირატესობა, რომელიც კვების ინდუსტრიისთვის ახალი სიტყვა და ნაბიჯი იქნება,” – ამბობს რესტორან “პაცციას” დამფუძნებელი, ფილიპე გოლდმანი.

მართალია, რობოტების შეძენა არ ღირს იაფი და დაახლოებით 3 ათასი ევრო ჯდება, თუმცა სამაგიეროდ დასაქმებული კადრების ანაზღაურების ხარჯი იზოგება და რობოტები გაცილებით ეკონომიურად მოიხმარენ ინგრედიენტებს. მსოფლიო ეკონომიკური ფორუმის მონაცემებით, ავტომატიზაცია მარტო მომსახურების სექტორში არაა დაწყებული და 2025 წლისთვის რობოტებით დაახლოებით, 85 მილიონი სამუშაო ადგილი ჩანაცვლდება. მსოფლიოში შექმნილი კონკურენცია კი, კომპანიებს უბიძგებს სულ უფრო მეტი ფული ჩაიდონ რობოტების განვითარებაში და ამ მიზნით, მთლიანობაში ეს ხარჯი მომდევნო წელს 242 მილიარდ დოლარს გაუტოლდება. ეს კი იმას ნიშნავს, რომ მალე შესაძლოა მაღაზიებში, ოფისებსა და ტურისტულ ობიექტებში სულ უფრო მეტი რობოტი გამოჩნდეს და ეს გახდება ცხოვრების ნორმა.

პარალელურად კომპანიებმა დაიწყეს ფიქრი, თუ როგორ შეუთავსონ ადამიანები და რობოტები ერთმანეთს, ისე რომ ჩანაცვლება არ მოხდეს. ხოლო ექსპერტები ამბობენ, რომ მართალია რობოტები მალე 85 მილიონ სამუშაო ადგილს ჩაანაცვლებენ, თუმცა პარალელურად 97 მილიონს პირიქით, შექმნიან.

გარდა ამისა, წინასწარი ვარაუდით, ადამიანების გარეშე ზოგიერთი სექტორი ვერ იფუნქციონირებს, მათ შორის სტუმარმასპინძლობის ინდუსტრია, რადგან ეს არის სფერო, რომელიც სწორედაც ადამიანურ ურთერთობებზე, განწყობებსა და ემოციებზე დგას, რასაც რობორტები ვერ უზრუნველყოფენ.

მსგავსი სიახლეები

NDI – საქართველოში ყოველ მეხუთე ოჯახს საჭმლის სამყოფი ფული არ აქვს

NDI-ის მიერ ჩატარებული კვლევის თანახმად, ქვეყნის დანარჩენ მოსახლეობასთან შედარებით, პატარა ქალაქებსა და სოფლის ტიპის დასახლებებში მცხოვრებთ და 55+ ასაკის მოქალაქეებს ყველაზე მეტად უჭირთ. პოლიტიკური სიმპატიების მიხედვით…

BUS LANE-ში სხვა სახის სატრანსპორტო საშუალებების მოძრაობის გამო ჯარიმების მოცულობა 226%-ით გაიზარდა

2022 წლის განმავლობაში ბიუჯეტში ავტობუსის ზოლში (BUS LANE) სამარშრუტო სატრანსპორტო საშუალებების გარდა სხვა სახის სატრანსპორტო საშუალებების მოძრაობის, გაჩერების ან დგომისათვის ჯარიმის სახით 4 462 325 ლარი შევიდა, ეს კი…

გაზის რეზერვუარების აღმოჩენის მიზნით BP კასპიის ზღვაში ორ ახალ ჭაბურღილს გაიყვანს

ბრიტანული ნავთობმომპოვებელი გიგანტის BP-ის თანახმად, პირველი ჭაბურღილის სიღრმე 7,000 მეტრს მიაღწევს, რათა რეზერვუარიდან ბუნებრივი აირის მოპოვება გახდეს შესაძლებელი. რეზერვუარის სავარაუდო ადგილმდებარეობა შაჰ დენიზის საბადოს…

2022 წელს საქართველოში ჩადენილი ყველაზე მეტი დანაშაულის შემთხვევა ქურდობაზე, ოჯახში ძალადობაზე და მუქარაზე დაფიქსირდა  

შინაგან საქმეთა სამინისტროს სტატისტიკური მონაცემების თანახმად, დანაშაულის ყველაზე მეტი - 15 862 შემთხვევა (გაიხსნა 8477) ქურდობაზე მოდის, შემდეგ ადგილზეა ოჯახში ძალადობის 4106 (გაიხსნა 3586) და მუქარის 3699 (გაიხსნა 3280)…

თბილისში უძრავი ქონების ღირებულება 28%-ით გაიზარდა

2022 წლის დეკემბერში 2021 წლის ანალოგიურ პერიოდთან შედარებით, თბილისში უძრავი ქონების ღირებულება 28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს…

მეტის ჩატვირთვა იტვირთება...პოსტები აღარ მოიძებნა
error: Content is protected !!