საინტერესო სიახლეებიდღის სიახლეებიეკონომიკასაზოგადოებასიახლეებიტექნოლოგიები

რას პროგნოზირებენ მეცნიერები უახლოეს მომავალში

0
გაზიარება

საკულტო ფილმი Back to the Future II თვლიდა, რომ 2015 წლისთვის კაცობრიობას მფრინავი მანქანები ექნებოდა, ხოლო “ტერმინატორის“ მიხედვით 2029 წლისთვის ჩვენს შორის კიბორგები ივლიდნენ.

ალბათ, არავინ ელოდა, რომ ჰოლივუდური მეცნიერულ- ფანტასტიკური პროგნოზები რეალობად იქცეოდა. თუმცა ცხადია, რომ დღევანდელ რეალობაში ულტრათანამედროვე ტექნოლოგიებმა ახალი შესაძლებლობები გაგვიხსნეს.

წარმოგიდგენთ აწმყოში არსებულ და უახლოეს მომავალში მოსალოდნელ წარმოუდგენელ ტექნოლოგიურ მიღწევებს:

თვითმართვადი მანქანები

პირველი თვითმართვადი მანქანა 1977 წელს, იაპონიაში შეიქმნა. მაგრამ ასეთი ტიპის ავტომობილები მას შემდეგ იხვეწებოდა და საბოლოო შედეგი რამდენიმე წლის წინ გახდა საზოგადოებისთვის ცნობილი.

როდესაც 2018 წლის მარტში Uber-მა ავტოპილოტით მოძრავი მანქანა ქუჩაში გაუშვა, ის ფეხით მოსიარულეს დაეჯახა და ადამიანი გარდაიცვალა. გამოძიებამ დაადგინა, რომ მანქანამ არასწორი მანევრი შეასრულა.

აღნიშნულ ტექნოლოგიას მანქანის ბევრი მწარმოებელი იყენებს, მათ შორისაა Audi, Mercedes Benz და ტესლა. თუმცა, მიუხედავად იმისა, რომ ავტონომიური ფუნქციები ახლა ნელ-ნელა უფრო ჩვეულებრივი ხდება, ადამიანების გარეშე თვითმავალი ავტომობილების გადაადგილება მაინც ვერ ხერხდება.

ამინდის კონტროლი

“გეოინჟინერიის” სახელით ცნობილი მეცნიერები ათწლეულების განმავლობაში ცდილობდნენ ამინდის კონტროლს. 1962 წელს აშშ-ს მთავრობის პროექტი Stormfury ცდილობდა შეესუსტებინა ტროპიკული შტორმები მათში თვითმფრინავების პირდაპირ ფრენით და ანტისეპტიკური ვერცხლის იოდის დათესვით.

თუმცა ეს „ღრუბლების დათესვის“ პროცესი წარმატებული არ იყო, რადგან ქიმიურმა ნივთიერებამ წყალი ქარიშხალში არ გაყინა.

მსოფლიო მეტეოროლოგიური ორგანიზაციის მონაცემებით, ამჟამად 50-ზე მეტ ქვეყანას აქვს ღრუბლების დათესვის პროგრამები. მათ შორისაა ჩინეთი, რომელიც მიზნად ისახავს მსოფლიოში ყველაზე დიდი ამინდის აპარატის გაშვებას, რომელმაც წარმატებით „გაწმინდა“ ცა 2008 წლის პეკინის ოლიმპიადამდე.

ამასობაში, აიდაჰოში იხვეწება პროექტი SNOWIE – რომელიც ამინდის გაკონტროლებას ცდილობს. თუ მეცნიერები წარმატებას მიაღწევენ, ამინდის კონტროლის პოტენციურად მნიშვნელოვანი სარგებელი შეიძლება დიდი იყოს. 1980 წლიდან მოყოლებული, სტიქიური უბედურებები აშშ-ს მთავრობას 1,79 ტრილიონ დოლარზე მეტი დაუჯდა და ეს მაჩვენებელი სავარაუდოდ, გაიზრდება.

3D ორგანოები

2021 წლის ბოლოს, პაციენტი დიდ ბრიტანეთში გახდა პირველი ადამიანი, რომელმაც მიიღო 3D პრინტით შექმნილი თვალი.

კალიფორნიულმა კომპანიამ Prellis Biologics-მა შეიმუშავა ტექნოლოგია კაპილარების სწრაფი შექმნის დასაბეჭდად, რომლებიც ქმნიან ორგანოების შიდა ნაწილს, რაც კიდევ ერთი ნაბიჯით გვაახლოებს 3D ბეჭდვით ორგანოებთან. გარდა ამისა, კომპანიამ ასევე გამოაცხადა 2020 წლის მაისში, რომ იკვლევდა ლიმფური კვანძების ბიობეჭდვას COVID-19 ანტისხეულების წარმოების მიზნით.

2019 წელს მკვლევარმა მელანი მათეუმ, რომელმაც 2016 წელს დააარსა Prellis Biologics Inc, თქვა, რომ მას სჯერა, რომ ორგანიზაციას დასჭირდება 15 მილიონი დოლარი და ორწელიწადნახევარი, სანამ ის შეძლებს ტესტირებას.

მფრინავი მანქანები

1940 წელს ავტომწარმოებელმა ჰენრი ფორდმა თქვა: “მალე თვითმფრინავისა და ავტომობილის კომბინაცია იარსებებს“.

საინვესტიციო ბანკის Morgan Stanley-ის თანახმად, „ავტონომიური ურბანული თვითმფრინავების“ ინდუსტრიამ 2040 წლისთვის შეიძლება შექმნას 1,5 ტრილიონი დოლარის ბაზარი.

