სავალუტო რეზერვები ნებისმიერი ქვეყნის ფინანსური სექტორის სტაბილურობის შეფასების ერთ-ერთი მნიშვნელოვანი ინდიკატორია.
ეროვნული ბანკის მონაცემებით, საქართველოს სავალუტო რეზერვების მოცულობა 2022 წლის აპრილის მდგომარეობით, $4.03 მილიარდ დოლარს შეადგენს, მაგრამ სად ინახება ეს თანხა, ბევრისათვის უცნობია. საქართველოს ეროვნული ბანკის 2021 წლის ანგარიშის მიხედვით, ქვეყნის სავალუტო რეზერვები საერთაშორისო ფასიან ქაღალდებსა და ობლიგაციებში არის განთავსებული და მას შესაბამისი საპროცენტო სარგებელიც ერიცხება. რეზერვების ყველაზე დიდი ნაწილი – ₾4.6 მილიარდი ლარის მოცულობით აშშ-ს სახაზინო ობლიგაციებშია ინვესტირებული. სებ-ის ფინანსური ანგარიშიდან ირკვევა, რომ რეზერვების პორტფელში 338 მილიონი ლარი კანადის მთავრობის ობლიგაციებშია ინვესტირებული.
საქართველოს სავალუტო რეზერვი შედგება იმ საფინანსო ინსტიტუტების მიერ გამოშვებული ფასიანი ქაღალდებისგანაც, რომელთა მიმართაც თავად საქართველოს სახელმწიფოს აქვს ვალი. ამის მაგალითია, ADB-ის, EIB-ისა და მსოფლიო ბანკის ჯგუფის ფასიანი ქაღალდები.
სად არის განთავსებული საქართველოს სავალუტო რეზერვები:
სახელმწიფო ფასიანი ქაღალდები:
US Department of the Treasury, Washington – 4.6 მილიარდი ლარი;
Governement of Canada, Ottawa – 338 მილიონი ლარი;
Government of Sweden – 43 მილიონი ლარი;
Government of Denmark – 31 მილიონი ლარი;
საერთაშორისო ინსტიტუტების ფასიანი ქაღალდები
Asian Development Bank, Manila – 257 მილიონი ლარი;
European Investment Bank, Luxembourg – 202 მილიონი ლარი;
European Stability Mechanism – 184 მილიონი ლარი;
Nordic Investment Bank – 53 მილიონი ლარი;
African Development Bank, Abidjan – 48 მილიონი ლარი;
International Bank for Reconstruction & Development, Washington – 47 მილიონი ლარი;
Bank for International Settlements, Basle – 46 მილიონი ლარი;
Inter-American Investment Corporation – 34 მილიონი ლარი;
New Development Bank, Shanghai – 9.8 მილიონი ლარი;
სააგენტოს და სხვა ფასიანი ქაღალდები
Kommuninvest I Sverige AB, Orebro – 202 მილიონი ლარი;
CDP Financial In, Montreal – 177 მილიონი ლარი;
Landeskreditbank Baden-Wuerttemberg Foerderbank – 119 მილიონი ლარი;
Kreditanstalt fuer Wiederaufbau, Frankfurt – 117 მილიონი ლარი;
CPPIB Capital Inc, Toronto – 98 მილიონი ლარი;
Province of Ontario Canada, Toronto – 94 მილიონი ლარი;
Bank Nederlandse Gemeenten, Den Haag – 94 მილიონი ლარი;
Province of Quebec Canada, Quebec – 93 მილიონი ლარი;
Erste Abwicklungsanstalt, Dusseldorf – 89 მილიონი ლარი;
Korean Development Bank – 71 მილიონი ლარი;
Province of Alberta Canada – 59 მილიონი ლარი;
SNCF Reseau EPIC – 53 მილიონი ლარი;
Municipality Finance PLC, Helsinki – 51 მილიონი ლარი;
Canada Housing Trust – 49 მილიონი ლარი;
Svensk Exportkredit AB, Stocholm – 48 მილიონი ლარი;
Queensland Treasury Corp – 46 მილიონი ლარი;
Oesterreichische Kontrollbank AG, Vienna – 45 მილიონი ლარი;
OMERS Finance Trust – 41 მილიონი ლარი;
სხვა – 286 მილიონი ლარი;
საპროცენტო განაკვეთები თითოეული საინვესტიციო კატეგორიისთვის ასეთია:
სახელმწიფო სავალო ფასიანი ქაღალდები – 0.125%-2.50%;
საერთაშორისო ორგანიზაციების სავალო ფასიანი ქაღალდები – 0.25%-3%;
სააგენტოს ფასიანი ქაღალდები – 0.25%-5%.
ამ ფასიანი ქაღალდების დაფარვის ვადები 2022-2028 წლებზეა გადანაწილებული.
