ზოგადი განათლებადღის სიახლეებიმთავარი ამბებისაზოგადოებასაინტერესო სიახლეებისიახლეები

როგორ აღნიშნავენ საქართველოს დამოუკიდებლობის დღეს მსოფლიოს სხვადასხვა ქვეყანაში?

0
გაზიარება

საქართველოს საგარეო საქმეთა სამინისტროს და საზღვარგარეთ საქართველოს დიპლომატიური წარმომადგენლობების ჩართულობით, საქართველოს დამოუკიდებლობის დღე – 26 მაისი, მსოფლიოს მასშტაბით, სხვადასხვა სახის ღონისძიებებით აღინიშნება.

საგარეო საქმეთა სამინისტრო სხვადასხვა ქვეყანაში დაგეგმილი ღონისძიებების შესახებ ინფორმაციას ავრცელებს. უწყების ცნობით, დამოუკიდებლობის დღესთან დაკავშირებით, ტრადიციულად საქართველოს დროშის ფერებში განათდება მსოფლიოს სხვადასხვა ღირშესანიშნაობები.

აღსანიშნავია, რომ წელს პირველად საქართველოს დროშის ფერებში განათდება ალექსანდრიის ბიბლიოთეკა (ეგვიპტე)კანადაში კი უკვე მეორედ, ნიაგარას ჩანჩქერზე გამოიხატება საქართველოს დროშა.

ასევე, 26 მაისთან დაკავშირებით, სტრასბურგში, ევროპის საბჭოს შენობა საქართველოს დროშის ფერებში განათდება. ავსტრალიაში კი საქართველოს დროშის ფერები გამოიხატება ავსტრალიის ეროვნული კარილონის შენობაზე.

არაბთა გაერთიანებულ საამიროებში ADNOC-ის შენობა განათდება საქართველოს სახელმწიფო დროშის ფერებით, კორეის რესპუბლიკაში კი – ქალაქ სეულის მერიის შენობა.

26 მაისის აღსანიშნავად, საუდის არაბეთში ქვეყნის ყველაზე ცნობილ შენობაზე – Kingdom Center გამოიხატება საქართველოს დროშა. თურქეთში საქართველოს დროშის ფერებში განათდება ანკარის სიმბოლოები, თურქეთის პალატებისა და ბირჟების გაერთიანების – TOBB შენობები, ე.წ. ტყუპები და აგრეთვე, ათაქულეს კოშკი; საქართველოს ეროვნული დროშის ფერები გამოისახება სტამბოლის ხიდზეც. აზერბაიჯანში 26 მაისის აღსანიშნავად განათდება ქალაქ ბაქოს ცენტრში მდებარე შენობა. უნგრეთში საქართველოს დროშის ფერებით განათდება შოთა რუსთაველის ძეგლი. სომხეთში კი საქართველოს დროშა გამოისახება დედაქალაქში არსებულ ბილბორდებზე.

26 მაისის აღსანიშნად, ტრადიციულად, საქართველოს ეროვნული სიმბოლოს ფერებში განათდება ლიეტუვას ცენტრალური ხიდი, ასევე ქალაქ კაუნასში ძველი მერიის შენობა „რატუშა“ და შადრევანი, ასევე დაგეგმილია ირლანდიაში, დუბლინის მერიის შენობის განათება საქართველოს ეროვნული დროშის ფერებში. დამოუკიდებლობის დღის აღსანიშნავად, ქ. ბარსელონასა და ქალაქ ათენში განათდება ქალაქის შადრევნები, ხოლო კვიპროსში – საქართველოს დროშის ფერები გამოისახება ძველი მერიის შენობაზე.

ქალაქ სალონიკში მერიის შენობა ასევე განათდება ქართული დროშის ფერებით. ისრაელში კი, 26 მაისთან დაკავშირებით, ქალაქ იერუსალიმის დავითის კოშკსა და ძველი ქალაქის კედელზე ქართული დროშა გამოხატება. აგრეთვე, უზბეკეთში განათდება ქალაქ ტაშკენტის ცენტრალურ მოედანზე მდებარე სასტუმრო „უზბეკეთი“, ხოლო სლოვაკეთში, ნიდერლანდების სამეფოში საქართველოს საელჩოს შენობები. ასევე, 26 მაისთან დაკავშირებით, ირანში თეირანის მთავარ სატელევიზიო ანძაზე გამოისახება საქართველოს დროშა.

