დღის სიახლეებიეკონომიკასაზოგადოებასაინტერესო სიახლეებისიახლეებიუცხოური ბიზნეს სიახლეები

რა არის და რას აკეთებს “ფორსაით კაპიტალი”?-ინვესტირების სრულიად ახალი შესაძლებლობა

0
გაზიარება

კომპანიის დამფუძნებელი ამბობს, რომ ”ფორსაით კაპიტალი” საინვესტიციო კომპანიაა, რომელიც ინვესტორებს ინვესტირების ახალ შესაძლებლობებს სთავაზობს. საუბარია უძრავით ქონებით უზრუნველყოფილ აქციებზე(ერთეულებზე), როცა ყოველი ინვესტიციის უკან დგას კონკრეტული უძრავი ქონება.

“ბაზარზე ნამდვილად ვერ ნახავთ, უძრავი ქონებით უზრუნველყოფილ საინვესტიციო ინსტრუმენტებს, თან ასეთი მაღალი პროცენტით, რომელიც შეუდარებლად მაღალია, ვიდრე დეპოზიტები. ეს ნამდვილად მნიშვნელოვანი დეტალია ბიზნესისთვის. ჩვენ ინვესტირების დროს საოპერაციო რისკებს არ ვიღებთ. ჩვენი ინვესტიცია მიმართულია ძირითადად მხოლოდ ქონებისაკენ, რომელიც უმეტეს შემთხვევაში მოიცავს უძრავ ქონებას”,– აცხადებს ის.

გია მორჩილაძე აცხადებს, რომ ეს არის “მოქნილი დაფინანსების მსურველი ბიზნესებისა და ჭარბი რესურსების მქონე ინვესტორების დამაკავშირებელი პლატფორმა”.

როგორ მუშაობს “ფორსაით კაპიტალი” ბიზნესმენი თავად განმარტავს:

“საქართველოში ძირითადი საინვესტიციო ინსტრუმენტები საბანკო დეპოზიტები და საცხოვრებელი უძრავი ქონებაა, რომელსაც შემდეგ გაქირავებისთვის იყენებენ. ჩვენ კი ბაზარს განსხვავებულ საინვესტიციო ინსტრუმენტს ვთავაზობთ: ეს არის “საინვესტიციო კომპანიის ერთეული”, ანუ აქცია, რომლის მახასიათებლებიც არის: მაღალი დაცულობა, რაც გამოიხატება იმაში, რომ საინვესტიციო კომპანიის მიერ განხორციელებული ყოველი ინვესტიცია კომერციული უძრავი ქონებით არის გამყარებული. მეორე, მას აქვს მაღალი უკუგება – ჩვენი მოლოდინით ერთეულზე შემოსავალი წლიურად არანაკლებ 5% უნდა იყოს. და მესამე – ეს არის დივერსიფიცირებულობა, ინვესტირება ხდება სხვადასხვა დარგის სხვადასხვა კომპანიაში, რომლებიც კომერციული უძრავი ქონებით არის უზრუნველყოფილი. თავად საინვესტიციო კომპანია საქართველოს ეროვნული ბანკის მიერ არის რეგისტრირებული და მისი ზედამხედველობით ოპერირებს.

ჩვენი კონკურენტული უპირატესობა რამდენიმე მიმართულებით არის. პირველ რიგში, ჩვენი მთავარი ამოცანაა ინვესტორების დაცულობა, რასაც ვაღწევთ ჩვენივე ინვესტიციის უძრავი ქონებით უზრუნველყოფით – ეს არის ერთერთი უმთავრესი”,– აცხადებს მორჩილაძე და განმარტავს, რომ ინვესტიცია დაცულია იმ უძრავი ქონებით, რომელიც თავად ბიზნესს აქვს, იმ ბიზნესს, სადაც ხორციელდება ინვესტიცია.

კონკურენტულ უპირატესობებზე საუბრისას, ის ასევე ამბობს, რომ კომპანია უფრო მაღალი უკუგებას სთავაზობს ინვესტორებს.

