დღის სიახლეებისიახლეები

საქართველო იმპორტირებულ ფქვილზე დროებით გადასახადს აწესებს

0
გაზიარება

სოფლის მეურნეობის სამინისტრო იმპორტულ ფქვილზე დროებით გადასახადის დაწესების გადაწყვეტილებამდე მას შემდეგ მივიდა, რაც ადგილობრივ მწარმოებლებს მარცვლეულის რეალიზაციის პრობლემა შეექმნათ და დახმარების მიღების მიზნით არაერთი საპროტესტო აქცია გამართეს.

საქართველოში არარენტაბელური გახდა ფქვილის წარმოება, რადგან ხორბლისგან განსხვავებით ბოლო 2 წელია საექსპორტო ბაჟი არ მოქმედებს ფქვილზე. როგორც ჩანს, მარცვლეულის ადგილობრივი მწარმოებლების პროტესტი გახდა მთავარი საფუძველი იმისთვის, რომ მთავრობა ბიზნესს ფქვილის იმპორტის შემზღუდავი მექანიზმის შემოღებას დათანხმდა.ფქვილის იმპორტზე გადასახადის დაწესების პირობებში წისქვილები ვალდებულნი იქნებიან კონკრეტულ ფასად შეისყიდონ ადგილობრივი ფერმერებისგან ხორბალი და პურის მწარმოებლებს ისეთი პირობებით მიაწოდონ პირველი ხარისხის ფქვილი, რომ ამან პურის გაძვირება არ გამოიწვიოს

„წისქვილკომბინატები ვალდებულებას იღებენ, 53 ლარზე მეტ ფასად ერთი ტომარა ფქვილი არ იყოს წარმოდგენილი ბაზარზე პურის ქარხნებისათვის. მეორე პარამეტრია, რომელიც მიმართულია ადგილობრივი ხორბლის ძველი მოსავლის მიღებაზე. ეს არის დაახლოებით 70 თეთრის ფარგლებში 1 კილოგრამი ხორბლის მიღება წისქვილკომბინატების მიერ.

მთელი ამ ხნის განმავლობაში [2021 წლიდან დღემდე] გაჩერებული იყო 80-მდე წისქვილი, როგორც მსხვილი, ისე საშუალო და მცირე. ეს გადაწყვეტილება, რომ არ ყოფილიყო მიღებული საშიშროების წინაშე ვიდექით, რომ დარგი შეიძლება უკვე გადაწყობილიყო მთლიანად იმპორტზე“,-აცხადებს მეხორბლეთა ასოციაციის ხელმძღვანელი ლევან სილაგავა.

მთავრობას შესაბამისი დადგენილება არ გამოუცია,შესაბამისად ოფიციალურად გადასახადის ის მოცულობა არ არის ცნობილი, რასაც საქართველო იმპორტირებულ ფქვილს დაუწესებს.

სოფლის მეურნეობის სამინისტროში გამართული შეხვედრის ერთ-ერთი მონაწილე კომპანია „ბარაქას“ ხელმძღვანელი აცხადებს, რომ 200 ლარი ტონაზე იქნება გადასახადის ის მოცულობა, რასაც საქართველო მომდევნო 5 თვის განმავლობაში იმპორტირებულ ფქვილს დაუწესებს.

„ფქვილის იმპორტზე დაწესდა დამატებითი გადასახადი 200 ლარის მოცულობით დამატებითი ღირებულების გადასახადი, რაც თანაბარ პირობებში ჩააყენებს ადგილობრივ მწარმოებლებს სხვა უცხოელ მწარმოებლებთან მიმართებაში“,-აცხადებს ლადო ბიძინაშვილი.

სოფლის მეურნეობის სამინისტროს ინფორმაციით, ფქვილზე დროებითი საიმპორტო საფასური 10 ივნისიდან შევა ძალაში. ფქვილის იმპორტის ზრდის პარალელურად მცირდებოდა ხორბლის იმპორტი. 2022 წლის მდგომარეობით ბოლო ერთ წელიწადში საქართველომ 29 მლნ დოლარით და 183 ათასი ტონით ნაკლები ხორბალი იყიდა. კონკრეტულად რუსეთიდან შემცირება 25,8 მლნ დოლარი და 163,7 ათასი ტონა იყო.

მსგავსი სიახლეები

1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები

2024 წლის 1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები. ინფორმაციას სახელმწიფო სერვისების განვითარების სააგენტო აქვეყნებს. 15 მარტიდან მიმდინარეობს პირადობის…

საქართველოში 30.7 ათასი უცხოელი სტუდენტია

2023-24 სასწავლო წლის მონაცემებით, საქართველოში 30 701 უცხოელი სტუდენტია, რაც დაახლოებით, 23%-ით მეტია წინა სასწავლო წლის მაჩვენებელზე. საქსტატის მონაცემებით, 2022-23 წლებში, ჩვენს ქვეყანაში 25 069 უცხოელი სწავლობდა. 2023-24…

მსოფლიო ბაზარზე საწვავი ძვირდება

მსოფლიო ბაზარარზე ნავთობი ბოლო ერთი კვირის განმავლობაში იზრდება. ამ პერიოდში Brent-ს ტიპის საწვავი 82 დოლარიდან 85 დოლარამდე გაძვირდა, ამერიკულ ნედლ ნავთობზე (WTI) ფასებმა ბარელზე 77-დან 82 დოლარამდე მოიმატა. ნავთობიმპორტიორი…

სოციალურად დაუცველთა ბაზაში რეგისტრირებულ ბავშვთა რაოდენობა 5,2 %-ით გაიზარდა

ადამიანის უფლებათა დაცვისა და სამოქალაქო ინტეგრაციის კომიტეტმა 2023 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ანგარიში მოისმინა. ანგარიში საქართველოს სახალხო დამცველმა ლევან იოსელიანმა…

ამერიკული ავტომობილების იმპორტი 21%-ით შემცირდა

სტატისტიკის ეროვნული სამსახურის მონაცემებით, წელს იანვარ-მაისში საქართველოში 46,226 ერთეული (549.952 მლნ აშშ დოლარი) ამერიკული მანქანა შემოვიდა, რაც 21%-ით ნაკლებია (თანხებში 23%-ით ნაკლები) წინა წლის ანალოგიური პერიოდის…

მეტის ჩატვირთვა იტვირთება...პოსტები აღარ მოიძებნა
error: Content is protected !!