დღის სიახლეებიეკონომიკაზოგადი განათლებასაინტერესო სიახლეებისიახლეებიფინანსები

რა პრობლემებს ქმნის გაჩერებული ლარსის საბაჟო ექსპორტიორებისთვის?

0
გაზიარება

დღეს შემოსავლების სამსახურმა გაავრცელა ინფორმაცია, რომ საბაჟო გამშვები პუნქტი ყაზბეგი მუშაობას აჩერებს. მიზეზი დარიალის ხეობაში არსებული მეტეოროლოგიური ვითარებაა, რის გამოც საზღვარზე საქონლის შეტანა-გატანა და სახელმწიფო საზღვრის გადამკვეთ ფიზიკურ პირთა მიმართ საბაჟო კონტროლის პროცედურები ვერ ხორციელდება.

ამ დრომდე უცნობია როდის განაახლებს რუსეთ-საქართველოს საზღვართან არსებული საბაჟო გამშვები პუნქტი მუშაობას, სადაც ტვირთებზე გაზრდილი მოთხოვნის გამო მანამდეც რიგები იყო. საავტომობილო გზების დეპარტამენტის ინფორმაციით, დარიალის ხეობაში ძლიერი წვიმის გამო დაზიანებული გზის აღდგენა უკვე დაიწყო. დისტრიბუტორთა და იმპორტიორთა ასოციაციის ხელმძღვანელი ივა ჭყონია ამბობს, რომ ექსპორტ/იმპორტიორებს ტვირთების გადაზიდვა ალტერნატიული გზით საბაჟო გამშვებ პუნქტ წითელი ხიდის მეშვეობით უწევთ. მისივე თქმით, ამ გზით ტვირთების გადაზიდვა შედარებით ძვირი და დროში გაწელილი იქნება.

“ალტერნატიული გზა აზერბაიჯანთან არსებული საზღვარია, საიდანაც შესაძლებელი იქნება როგორც ტვირთების შემოტანა, ასევე გატანა, თუმცა ეს ფასზე აისახება. ასეთი შემთხვევები ბევრია ხოლმე, როდესაც ლარსის გამშვები პუნქტი იკეტება ზვავსაშიშროების გამო და ამ გზით სარგებლობას ვერ ახერხებენ. ამის გამო ტვირთები აზერბაიჯანის გავლით შემოდის. ეს ადგილობრივი ფერმერებისთვის დისკომფორტი იქნება, რომლებიც მალფუჭებადი პროდუქციის ექსპორტს ეწევიან. აზერბაიჯანის საზღვრიდან ტვირთის გატანა დროში უფრო გაწელილია. პირობითად თუ ლარსის გამშვები პუნქტიდან ტვირთის გატანას 5 დღე სჭირდება, ამ შემთხვევაში ეს დრო 10-12 დღეა. ეს ასევე პრობლემურია იმ მხრივ, რომ რიგები გაიზრდება. აქ მხოლოდ ქართულ ტვირთებზე არ არის საუბარი, ამ გზას იყენებენ სომხეთიდან შემოსული სატვირთო მანქანებიც და მათთვისაც სერიოზული პრობლემაა. სომხეთისთვის ერთადერთი გზა რუსეთიდან იმპორტ/ექსპორტისთვის საქართველოზე გადის და ისინი აზერბაიჯანის გზით ვერ ისარგებლებენ”, – აცხადებს ჭყონია.

მსგავსი სიახლეები

საცურაო აუზი ,,Aqua Baby“–კვალიფიციური პერსონალითა და ევროსტანდარტების სრული დაცვით

ქ. გორში მოწესრიგებული ინფრასტრუქტურითა და ევროსტანდარტების სრული დაცვით საცურაო აუზი ,,Aqua Baby“ შეიქმნა,რომელიც 2-დან 15 წლამდე ბავშვებსა და მოზარდებს ემსახურება. საცურაო აუზით ,,Aqua Baby“ სარგებლობისთვის საჭიროა…

საქართველოს კარტოფილის იმპორტი გაუძვირდა

2022 წელს ქვეყანამ 11,169 ტონა პროდუქტში 4,108 მლნ აშშ დოლარი გადაიხადა, მაშინ, როდესაც 2021 წელს 11,464 ტონა კარტოფილი 2,589 მლნ აშშ დოლარი დაუჯდა- აღნიშნულია საქართველოს სტატისტიკის ეროვნული სამსახურის მონაცემებში 2022 წელს…

ევროკავშირი მიგრანტების მიღების წესებს ამკაცრებს, დეპორტაციას კი ამარტივებს

ევროკავშირი იმ მიგრანტების დეპორტაციას გეგმავს, რომელთა განაცხადი თავშესაფრის ან რეგულაციის თაობაზე უარყოფილი იქნება. მიგრაციის პოლიტიკის შესახებ წევრი ქვეყნების შინაგან საქმეთა მინისტრებმა ხუთშაბათს სტოკჰოლმში გამართულ…

2022 წელს 62 ვაკანსიაში დისკრიმინაციული ნიშნები გამოიკვეთა

შრომის ინსპექციის სამსახურის ინფორმაციით, ვაკანსიების მონიტორინგის შედეგად 2022 წელს 62 ვაკანსიაში დისკრიმინაციული ნიშნები გამოიკვეთა. 39 ვაკანსიაში გამოიკვეთა დასაქმებაზე კანდიდატთა შეზღუდვა ასაკის ნიშნით, 21 შემთხვევაში -…

მეხანძრე-მაშველებს თანამედროვე სტანდარტის ცეცხლმაქრი ზურგჩანთები და ყველგანმავალი კვადროციკლი გადაეცა

შინაგან საქმეთა სამინისტროს საგანგებო სიტუაციების მართვის სამსახურს თანამედროვე სტანდარტის ცეცხლმაქრი ზურგჩანთები და ყველგანმავალი კვადროციკლი გადაეცა. სახანძრო-სამაშველო ტექნიკისა და აღჭურვილობის გადაცემა გაეროს განვითარების…

მეტის ჩატვირთვა იტვირთება...პოსტები აღარ მოიძებნა
error: Content is protected !!