დღის სიახლეებიმოგზაურობატურიზმი, დასვენება და გართობა

საქართველოში ტყის ველური ტურიზმი იქმნება

0
გაზიარება

საქართველოში ახალი ტურისტული პროდუქტი, ტყის ველური ტურიზმი იქმნება.

ახალ მიმართულებაზე ტყის პროდუქტების ასოციაცია ეკოტურიზმის ასოციაციასთან ერთად მუშაობს. წელს რამდენიმე საცდელი ტურის ჩატარებაც იგეგმება. ტყის ველური ტურიზმის მიმართულება სრულყოფილად კი მომავალი წლიდან გააქტიურდება.

“ვმუშაობთ ახალ ტურისტულ პროდუქტზე, ტყის ველურ ტურიზმზე. ამ მიმართულებით დასაქმდებიან გიდებიც. ვფიქრობ, ახალ პროდუქტს ჩვენს ტურისტებს მომავალი წლიდან აქტიურად შევთავაზებთ. წელს იქნება საცდელი ტურები, ჩატარდება ტრენინგები და გადამზადდებიან გიდები, ვინაიდან, ეს არის ახალი სერვისი. აღსანიშნავია, რომ ტურიზმის ეს მიმართულება დამოკიდებულია სეზონზე, რადგან ტყეში არსებული პროდუქტებიც სეზონურია. იქნება ეს კენკრა, სოკო, სამკურნალო მცენარეები, თუ სხვა. ვიზიტორებს, რომლებიც დაინტერესდებიან ველური ბუნებითა და ტყით, უნდა შევთავაზოთ სეზონური ტურები. ამ ტურში ისინი არა მარტო მოიპოვებენ ტყის პროდუქტებს და გაეცნობიან მათ, არამედ შემდეგ დააგემოვნებენ. ეს იქნება ტურისტული ქსელის ჯაჭვური კავშირი. იქიდან გამომდინარე, რომ ეს სრულიად ახალი სერვისია, ვფიქრობ, დაინტერესებაც დიდი იქნება. ჩვენ კვლევას ევროკავშირის ბაზარზე ვატარებთ”,- განაცხადა “ბიზნესპარტნიორთან” ტყის პროდუქტების ასოციაციის ხელმძღვანელმა, გიორგი გუჯარაიძემ.

მისივე თქმით, ტურები რეგიონების მიხედვით დაიყოფა, სამიზნე ბაზარი კი ძირითადად ევროკავშირი იქნება.

“მაგალითად, მოცვი მოიპოვება გურიაშიც, იმერეთშიც, ხევსურეთშიც და თუშეთშიც. ხევსურეთსა და თუშეთში ეს პროდუქტები აგვისტოს დასაწყისიდან მოიპოვება, ხოლო იმერეთში უფრო ადრე ივლისში. სწორედ რეგიონების შესაბამისად დაიგეგმება ტურები. სამიზნე ევროკავშირის ბაზარია. ასეთი პროდუქტებით ძირითადად იტალიელები, ფრანგები, ამერიკელები და ავსტრალიელები ინტერესდებიან. ამ ქვეყნებში არსებობს კიდეც მსგავსი პრაქტიკა”,- აღნიშნა მან.

წყარო : ბიზნესპარტნიორი

მსგავსი სიახლეები

საქართველოს ნაკრების შემადგენლობა ევრო 2024-ის მოსამზადებელ ეტაპზე

 საქართველოს ეროვნული ნაკრების მთავარმა მწვრთნელმა, ვილი სანიოლმა, დაასახელა საქართველოს ნაკრების შემადგენლობა ევრო 2024-ის მოსამზადებელ ეტაპზე: მეკარეები: გიორგი მამარდაშვილი, გიორგი ლორია, ლუკა გუგეშაშვილი მცველები:…

ზაფხულის სეზონზე საქართველოსა და ევროპის ქვეყნებს შორის 2 500-მდე ავიარეისი შესრულდება

საქართველოს სამოქალაქო ავიაციის სააგენტოს მიერ დამტკიცებული განრიგების შესაბამისად, 2024 წლის ზაფხულის აქტიურ სანავიგაციო სეზონზე 13 600 ავიარეისის შესრულებაა დაგეგმილია. აქედან საქართველოდან ევროპაში და პირიქით…

აპრილში ჩინური მანქანების იმპორტი 380%-ით გაიზარდა

სტატისტიკის ეროვნული სამსახურის მონაცემებით, 2024 წელს აპრილში ჩინეთიდან 283 ერთეული (3,197 მლნ აშშ დოლარი), ავტომობილი შემოვიდა, 2023 წლის იგივე თვეში მხოლოდ 59 (1,639 მლნ აშშ დოლარი). 2024 წლის იანვარ-აპრილში წინა წლის…

FDA-მ ილონ მასკის სტარტაპს Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა

Wall Street Journal-ის ცნობით, კომპანია იმპლანტის ძაფებს წინასთან შედარებით უფრო ღრმად ჩააყენებს ტვინში. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება,  პირველი პაციენტის შემთხვევაში ეს…

2023 წლის საანგარიშო პერიოდში სამუშაო ადგილზე გარდაიცვალა 34 და დაშავდა 347 დასაქმებული

შრომის ინსპექციის სამსახურის მიერ გამოქვეყნებულ 2023 წლის საქმიანობის ანგარიშის მიხედვით, სამუშაო სივრცეში მომხდარი უბედური შემთხვევის შედეგად გარდაცვლილი 34 პირიდან ყველა კაცია, ხოლო დაშავებულთაგან 100 ქალი და 247 კაცი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!