ეკონომიკაRSS კატეგორიაფინანსები

პირველ კვარტალში პირდაპირი უცხოური ინვესტიციების მოცულობა გაოთხმაგდა

0
გაზიარება

საქსტატმა დღეს პირდაპირი უცხოური ინვესტიციების განახლებული სტატისტიკა გამოაქვეყნა.

დოკუმენტი 2022 წლის პირველ კვარტალში არსებულ ვითარებას ასახავს. საქსტატის მონაცემებით, ქვეყანაში სულ 568 მილიონი დოლარი შემოვიდა, რაც 2021 წელთან შედარებით 4.3-ჯერ მეტია. უფრო მეტიც, ინვესტიციების ეს მოცულობა სტატისტიკის აღრიცხვის დაწყებიდან რეკორდულად დიდია.

ქვეყნების მიხედვით, ყველაზე მეტი თანხა ესპანეთიდან შემოვიდა, რამაც $196 მილიონი დოლარი შეადგინა. ესპანეთის პირველ ადგილზე გასვლა სავარაუდოდ, კომპანია Aqualia-ს მიერ GWP-ის შესყიდვა იყო.

წამყვან ინვესტორ ქვეყნებს შორის მეორე ადგილზეა დიდი ბრიტანეთი, რაც სავარაუდოდ განპირობებულია იმ ფაქტით, რომ საქართველოს სამი უმსხვილესი საფინანსო ჰოლდინგი იურიდიულად სწორედ ბრიტანულ კომპანიას წარმოადგენს. საუბარია „თიბისიზე“, „საქართველოს ბანკსა“ და „საქართველოს კაპიტალზე“.

568-მილიონიან FDI-ს შორის $318 მილიონი დოლარი არსებული კომპანიების რეინვესტიციებს წარმოადგენდა. ეს ინვესტიციების 56%-ია.

2022 წლის I კვარტალში ყველაზე მეტი პირდაპირი უცხოური ინვესტიცია ენერგეტიკა/წყალმომარაგების სექტორში განხორციელდა და 236.4 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 41.6 პროცენტია. მეორე ადგილს იკავებს საფინანსო სექტორი – 111.1 მლნ. აშშ დოლარით (19.5 პროცენტი), ხოლო მესამეზე იმყოფება უძრავი ქონების სექტორი 81.3 მლნ. აშშ დოლარით (14.3 პროცენტი).

მშენებლობის სფეროში 19.3 მილიონი დოლარის უცხოური ინვესტიციები, ტურიზმში (სასტუმროები და რესტორნები) კი 12 მილიონი დოლარის ინვესტიციები ჩაიდო.

May be an image of 2 people and text

მსგავსი სიახლეები

adidas-მა მზის ენერგიაზე მომუშავე ყურსასმენები წარადგინა

გერმანულმა კომპანია adidas-მა უკაბელო ყურსასმენები, RPT-02 Sol წარადგინა,რომლის  მთავარი მახასიათებელი მზის პანელია, რომელიც მოწყობილობის ბატარეის ხანგრძლივობას ზრდის. მზის ენერგიაზე მომუშავე ყურსასმენი Zound Industries-თან…

ეროვნული ბანკი 2022 წლის ფინანსური სტაბილურობის ანგარიშს აქვეყნებს

უწების ცნობით, დოკუმენტი აანალიზებს ფინანსურ სისტემაში არსებულ მოწყვლადობას და რისკებს და ძირითად აქცენტს საშუალო და გრძელვადიან პერიოდზე, ფინანსური სექტორის სტრუქტურულ მახასიათებლებსა და საქართველოს ეკონომიკის იმ ასპექტებზე…

Meta Instagram-სა და Facebook-ზე ახალ ფუნქციებს ამატებს

"Meta ახალ ფუნქციებზე მუშაობას იწყებს, რადგან მომხმარებლებს მისი პროდუქტების — Facebook-ისა და Instagram-ის — ანგარიშებს შორის გადასვლა გაუმარტივდეთ. ახლა მომხმარებლებს მარტივად შეეძლებათ მეტას გაერთიანებული პროფილის…

საქართველოს ეკონომიკა 8%-ით გაიზრდება

ევროპის რეკონსტრუქციისა და განვითარების ბანკმა 2022 წლისთვის საქართველოს ეკონომიკური ზრდის პროგნოზი გაზარდა. ორგანიზაციის შეფასებით, წელს ეკონომიკური ზრდა 8%-ს მიაღწევს, რაც წინა პროგნოზთან შედარებით 5 პროცენტული პუნქტით…

EBRD-მა საქართველოს ეკონომიკური ზრდის პროგნოზი განაახლა

EBRD-მა საქართველოს ეკონომიკური ზრდის პროგნოზი განაახლა. წინა პროგნოზით, 2022 წელს ზრდა 3%-ს შეადგენდა, ამჯერად ევროპის რეკონსტრუქციისა და განვითარების ბანკმა ეს მაჩვენებელი  8%მდე გაზარდა და რეგიონალური ეკონომიკური…

მეტის ჩატვირთვა იტვირთება...პოსტები აღარ მოიძებნა
error: Content is protected !!