Joby მიზნად ისახავს თავისი პირველი სერვისების გაშვებას 2023 წელს.

HT Aero-მ შეიმუშავა მანქანა, რომელსაც შეუძლია ფრენა დაბალ სიმაღლეებზე და ასევე გადაადგილდება მიწაზე. ჩინური კომპანია, რომელმაც 500 მილიონი დოლარი შეაგროვა პროექტის დასაფინანსებლად, მიზნად ისახავს მოდელის გამოშვებას 2024 წლისთვის.

კოსმოსური ტურიზმი

კარგი ამბავი მომავალი ასტრონავტებისთვის: კომერციული კოსმოსური მოგზაურობა შესაძლოა, შესაძლებელი გახდეს ძალიან მალე. 2021 წლის ივნისში Amazon-ის მილიარდერმა დამფუძნებელმა ჯეფ ბეზოსმა წამოიწყო მისი აეროკოსმოსური კომპანიის Blue Origin-ის ეკიპაჟის პირველი მისია. ფრენა New Shepard-ის რაკეტაზე სულ რაღაც 10 წუთს გაგრძელდა, მაგრამ ამას მოჰყვა კიდევ ერთი მისია 13 ოქტომბერს.

Blue Origin და SpaceX არ არიან ერთადერთი მეწარმეები, რომლებიც მიზნად ისახავს კოსმოსური ტურიზმის განვითარებას. ბრიტანელი მეწარმის რიჩარდ ბრენსონის Virgin Galactic გვპირდება, რომ თითქმის ყოველწლიურად მიიყვანს მგზავრებს კოსმოსში.

გენეტიკურად მოდიფიცირებული ადამიანები

2012 წელს მეცნიერებმა ისწავლეს როგორ გამოეყენებინათ ბაქტერიებში ნაპოვნი დნმ-ის თანმიმდევრობა – სახელწოდებით CRISPR დნმ-ის მოსაჭრელად, ადამიანის უჯრედების რედაქტირების პოტენციალის შესამოწმებლად. CRISPR-ს შეუძლია გამოასწოროს ისეთი გენეტიკური დეფექტები, როგორიცაა კისტოზური ფიბროზი, კატარაქტა და ფანკონის ანემია. იშვიათი გენეტიკური დაავადება, რომელსაც შეუძლია გამოიწვიოს ძვლის ტვინის უკმარისობა, კიბო და ლეიკემია.

ბიოეთიკის პროფესორმა ჰენრი გრილიმ სტენფორდის უნივერსიტეტიდან იწინასწარმეტყველა, რომ გენეტიკური ინჟინერიის მქონე ჩვილები ნორმად იქცევიან 20-40 წლის შემდეგ.

კიბოს განკურნება

სამწუხაროა, რომ არ არსებობს პასუხი “დიახ” ან “არა” იმის შესახებ, იქნება თუ არა ოდესმე შესაძლებელი კიბოს სრული განკურნება.

Cancer Research UK ამბობს, რომ ყველა კიბო და კიბოს თითოეული პაციენტის ფორმა განსხვავებულია.

პროფესორი კაროლ სიკორა, ჯანდაცვის მსოფლიო ორგანიზაციის (WHO) კიბოს პროგრამის ყოფილი ხელმძღვანელი, თვლის, რომ მომდევნო ათწლეულში მეცნიერებს შეუძლიათ დაიწყონ პერსონალიზებული მედიკამენტების გამოწერა, რომლებიც კიბოს გრძელვადიან ქრონიკულ მდგომარეობად გარდაქმნიან. ეს საშუალებას მისცემს ადამიანებს იცხოვრონ კიბოთი და მართონ ის სამედიცინო გზით, ისევე როგორც დიაბეტი ან გულის დაავადება.

მსგავსი სიახლეები

ინვესტიციების მოცულობა 61,5%-ით შემცირდა

2023 წლის III კვარტალში, წინა წლის შესაბამის პერიოდთან შედარებით პირდაპირი უცხოური ინვესტიციების მოცულობა 61.5 %-ით შემცირებულია. საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების…

The Economist-მა 2023 წლის საუკეთესო წიგნების რეიტინგი გამოაქვეყნა

მსოფლიოს ერთ-ერთი წამყვანი ეკონომიკური გამოცემა The Economist-ი 2023 წლის საუკეთესო წიგნების რეიტინგის აქვეყნებს, რომელიც რამდენიმე კატეგორიადაა დაყოფილი და წარდგენილი წიგნების განაწილება რამე კონკრეტულ კრიტერიუმზე არ არის…

საქართველოში ფერმერული მეურნეობების რეესტრი შეიქმნება

აგრარულ საკითხთა კომიტეტი საგაზაფხულო სესიაზე ახალი კანონპროექტის - „სოფლის მეურნეობისა და სოფლის განვითარების შესახებ“ - ინიცირებას მოახდენს.  კომიტეტის თავმჯდომარემ, ნინო წილოსანმა განაცხადა, რომ აღნიშნული კანონპროექტი…

ყველაზე ინოვაციური ქვეყნების რეიტინგში 132 ქვეყანას შორის საქართველო 65-ე ადგილს იკავებს

ყველაზე ინოვაციური ქვეყნების რეიტინგში, 132 ქვეყანას შორის საქართველო 65-ე ადგილს იკავებს “ინტელექტუალური საკუთრების მსოფლიო ორგანიზაციამ” 2023 წლის გლობალური ინოვაციების ინდექსის ანგარიში გამოაქვეყნა, რომელშიც სწრაფი…

მეტის ჩატვირთვა იტვირთება...პოსტები აღარ მოიძებნა
error: Content is protected !!