მსოფლიო ბაზარზე კაკაოს გაძვირების ფონზე, მწარმოებლებზე შოკოლადზე ფასს ზრდიან, ამ დროისთვის ფასმატება არ აღინიშნება ქართულ ბაზარზე.
„ბარამბოს“ მარკეტინგის განყოფილების ხელმძღვანელის, ანი კუპრეიშვილის განცხადებით, კაკაოს ნედლეულის 70%, რასაც „ბარამბო“ იღებს, არის იმპორტული.
„ველოდებით ფასების გაძვირებას, თუმცა ვითვალისწინებთ მომხმარებლების ინტერესებს და საწყისი ეტაპიდან ვეცდებით, რომ შევინარჩუნოთ პოზიციები საფასო კატეგორიებში მოგების მარჟის ხარჯზე, მაგრამ გარკვეული გაძვირება მაინც იქნება მოსალოდნელი. ხარისხიანი პროდუქციის წარმოებისთვის საჭიროა ნედლეულის იმპორტული გზით მიღება, შესაბამისად, მოგვიწევს ფასების ზრდა, რომ შევინარჩუნოთ ხარისხი. 2023 წელს ბარამბოს შოკოლადის რეალიზაციის ნაწილში ჰქონდა დაახლოებით 35%-იანი ზრდა ბაზარზე და წელსაც გვაქვს მოლოდინი, რომ შოკოლადის პროდუქტების მოხმარება არ შემცირდება“, – განაცხადა ანი კუპრეიშვილმა.
მსოფლი ბაზარზე კაკაოს ფასი რეკორდებს ყოველდღიურად ამყარებს. ამ დროის მონაცემებით, ერთი ტონა კაკაო 8 324 დოლარი ღირს, რაც წლურად 297%-იანი ზრდაა.
