ეკონომიკაRSS კატეგორიადღის სიახლეებისიახლეები

საქართველომ რუსეთიდან იმპორტი 160 მილიონი დოლარით გაზარდა

0
გაზიარება

სტატისტიკის ეროვნული სამსახურის გამოქვეყნებული ცნობის მიხედვით, საქართველომ რუსეთთან როგორც ექსპორტი, ასევე იმპორტი გაზარდა. დოკუმენტის თანახმად, 2022 წელს ქვეყანამ რუსეთიდან 553.9 მილიონი დოლარის საქონელი შეიძინა, რაც წინა წელთან შედარებით 160 მილიონი დოლარით მეტია. ამ მაჩვენებლით, რუსეთი საქართველოს მეორე უმსხვილესი საიმპორტო ბაზარია.

3.7%-იანი მატებაა ექსპორტში, რადგანაც იანვარ-მაისში რუსეთის ფედერაციაში 210.2 მილიონის ღირებულების საქონელი გავიდა. შედეგად, რუსეთმა მესამე უმსხვილესი საექსპორტო ქვეყნის სტატუსი შეინარჩუნდა.

იმპორტში პირველ ადგილს ნავთობი და ნავთობპროდუქტები იკავებს, რომლის იმპორტიც 124.3 მილიონი დოლარი იყო, რაც წინა წელთან შედარებით 148%-ით მეტია.

გაზრდილია ნავთობის იმპორტის ღირებულება და მოცულობაც. თუკი 2021 წლის 5 თვეში საქართველომ 50 მილიონი დოლარის 95,800 ტონა რუსული ნავთობპროდუქტები შეიძინა, წელს ეს თანხა $124.3 მილიონამდე და 138,600 ტონამდეა გაზრდილი.

რუსეთიდან იმპორტირებული პროდუქციის ხუთეული ასე გამოიყურება:

1) ნავთობპროდუქტები – $124.3 მილიონი, 138,600 ტონა, (მატება 148%);
2) ბუნებრივი აირი – $38.9 მილიონი, 152,900 ტონა, (კლება 32.6%);
3) ქვანახშირის კოქსი – $22.8 მილიონი, 40,600 ტონა, (მატება 171%);
4) ხორბლის ფქვილი – $22.4 მილიონი, 63,300 ტონა, (მატება 1217)%;
5) მარგარინი – $22.3 მილიონი, 13,500 ტონა, (მატება 686%).

რუსეთში საქართველოს მთავარი საექსპორტო საქონელი ფეროშენადნობებია, რომელთა ექსპორტიც წელს 44%-ით გაიზარდა და $79.3 მილიონს მიაღწია.

საქართველოდან რუსეთში ექსპორტირებული პროდუქციის ხუთეული ასეთია:

1) ფეროშენადნობები – 79.3 მილიონი დოლარი, 37,900 ტონა, (მატება წინა წელთან 44%);
2) ღვინოები – 46.1 მილიონი დოლარი, 17,000 ტონა, (კლება წინა წელთან 3.1%);
3) მინერალური და მტკნარი წყლები – 17 მილიონი დოლარი, 31,800 ტონა, (კლება წინა წელთან 31%);
4) სპირტიანი სასმელები – 9.9 მილიონი დოლარი, 2,400 ტონა, (კლება წინა წელთან 24%;)
5) გაზირებული წყლები შაქრით – 8.8 მილიონი დოლარი, 13,900 ტონა, (კლება წინა წელთან 13.7%).

მსგავსი სიახლეები

ბლუმბერგი ბათუმის, როგორც ბიზნეს შესაძლებლობების ქალაქის შესახებ სიუჟეტს ამზადებს

ტელეკომპანია BLOOMBERG ბათუმის, როგორც საინვესტიციო და მრავალფეროვანი ბიზნეს შესაძლებლობების ქალაქის შესახებ სიუჟეტს ამზადებს. ინფორმაციას ამის შესახებ აჭარის ა.რ. ტურიზმისა და კურორტების დეპარტამენტის პრესსამსახური…

„ჰიუნდაი ავტო საქართველო“ 25 წლისაა

„ჰიუნდაი ავტო საქართველო“-მ ქართულ ბაზარზე ბიზნესსაქმიანობის 25 წლის იუბილე აღნიშნა. იუბილესთან დაკავშირებით, კომპანიამ 25 სექტემბერს, სასტუმრო „პულმანში“ სპეციალური მიღება გამართა. ღონისძიებას ხელისუფლებისა და ბიზნესსექტორის…

მიგრანტების შემოსვლა საქართველოსთვის ერთგვარი შოკია, რაც ინფლაციაზე წნეხს გაზრდის – ADB

მიგრანტების შემოდინება ერთგვარი შოკი იქნება საერთო მოთხოვნისთვის - იქნება მაღალი ზეწოლა ინფლაციაზე, საკვების ფასებზე და სერვისებზე“,- ამის შესახებ ცენტრალური და დასავლეთ აზიის დეპარტამენტის რეგიონული თანამშრომლობისა და…

jobs.ge-ზე ვაკანსიები იზრდება

2022 წლის მარტიდან აგვისტოს ჩათვლით, 39 984 ვაკანსია გამოქვეყნდა jobs.ge-ზე, რაც 2021 წლის შესაბამის პერიოდთან შედარებით, 37%- ით, ხოლო 2020 წლის შესაბამის პერიოდთან შედარებით, 197%- ით გაზრდილი მაჩვენებელია. ამის შესახებ…

საქართველოსა და ბელარუსს შორის სავაჭრო ბრუნვა იზრდება

საქართველოსა და ბელარუსს შორის სავაჭრო ბრუნვა იზრდება,მატულობს როგორც იმპორტი, ასევე ექსპორტიც. საქსტატის მონაცემებით, 2022 წლის იანვარ-აგვისტოში 2 ქვეყანას შორის სავაჭრო ბრუნვის მოცულობამ 85,430 მლნ დოლარი შეადგინა, წინა…

მეტის ჩატვირთვა იტვირთება...პოსტები აღარ მოიძებნა
error: Content is protected !!