ევროპის რეკონსტრუქციისა და განვითარების ბანკმა 2022 წლისთვის საქართველოს ეკონომიკური ზრდის პროგნოზი გაზარდა. ორგანიზაციის შეფასებით, წელს ეკონომიკური ზრდა 8%-ს მიაღწევს, რაც წინა პროგნოზთან შედარებით 5 პროცენტული პუნქტით მეტია. 2023 წლისთვის კი ეკონომიკური ზრდა 5%-ზე არის პროგნოზირებული.
საქართველოსთან ერთად EBRD-მა ზრდის პროგნოზი გაზარდა სომხეთში 8%-მდე (+6.5 პ.პ.); აზერბაიჯანის პროგნოზი კი უცვლელია და კვლავ 4.5%-ს შეადგენს. 4.5%-მდე გაზარდა ბანკმა ეკონომიკური ზრდის პროგნოზი თურქეთშიც, რაც წინა პროგნოზთან შედარებით 2.5 პროცენტული პუნქტით მეტია. უკრაინაში კი EBRD-ი 30%-იან რეცესიას პროგნოზირებს. ეკონომიკის 5%-იანი ვარდნაა მოსალოდნელი რუსეთში, ბელარუსში კი 5.5%-იანი ვარდნა.