“ამას უზრუნველყოფს ის პროექტები, რომელშიც ინვესტორებას ვახდენთ, მათი უკუგება არის უფრო მაღალი, ვიდრე საცხოვრებელ უძრავ ქონებაში, ვიდრე საბანკო დეპოზიტებში ინვესტირება. მესამე უპირატესობაა პორტფელის დივერსიფიცირებულობა. და კიდევ რაც მინდა აღვნიშნო ეს არის გუნდი, რომელიც არის დამფუძნებელი თუ მმართველი გუნდი ამ კომპანიისა, მათი პროფესიონალიზმი, გამოცდილება და ერთგულება საქმისადმი და ცოდნა, რომელიც მათ საერთაშორისო თუ ადგილობრივ ბაზარზე შეიძინეს”,– აცხადებს გია მორჩილაძე.

მისივე თქმით, საინვესტიციო კომპანია საქართველოს ეროვნული ბანკის მიერ არის რეგისტრირებული და მისი ზედამხედველობით ოპერირებს. “ფორსაიტ კაპიტალის” ზომა $30 მლნ-ია და ვადიანობა 5 წლით არის განსაზღვრული.

“ხედვა მარეგულირებლისა და ჩვენი არის, რომ ეს არის სასრული ფონდი, ანუ ის იწყება რომელიღაც დღეს და მთავრება. 5 წლის განმავლობაში ინვესტორებს უბრუნდებათ ან თავიანთი რესურსები დივიდენდებით. დივიდენდები მათ ყოველკვარტლურად ერიცხებათ, ხოლო ძირითადი კაპიტალი ვადის ბოლოს უბრუნდებათ”,– აცხადებს გია მორჩილაძე.

წყარო: bm.ge

მსგავსი სიახლეები

ერთ წელიწადში საქართველოს სახელმწიფო საგარეო ვალი 140.282 მლნ დოლარით გაიზარდა

ერთ წელიწადში საქართველოს სახელმწიფო საგარეო ვალი 140.282 მლნ დოლარით, წინა თვესთან შედარებით კი, 426.952 მლნ დოლარით გაიზარდა.…

ვენახების კადასტრის პროგრამა დასავლეთ საქართველოს მევენახეობის რეგიონებში განხორციელდება

პროგრამა უკვე დასრულდა კახეთის, რაჭა-ლეჩხუმის, ქვემო ქართლის, შიდა ქართლის, მცხეთა-მთიანეთისა და სამცხე-ჯავახეთის რეგიონებში, სადაც ჯამში, აღწერილია 45 312 ჰა ფართობის ვენახები. „2023 წელს, პროგრამა იმერეთის, სამეგრელოს და…

საქართველოში 2022 წელს 10 822 ნებართვა გაიცა 7 421.9 ათასი კვ.მ ფართობის შენობა-ნაგებობების მშენებლობაზე

საქართველოში 2022 წელს გაცემულია 10 822 ნებართვა (წინა წელთან შედარებით 7.2 პროცენტით მეტი) 7 421.9 ათასი კვ.მ ფართობის შენობა-ნაგებობების მშენებლობაზე (წინა წელთან შედარებით 0.2 პროცენტით ნაკლები)-საქსტატი ნებართვების 77.2…

საქართველოს ბანკის მხარდაჭერით გორში 5 ვარსკვლავიანი სასტუმრო Gori Inn გაიხსნა

თბილისი (GBC) - საქართველოს ბანკი ტურიზმისა და მასპინძლობის სექტორის მხარდაჭერას აქტიურ რეჟიმში განაგრძობს. ბანკისა და „ვაკა ისთეითის“ ერთობლივი პროექტის ფარგლებში გორში 5 ვარსკვლავიანი, 119  ნომრიანი  სასტუმრო -  Gori Inn…

ამსტერდამში უფასო სუპერმარკეტი გაიხსნა

სუპერმარკეტ Fris-ში პროდუქტებს ფასის ეტიკეტები არ ადევთ და მათი მოხმარება სოციალურად დაუცველ ფენას უფასოდ შეუძლია.თუმცა სუპერმარკეტი სოციალურად დაუცველებს ერთი პირობით ემსახურება, რომ ისინი თავიანთი ფინანსური მდგომარეობის…

მეტის ჩატვირთვა იტვირთება...პოსტები აღარ მოიძებნა
error: Content is protected !!