ტრენინგ ცენტრებიდასაქმების პროგრამადღის სიახლეებიზოგადი განათლებასაინტერესო სიახლეებისიახლეები

ისრაელში დასაქმების მიზნით 119 ადამიანი სპეციალურ კურსს გადის

0
გაზიარება

დასაქმების ხელშეწყობის სახელმწიფო სააგენტოს ინფორმაციით, ისრაელში ლეგალურად დასაქმების პროგრამით სარგებლობის მიზნით საქართველოს მოქალაქეები კვლავ გადამზადებას გადიან.

გასულ წელს ამოქმედებული პროგრამით ამ დრომდე არავინ დასაქმებულა, თუმცა როგორც სააგენტოში ამბობენ, ამ ეტაპზე სპეციალურ გადამზადებას 100-ზე მეტი ადამიანი გადის.

“როგორც ცნობილია, საქართველოს მთავრობასა და ისრაელის სახელმწიფოს მთავრობას შორის ისრაელში შრომის ბაზრის კონკრეტულ სექტორებში საქართველოს მოქალაქეთა დროებითი დასაქმების შესახებ შეთანხმების ფარგლებში, ისრაელის მხარის მიერ მოთხოვნილია შინმოვლის სპეციალისტთა საკმაოდ დიდი რაოდენობა. მათი სურვილია, რომ დასაქმების მსურველთა გამგზავრება მოხდეს ერთდროულად ან დროის მცირე ინტერვალით.

ამ თვალსაზრისით კი ერთ-ერთ გამოწვევას წარმოადგენდა ის, რომ საქართველოს მოქალაქეები არ ფლობენ ზემოხსენებულ სპეციალობაში განათლების მიღების დამადასტურებელ დოკუმენტს. აღნიშნულ საკითხზე საპასუხოდ, განათლების და მეცნიერების სამინისტროსთან ერთად შემუშავდა მოკლევადიანი (144 საათიანი ერთი თვის ხანგრძლივობის) კურსი გერიატრიული ასისტენტის სპეციალობით.

ამჟამად სწავლება მიმდინარეობს 6 სასწავლო დაწესებულებაში და ჯამში სულ აღნიშნულ კურსს გადის 119 პირი. ცხადია, გარდა შესაბამისი განათლების დამადასტურებელი დოკუმენტებისა, შეთანხმება ითვალისწინებს სხვა კრიტერიუმებსაც, რომლის დაკმაყოფილების შემთხვევაშიც, კურსის გავლის შემდგომ მსურველებს ექნებათ შესაძლებლობა დასაქმდნენ დროებით, ლეგალურად სახელმწიფოთა შეთანხმების ფარგლებში. შეთანხმება არ ითვალისწინებს რაიმე დროში შეზღუდვას”, – უთხრეს BMG-ის სააგენტოში.

საქართველოს მთავრობასა და ისრაელის სახელმწიფოს მთავრობას შორის ისრაელში შრომის ბაზრის კონკრეტულ სექტორებში საქართველოს მოქალაქეთა დროებითი დასაქმების შესახებ შეთანხმების ფარგლებში, დასაქმების მსურველთა რეგისტრაციის პროცესი გასული წლის აპრილიდან დაიწყო.

ისრაელსა და საქართველოს შორის დადებული შეთანხმების თანახმად, საქართველოს მოქალაქეებს ისრაელში ხანგრძლივი მოვლის დაწესებულებებში დამხმარე მუშაკის პოზიციაზე დასაქმება შეუძლიათ. სააგენტოს ინფორმაციით, სამუშაოს ხანგრძლივობა 6 სამუშაო დღეა კვირაში, სრული განაკვეთი. თვის დარიცხული ხელფასი კვირაში 42-საათიანი სამუშაო გრაფიკით 5300 შეკელს შეადგენს, რაც დაახლოებით 1600 დოლარია.

მსგავსი სიახლეები

პროდუქტები, რომლებიც მაისში ყველაზე მეტად გაძვირდა

2023 წლის მაისში წინა თვესთან შედარებით ინფლაციის დონემ საქართველოში -0.1 პროცენტი, ხოლო წლიური ინფლაციის დონემ 1.5 პროცენტი შეადგინა, მონაცემებს სტატისტიკის ეროვნული სამსახური ავრცელებს. 10 საკვები პროდუქტი, რომელიც 2023…

ევროკავშირში თურქული თხილის ალტერნატიულ მიმწოდებლად საქართველოს ანიჭებენ უპირატესობას

აგროპორტალ EastFruit-ის შეფასებით, თურქეთს, რომელიც მსოფლიოში თხილის წამყვანი მწარმოებელია, სერიოზული პრობლემები შეექმნა, რადგან ევროკავშირის ბევრი მყიდველი უკვე ალტერნატიულ მიმწოდებლებს, მათ შორის საქართველოს ანიჭებს…

უძრავი ქონების ქირაზე ფასი შემცირდა

უძრავი ქონების ქირაზე ფასის შემცირების ფონზე, სამომხმარებლო და იპოთეკური სესხების გაცემისას, რომელიც ქირის შემოსავლის საფუძველზე გაიცემა, ეროვნული ბანკი რისკებს ხედავს. სებ-ი კომერციულ ბანკებს რეკომენდაციას აძლევს…

მაისში ბუნებრივი აირი 42.5%-ით გაიაფდა

2023 წლის მაისში ბუნებრივი აირის ფასი თვიურად 42.5%-ით შემცირდა. GALT & TAGGART-ის თანახმად, 2022 წელს ფასმა რეკორდულ მაჩვენებელს მიაღწია რუსეთის მიწოდების შემცირებისა და პანდემიის შემდგომი ეკონომიკის გაჯანსაღების გამო.…

2 ივნისის ვალუტის კურსი

საქართველოს ეროვნულმა ბანკმა ლარის გაცვლითი კურსი დოლართან მიმართებით დღეისათვის 2,6396 GEL/$1 ნიშნულზე დაადგინა. წინა ნიშნულთან შედარებით, ქართული ეროვნული ვალუტის კურსი 0,0424 ლარით გაუფასურდა. ევრო : 2, 8287 ლარი აშშ…

მეტის ჩატვირთვა იტვირთება...პოსტები აღარ მოიძებნა
error: Content is protected !!