რას ნიშნავს სტარტაპი? ვის შეიძლება ვუწოდოთ სტარტაპერი? რა განსხვავებაა მცირე ბიზნესსა და სტარტაპს შორის? – ეს ხშირად დასმულ კითხვათა ნაწილია.
სტარტაპი ადამიანებს სხვადასხვანაირად ესმით. ამ ტერმინის შეცდომით გააზრების ცდუნება მის სახელშია – სტარტი დაწყებას ნიშნავს და სტარტაპი ამიტომ უმეტეს შემთხვევაში ახლად დაფუძნებული კომპანია ჰგონიათ. სინამდვილეში კი სტარტაპის კლასიკურ განმარტებას დაწყებასთან ნაკლები კავშირი აქვს. არის არც თუ ისე ცოტა სტარტაპი, რომელიც 10 და მეტი წლის გახლავთ. Google წლების განმავლობაში სტარტაპი იყო, ასევე Instagram და ა.შ…
“სტარტაპი არის კომპანია, რომელიც მუშაობს პრობლემის გადასაჭრელად ამის გამოსავალი აშკარა არ არის და რომლის წარმატებაც არ არის გარანტირებული, ”– ამბობს ნილ ბლუმენტალი, Warby Parker- ის თანადამფუძნებელი და თანა-აღმასრულებელი დირექტორი.
არსებობს კომპანიები, რომლებიც ხუთი წლის შემდეგ კვლავ შეიძლება იყვნენ დამწყები და არიან სხვებიც, რომლებიც თითქმის მაშინვე წყვეტენ არსებობას, რადგან ისინი სწრაფად გაერთიანდებიან და მათი ზრდის ტემპი უზარმაზარია მათი დაბადებიდან.
რა არის საჭირო ბიზნესის დაწყებისთვის?
გამბედაობა. ეს არის ყველაზე ფუნდამენტური რაც ბიზნესის დაწყებისთვის არის საჭირო. ბიზნესში ვგულისხმობ, რა თქმა უნდა დამატებითი ღირებულების შექმნის მიზნით ორგანიზებულ საქმიანობას (და არა ფულის მოპოვების წინასწარ დაგეგმილი სქემისთვის ლეგალური ელფერის მისაცემად შექმნილ იურიდიულ პირს). რისკი – ეს არის ბიზნესის თანმდევი, განსაკუთრებით დასაწყისში და თუ ადამიანი გამბედავი არ არის, მას არ გამოსდის “ბიზნესმენობა”.
უფრო მატერიალურიდან კი, რა თქმა უნდა ინვესტიციას გამოვყოფდი. ბიზნესს ჭირდება ინვესტიცია და შემდეგ, ამ ინვესტიციის დაცვა.