საქართველოს დამოუკიდებლობის დღესთან დაკავშირებით, ბელგიაში, ტრადიციულად, 26 მაისის აღსანიშნავად, ბრიუსელის სიმბოლოს, ცნობილი ქანდაკების – Manneken-Pis ქართული ჩოხით შემოსვის ცერემონია გაიმართება. ქალაქ ნიუ-იორკში კი დამოუკიდებლობის დღესთან დაკავშირებით საქართველოს დროშის აღმართის საზეიმო ცერემონიალი გაიმართება.

ჩინეთში დაგეგმილია შოთა რუსთაველის ბიუსტის გახსნა. რუმინეთში, საქართველოს დამოუკიდებლობის დღისადმი მიძღვნილი ღონისძიებების ფარგლებში, მეფე მიხაი პირველის სახელობის პარკში იგეგმება შოთა რუსთაველის ბიუსტის გახსნა, ასევე რუმინულ ენაზე „საქართველოს ისტორიის“ წიგნის პრეზენტაცია და ქართული ფილმების ჩვენება.

ჩეხეთში, ეროვნული დღისადმი მიძღვნილი ღონისძიებების ფარგლებში, მასარიკის უნივერსიტეტში, ადრეული შუა საუკუნეების კვლევით ცენტრში გაიხსნება შოთა რუსთაველის კაბინეტი.

ამასთან, ეროვნულ დღესთან დაკავშირებით, საზღვარგარეთ საქართველოს საელჩოების ორგანიზებით, დაგეგმილია სხვადასხვა სახის კულტურულ-შემეცნებითი ღონისძიებების გამართვაც.

ბელგიაში საქართველოს საელჩოსა და ნატოსთან საქართველოს წარმომადგენლობის ერთობლივი ორგანიზებით, იგეგმება დამოუკიდებლობის დღისადმი მიძღვნილი ფოტო-გამოფენის მოწყობა და თანამედროვე ქართველი მხატვრების გამოფენა.

ბრიტანეთის მუზეუმში, საქართველოს დამოუკიდებლობის დღის აღსანიშნავად მოეწყობა გამოფენა – „საქართველოს ისტორიის ევროპული ფურცლები“ .

ამასთან, ლიეტუვას ოკუპაციის მუზეუმში, დაგეგმილია, 1989 წლის 9 აპრილის 33-ე წლისთავისადმი და საქართველოს დამოუკიდებლობის აღდგენის დღისადმი მიძღვნილი გამოფენის ორგანიზება – “33 წელი 9 აპრილის ტრაგედიიდან, საქართველოს ბრძოლა თავისუფლებისათვის“.

ესტონეთში, 26 მაისს, მოეწყობა გამოფენა საქართველოს ევროპული ინტეგრაციის გზაზე მიღწეული პროგრესის თემაზე, ლატვიაში კი ევროკავშირის წარმომადგენლობის შენობაში გაიმართება გამოფენა „საქართველო – ევროპის განუყოფელი ნაწილი“. გერმანიაში, დამოუკიდებლობისადმი მიძღვნილი ღონისძიებების ფარგლებში, ასევე იგეგმება გამოფენისა და კინოჩვენების ორგანიზება.

სლოვენიაში საქართველოს ეროვნულ დღესთან დაკავშირებით, ლიუბლიანის მერიის შენობაში გაიხსნება ფოტოგამოფენა (25 მაისი – 2 ივნისი) „ჩემი ციხე-სიმაგრე ჩემი სახლია“, ასევე გაიმართება საქართველოს ელჩის საჯარო ლექცია სლოვენიის დიპ. აკადემიის სტუდენტებისა და ახალგაზრდა დიპლომატებისათვის;

დამოუკიდებლობის დღის აღსანიშნავად, ირლანდიაში დუბლინის მერიის შენობაში Mansion House ასევე გაიმართება ფოტო – გამოფენა და ფილმის ჩვენება. ექსპოზიცია მიეძღვნება საქართველოს ევროპული ინტეგრაციის თემატიკას და ამ მიმართულებით ქვეყნის მიერ მიღწეულ შედეგებს. ღონისძიებაზე ასევე წარმოდგენილი იქნება ქართული კულტურის, ისტორიის, ანბანის და ქართული ეროვნული სამოსის ამსახველი ფოტოგამოფენა.

კატარში, 26 მაისთან დაკავშირებით, იგეგმება ქართველი მხატვრების გამოფენის მოწყობა.

