BM.Ge-ს ინფორმაციით, საქართველომ გასულ წელს თევზის, კიბოსნაირების, მოლუსკების და წყლის სხვა უხერხემლოების ექსპორტით 2.4 მლნ დოლარის შემოსავალი მიიღო. გასული წლის ექსპორტის მაჩვენებელი პანდემიური წლის მონაცემებს 27.4%-ით ჩამორჩებოდა, ხოლო 2019 წლის ექსპორტს 12%-ით აღემატებოდა. (2020 წელი – 3.3 მლნ დოლარი; 2019 წელი – 2.2 მლნ დოლარი).
ოფიციალური სტატისტიკის მიხედვით, თევზის და სხვა უხერხემლოების ექსპორტი, ძირითადად, მეზობელ ქვეყნებში განხორციელდა. საექსპორტო ბაზრების ჩამონათვალი კი ასეთია:
1. აზერბაიჯანი – 900.5 ათასი დოლარი;
2. რუსეთი – 858 ათასი დოლარი;
3. სომხეთი – 554.9 ათასი დოლარი;
4. უკრაინა – 45.4 ათასი დოლარი;
5. ურუგვაი – 41.7 ათასი დოლარი;
6. ინდონეზია – 24.5 ათასი დოლარი.
აღსანიშნია, რომ 2022 წლის პირველ კვარტალში საქართველომ 390.8 ათასი დოლარის ღირებულების თევზი და წყლის უხერხემლოები გაიტანა ექსპორტზე. შესაბამისად, ექსპორტით მიღებული შემოსავალი გასული წლის ამავე პერიოდის მაჩვენებელს მცირედით აღემატებოდა (2021 წელი, I კვარტალი – 338.3 ათასი დოლარი), ხოლო 2020 წლის მონაცემებს თითქმის 4-ჯერ ჩამორჩება (2020 წელი, I კვარტალი – 1.2 მლნ დოლარი).
რაც შეეხება იმპორტს, საქართველოდან 2021 წელს თევზის, კიბოსნაირების, მოლუსკის, და წყლის სხვა უხერხემლოების შესაძენად 32.6 მლნ დოლარი გავიდა. საქსტატის ოფიციალური მონაცემების მიხედვით, ბოლო 5 წლის განმავლობაში აღნიშნული საქონლის იმპორტი მცირედით იცვლებოდა და მის მაჩვენებელზე პანდემიას დიდი გავლენა არ მოუხდენია. მაგალითისთვის: 2020 წელს თევზის და წყლის სხვა უხერხემლოების იმპორტის ღირებულებამ – 32.1 მლნ დოლარი, 2019 წელს – 34.6 მლნ დოლარი, 2018 წელს – 30 მლნ დოლარი, ხოლო 2017 წელს – 37.4 მლნ დოლარი შეადგინა.
საიმპორტო ქვეყნების ჩამონათვალი, საექსპორტოსთან შედარებით უფრო მრავალფეროვანია. ოფიციალური სტატისტიკით, 2021 წლის სხვადასხვა სახის თევზის TOP-10 საიმპორტო ქვეყანა შემდეგია:
1. ნორვეგია – 5.3 მლნ დოლარი;
2. თურქეთი – 4 მლნ დოლარი;
3. ისლანდია – 2.6 მლნ დოლარი;
4. აშშ- 2.3 მლნ დოლარი;
5. კანადა – 2.1 მლნ დოლარი;
6. დანია – 2 მლნ დოლარი;
7. ესპანეთი – 1.8 მლნ დოლარი;
8. ახალი ზელანდია – 1.3 მლნ დოლარი;
9. რუსეთი – 1.1 მლნ დოლარი;
10. ესტონეთი – 1.1 მლნ დოლარი.
