“საპო” – ნატურალური ხელნაკეთი საპნები, სათავგადასავლო წიგნებით

„საპო“ არის ნატურალური ხელნაკეთი საპონი.

ამ ეტაპზე იწარმოება სამი ხაზი:

1. ბავშებისთვის – ცხოველის ფორმის საპონი, რომელსაც მოჰყვება ამ ცხოველის თავგადასავალი. მოთხრობას აკლია ბოლო გვერდი, რომელიც დამალულია საპონში. ბავშვებს უჩნდებათ ხელების დაბანის მოტივაცია, რათა გაიგონ ამბის დასასრული;

2. თბილისში მდებარე კულტურული მემკვიდრეობის ძეგლების ფორმის საპნები – ამ ხაზის სიმბოლური სახელია „ხელებიც დამიბანია“. თითოეულ საპონს მოჰყვება შენობის ისტორია; 3. საპნები ქართულ ხალხურ გამოცანებზე – შეფუთვის ილუსტრაცია მიანიშნებს პასუხზე, რომელიც დამალულია საპონში. კონკურენტებისგან განსხვავებით, საპნები აერთიანებს ორ კომპონენტს – საინტერესო-შემეცნებითს და სასარგებლოს.

„საპოს“ მიღწევა 2020 წელს იყო პროდუქციის გაზრდა 10 სახეობით და რამდენიმე საინტერესო სიუჟეტი საქართველოს წამყვან ტელეარხებზე. წარმოება დაიწყო 2 წლის წინ, ერთი სახის საპნით. ამ ეტაპზე იწარმოება 16 სხვადასხვა საპონი, რომელიც იყიდება თბილისის და გორის მაღაზიებში, ასევე, რამდენიმე ონლაინ-მაღაზიაში. ცნობადობის და ნდობის ამაღლებაში მნიშვნელოვანი გავლენა იქონია საპოს გამარჯვებამ საერთაშორისო კონკურსში ’’BIG IDEA CHALLENGE’’. მომდევნო ორი წლის განმავლობაში იგეგმება საწარმოს მოდერნიზაცია, პროდუქციის რაოდენობის და გაყიდვების გაზრდა, ევროკავშირის და აშშ-ის ბაზარზე შესვლა.