FAOSTAT-ის მონაცემთა ბაზის მიხედვით, საქრთველოს ყველა მეზობელი ქვეყანა უსწრებს. სომხეთი, 437,226 ტონა წარმოებით, 71-ე ადგილზეა, ხოლო აზერბაიჯანი კიდევ უფრო წინაა და 1,036,637 ტონით 45-ე ადგილს იკავებს. თურქეთი კარტოფილის წარმოებით პირველ 20-ეულში შედის და მე-16 ადგილზეა. 2020 წელს მან 5,200,000 ტონა კარტოფილი მოიყვანა. რაც შეეხება რუსეთს, ის ტრადიციულად კარტოფილის უმსხვილეს მწარმოებელთა შორის რჩება და 19,607,361 ტონა მოცულობით მე-4 ადგილზეა.
2021 წლის ივლისში განახლებული სტატისტიკით, FAOSTAT-მა 2019 წლის მონაცემები გამოაქვეყნა. აღსანიშნავია, რომ 2019 წელს, 2020 წელთან შედარებით, საქართველომ, თითქმის, 14 000 ტონით ნაკლები კარტოფილი აწარმოა, რომლის მოცულობაც 194 700 ტონას შეადგენდა და მსოფლიოს 140 ქვეყანას შორის ერთი პოზიციით ზევით, 91-ე ადგილს იკავებდა.
2019 წელს კარტოფილის მთლიანი გლობალური წარმოება, 2020 წელთან შედარებით, თითქმის, 11 500 000 ტონით მეტი იყო და 370,436,581 ტონას შეადგენდა.
