„ევროპულსის“ მიერ გავრცელებული ინფორმაციით რუმინეთში ფეხით მოსიარულეები, რომლებიც გზას ტელეფონზე ყურებისას ან ყურში ყურსასმენებით კვეთენ, დაჯარიმდებიან. აღნიშნული კანონპროექტი ქვეყნის პარლამენტში უკვე განიხილება, რომლის მიხედვით, ჯარიმები 435 ლეის (87,5 ევროს) მიაღწევს.
პარლამენტის წევრები იმედოვნებენ, რომ საგზაო შემთხვევების რაოდენობა შემცირდება. ქვეყანაში მხოლოდ მიმდიდნარე წელს ქვეითთა გადასასვლელის გადაკვეთის დროს ხუთი ადამიანი დაიღუპა.
„ევროპულსის“ ცნობით, ევროკავშირის ქვეყნებმა ახალი ამოცანა დაისახეს, რომელიც 2050 წლისთვის ნულოვან ფატალურ ავტოსაგზაო შემთხვევებს ისახავს მიზნად. კერძოდ, მარტში ევროკომისია ახალგაზრდა მძღოლების უფრო საფუძვლიანი მომზადების ინიციატივთ გამოვიდა, ასევე, დაკორექტირდება სამედიცინო შემოწმების პროცესი და ჯარიმების ზოგადი სისტემა დაინერგება.
ბოლო 20 წლის განმავლობაში ევროპამ ფატალური საგზაო შემთხვევების რაოდენობა გაანახევრა. ამჟამად ევროპის საგზაო მოძრაობა მსოფლიოში ყველაზე უსაფრთხოა.
