დღის სიახლეებისიახლეები

ქართული ღვინის ახალი ბრენდი, Istoria Wine ბაზარზე ბრჭყვიალა ღვინით გამოჩნდა

0
გაზიარება

ქართულ ბაზარზე ღვინის ახალი ბრენდი Istoria Wine გამოჩნდა. კომპანიის თანადამფუძნებლის, ნათია მამალაშვილის განცხადებით განსხვავებული სასმლის შექმნის იდეა ანა კამინსკენესთან ერთად მანამდე არსებულ ბარ „ისტორიაში“ გაჩნდა.

„ღვინის წარმოების იდეა იანვარში გაჩნდა, გვქონდა ჩვენი ბარი, სახელად “ისტორია” და გვინდოდა, რამე განსხვავებული შეგვექმნა, რაც ფართოდ ჯერ არ იყო გავრცელებული და გადავწყვიტეთ, ბრჭყვიალა ღვინო შეგვექმნა. შემდეგ უკვე დავიხმარეთ ტექნოლოგები, ლაბორატორიები და მივიღეთ ზუსტად ბრჭყვიალა ვიზუალი.

ბრჭყვიალა მინარევი, რომელსაც წარმოებაში ვიყენებთ, ლაბორატორიულად გამოკვლეული სრულიად უსაფრთხო საკვები დანამატია, რომელსაც საკონდიტრო წარმოებაშიც ხშირად იყენებენ“, – განმარტავს ნათია მამალაშვილი.

„ისტორია ვაინის“ ასორტიმენტს, მისი თანადამფუძნებლის განმარტებით, ამ ეტაპზე ბრენდი მხოლოდ ნახევრად ტკბილ, თეთრ ღვინოს ასხამს, თუმცა სამომავლოდ ახალი გემოების დამატება იგეგმება.

„თვითონ ღვინო ქართული, ტრადიციული, ნახევრად ტკბილი, თეთრი ღვინოა. კახეთში კომპანია „მარნის კარი“ გვეხმარება ჩამოსხმაში, მათივე 2022 წლის მოსავლის ღვინოს ვიყენებთ.

გამოხმაურების მიხედვით ვხედავთ, რომ საჭიროა, ღვინოებს ფერების მიხედვით სხვადასხვა გემოვნური თვისებებიც ჰქონდეთ და ამ მიმართულებით მუშაობა დავიწყეთ. რა თქმა უნდა, ღვინის გემოს მკვეთრად არ შევცვლით, თუმცა თითოეულს თავისი დამახასიათებელი გემო ექნება. გვინდა მშრალი ღვინოც ვაწარმოოთ“, – ამბობს ნათია მამალაშვილი.

ბრჭყვიალა ღვინო ადგილობრივ ბაზარზე, ქსელურ მარკეტებში, სულ მალე გამოჩნდება და ერთი ბოთლის ღირებულება 59 ლარი იქნება. მამალაშვილის თქმით, რამდენიმე თვეში ღვინის ქვეყნის საზღვრებს გარეთ გატანაც იგეგმება.

„როცა ბრჭყვიალა ღვინის წარმოების იდეა პირველად გაჩნდა, ჩვენ თვითონაც სკეპტიკურად ვუყურებდით, არ გვინდოდა ქიმიური დანამატები გამოგვეყენებინა. ბევრ ქარხანასთან გვქონდა მოლაპარაკება, ვინც ღვინის ჩამოსხმაში დაგვეხმარებოდა და ისინიც, ტექნოლოგებიც ფიქრობდნენ, რომ არ გაიყიდებოდა, თუმცა რახან დავიწყეთ, ბოლომდე მივყევით და კარგიც გამოვიდა.

ახლა ძირითადად გვიწევს იმის განმარტება, რომ პროდუქტი უსაფრთხოა ჯანმრთელობისთვის“, – განმარტავს ნათია მამალაშვილი.

 

მსგავსი სიახლეები

1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები

2024 წლის 1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები. ინფორმაციას სახელმწიფო სერვისების განვითარების სააგენტო აქვეყნებს. 15 მარტიდან მიმდინარეობს პირადობის…

საქართველოში 30.7 ათასი უცხოელი სტუდენტია

2023-24 სასწავლო წლის მონაცემებით, საქართველოში 30 701 უცხოელი სტუდენტია, რაც დაახლოებით, 23%-ით მეტია წინა სასწავლო წლის მაჩვენებელზე. საქსტატის მონაცემებით, 2022-23 წლებში, ჩვენს ქვეყანაში 25 069 უცხოელი სწავლობდა. 2023-24…

მსოფლიო ბაზარზე საწვავი ძვირდება

მსოფლიო ბაზარარზე ნავთობი ბოლო ერთი კვირის განმავლობაში იზრდება. ამ პერიოდში Brent-ს ტიპის საწვავი 82 დოლარიდან 85 დოლარამდე გაძვირდა, ამერიკულ ნედლ ნავთობზე (WTI) ფასებმა ბარელზე 77-დან 82 დოლარამდე მოიმატა. ნავთობიმპორტიორი…

სოციალურად დაუცველთა ბაზაში რეგისტრირებულ ბავშვთა რაოდენობა 5,2 %-ით გაიზარდა

ადამიანის უფლებათა დაცვისა და სამოქალაქო ინტეგრაციის კომიტეტმა 2023 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ანგარიში მოისმინა. ანგარიში საქართველოს სახალხო დამცველმა ლევან იოსელიანმა…

ამერიკული ავტომობილების იმპორტი 21%-ით შემცირდა

სტატისტიკის ეროვნული სამსახურის მონაცემებით, წელს იანვარ-მაისში საქართველოში 46,226 ერთეული (549.952 მლნ აშშ დოლარი) ამერიკული მანქანა შემოვიდა, რაც 21%-ით ნაკლებია (თანხებში 23%-ით ნაკლები) წინა წლის ანალოგიური პერიოდის…

მეტის ჩატვირთვა იტვირთება...პოსტები აღარ მოიძებნა
error: Content is protected !!