ასევე, მექსიკის დედაქალაქის ემბლემატურ მუზეუმში – Soumaya, გაიმართება საქართველოს დამოუკიდებლობის დღისა და დიპლომატიური ურთიერთობების 30 წლისთავისადმი მიძღვნილი ღონისძიება, რომლის ფარგლებშიც ნაჩვენები იქნება ფილმი – „დემოკრატიული მმართველობის ისტორია საქართველოში“.

დამოუკიდებლობის დღესთან დაკავშირებით, კულტურულ-შემეცნებითი ღონისძიებები გაიმართება სერბეთშიც, სადაც მოეწყობა გამოფენა – „ქართული სამოსი – ეროვნული სიმდიდრე და ევროპული კულტურის მემკვიდრეობა“ ქართული ღვინის დეგუსტაციის თანხლებით.

26 მაისს, იაპონიაში გაიხსნება გამოფენა, სადაც წარმოდგენილი იქნება „ვეფხისტყაოსნის“ ილუსტრაციები და ქართული ანბანის სამი სახეობის, ასევე ქართული ეროვნული სამოსის ნიმუშები.

ასევე, აშშ-ში საქართველოს დამოუკიდებლობის დღისადმი მიძღვნილი ღონისძიებების ფარგლებში გაიმართება დახურული ფორმატის დისკუსია საქართველო-აშშ-ის ორმხრივი ურთიერთობების შესახებ;

ეროვნული დღესასწაულის აღსანიშნავად ღონისძიებები ასევე მოეწყობა შვეიცარიაშიფინეთშიუნგრეთშიარგენტინაშიიტალიაშივატიკანშიესპანეთშიპორტუგალიაშიპოლონეთშიკვიპროსშიშვედეთშისაბერძნეთშინიდერლანდებშიავსტრიაშიდანიაშილატვიაშიბელარუსშიბულგარეთშიქუვეითშიყაზახეთშიმალაიზიაშიიორდანიაში, ქალაქ ნიუ-იორკში, ქალაქ სან-ფრანცისკოში, ქალაქ ტრაპიზონში.

მსგავსი სიახლეები

NDI – საქართველოში ყოველ მეხუთე ოჯახს საჭმლის სამყოფი ფული არ აქვს

NDI-ის მიერ ჩატარებული კვლევის თანახმად, ქვეყნის დანარჩენ მოსახლეობასთან შედარებით, პატარა ქალაქებსა და სოფლის ტიპის დასახლებებში მცხოვრებთ და 55+ ასაკის მოქალაქეებს ყველაზე მეტად უჭირთ. პოლიტიკური სიმპატიების მიხედვით…

BUS LANE-ში სხვა სახის სატრანსპორტო საშუალებების მოძრაობის გამო ჯარიმების მოცულობა 226%-ით გაიზარდა

2022 წლის განმავლობაში ბიუჯეტში ავტობუსის ზოლში (BUS LANE) სამარშრუტო სატრანსპორტო საშუალებების გარდა სხვა სახის სატრანსპორტო საშუალებების მოძრაობის, გაჩერების ან დგომისათვის ჯარიმის სახით 4 462 325 ლარი შევიდა, ეს კი…

გაზის რეზერვუარების აღმოჩენის მიზნით BP კასპიის ზღვაში ორ ახალ ჭაბურღილს გაიყვანს

ბრიტანული ნავთობმომპოვებელი გიგანტის BP-ის თანახმად, პირველი ჭაბურღილის სიღრმე 7,000 მეტრს მიაღწევს, რათა რეზერვუარიდან ბუნებრივი აირის მოპოვება გახდეს შესაძლებელი. რეზერვუარის სავარაუდო ადგილმდებარეობა შაჰ დენიზის საბადოს…

2022 წელს საქართველოში ჩადენილი ყველაზე მეტი დანაშაულის შემთხვევა ქურდობაზე, ოჯახში ძალადობაზე და მუქარაზე დაფიქსირდა  

შინაგან საქმეთა სამინისტროს სტატისტიკური მონაცემების თანახმად, დანაშაულის ყველაზე მეტი - 15 862 შემთხვევა (გაიხსნა 8477) ქურდობაზე მოდის, შემდეგ ადგილზეა ოჯახში ძალადობის 4106 (გაიხსნა 3586) და მუქარის 3699 (გაიხსნა 3280)…

თბილისში უძრავი ქონების ღირებულება 28%-ით გაიზარდა

2022 წლის დეკემბერში 2021 წლის ანალოგიურ პერიოდთან შედარებით, თბილისში უძრავი ქონების ღირებულება 28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს…

მეტის ჩატვირთვა იტვირთება...პოსტები აღარ მოიძებნა
error: Content is protected !!