საერთაშორისო ბირჟაზე ნავთობის ფასების დაღმასვლის ძლიერი ტენდენცია ფიქსირდება – გასულ 48 საათში ბარელი ნავთობის ღირებულება 7.5%-ით შემცირდა.
ამჟამად ბარელი Brent-ის ღირებულება 103 დოლარს შეადგენს, ჯერ კიდევ 4 ივლისს მისი ფასი 113.5 დოლარს შეადგენდა; WTI Crude-ის სავაჭრო ფასი კი ამჟამად 99-დოლარიან ნიშნულამდეა შემცირებული, ამ შემთხვევაში, შემცირების მაჩვენებელი 9 დოლარს შეადგენს.
რაც შეეხება ფიუჩერსულ კონტრაქტებს, ბირჟაზე ნავთობის სამომავლო ფასებთან მიმართებით დაღმასვლის გაცილებით მკვეთრი ტენდენცია ფიქსირდება.
ნავთობის ფიუჩერსული კონტრაქტების ფასები თვეების მიხედვით:
2022 წლის აგვისტო – $99.5
2022 წლის სექტემბერი – $96.5
2022 წლის ოქტომბერი – $93.4
2022 წლის ნოემბერი – $90.6
2022 წლის დეკემბერი – $88.3
2023 წლის იანვარი – $87.3
2023 წლის თებერვალი – $85.1
2023 წლის მარტი – $84.4
2023 წლის აპრილი – $82.7
ნავთობის ფასების ასეთი შემცირება, ძირითადად, გლობალური ეკონომიკური ფაქტორების გაუარესებითაა განპირობებული. სავარაუდოდ, 2022 წლის მეოთხე კვარტლიდან დასავლური ეკონომიკების დიდი ნაწილი რეცესიაში გადაეშვება, რაც, თავის მხრივ, ნავთობსა და საწვავზე მოთხოვნის მკვეთრ შემცირებას გამოიწვევს.
