დღის სიახლეებისიახლეები

საქართველოსთვის აზერბაიჯანი უმსხვილესი საექსპორტო ქვეყანაა

0
გაზიარება

საქართველო-აზერბაიჯანის სავაჭრო ურთიერთობები 2020 წლიდან ყოველწლიურად იზრდება. 2023 წლის განმავლობაში ქვეყნების სავაჭრო ბრუნვა 15.4%-ით 1 მილიარდ 515 მილიონ დოლარამდე გაიზარდა. ოფიციალური სტატისტიკის მიხედვით, მეზობელმა ქვეყანამ უმსხვილეს სავაჭრო პარტნიორ ქვეყნებს შორის 7%-იანი წილით მეხუთე ადგილი დაიკავა.

2023 წელს აზერბაიჯანი საქართველოსთვის #1 საექსპორტო მიმართულება იყო და მთლიან ექსპორტში 14.2%-იანი წილი ეკავა. ჯამში გასულ წელს აზერბაიჯანში 862 მილიონ 070 ათასი დოლარის ღირებულების საქონელი გავიდა, რაც 2022 წლის ექსპორტს 28.2%-ით აღემატება.

სტატისტიკის ვაჭრობის პორტალის მონაცემებით, აზერბაიჯანში ექსპორტის ნახევარს 50.7%-ს ავტომობილები იკავებენ. ეს საქონელი გასულ წლებშიც TOP-საექსპორტო საქონელს შორის პირველ ადგილს იკავებდა. 2023 წელს საქართველოდან აზერბაიჯანში ავტომობილების ექსპორტი 41.7%-ით გაიზარდა.

TOP-10 ექსპორტირებული საქონლის რეიტინგი :

  1. მსუბუქი ავტომობილები – $437.2 მლნ, 22 393 ცალი;
  2. სამრეწველო დამზადების სხვა თამბაქო და თამბაქოს სამრეწველო შემცვლელები – $35.4 მლნ, 2 336 ტონა;
  3. დაფასოებული სამკურნალო საშუალებები – $26 მლნ, 670 ტონა;
  4. სატვირთო ავტომობილები – $25.9 მლნ, 3 042 ტონა;
  5. ტარა ქაღალდის, მუყაოს, ცელულოზის ბოჭკოს ბამბის ან ტილოსაგან – $25.6 მლნ, 1 246 ტონა;
  6. კოპტონი და სხვა მყარი ნარჩენები – $25.3 მლნ, 37 249 ტონა;
  7. მსხვილფეხა რქოსანი პირუტყვი, ცოცხალი – $19.2 მლნ, 5 169 ტონა;
  8. ნავთობი და ნავთობპროდუქტები – $15.8 მლნ, 12 425 ტონა;
  9. ცხვრები და თხები ცოცხალი – $14.8 მლნ, 6 518 ტონა;
  10. წყლები, მინერალურისა და დაგაზიანებულის ჩათვლით, შაქრის დანამატებით – $13.5 მლნ, 19 187 ტონა;

 

ექსპორტთან შედარებით აზერბაიჯანიდან საქართველოში საქონლის იმპორტი მცირეა, თუმცა ამ ქვეყნიდან შეძენილი საქონლის ღირებულებაც გაიზარდა და აზერბაიჯანმა უმსხვილესი იმპორტიორი ქვეყნების ათეულში 4.2%-იანი წილით მეექვსე ადგილი დაიკავა. ჯამში გასულ წელს საქართველოდან აზერბაიჯანში საქონლის შესაძენად 653 მილიონ 911 ათასი დოლარი გავიდა. შესაბამისად იმპორტი წლიურად მცირედ – 2.1%-ით გაიზარდა. გასულ წელს ქვეყნებს შორის იმპორტი რეკორდული იყო.

TOP-10 იმპორტირებული საქონლის რეიტინგი:

  1. ნავთობის აირები და აირისებრი ნახშირწყალბადები სხვა – $313.4 მლნ, 1 768 395 ტონა;
  2. ნავთობი და ნავთობპროდუქტები – $95.4 მლნ, 112 388 ტონა;
  3. ცემენტი – $57 მლნ, 871 614 ტონა;
  4. წნელები ნახშირბადიანი ფოლადისაგან – $32.2 მლნ, 51 337 ტონა;
  5. მსუბუქი ავტომობილები – $20.9 მლნ, 217 ცალი;
  6. სიგარები, სიგარილები და სიგარეტები თამბაქოს ან მისი შემცვლელებისაგან – $11.5 მლნ, 860 ტონა’
  7. ნაწარმი თაბაშირის ან მის საფუძველზე დამზადებული ნარევებისაგან – $10 მლნ, 56 249 ტონა;
  8. თაბაშირი; ანჰიდრიტი; ბათქაში – $8.9 მლნ, 263 189 ტონა;
  9. რძე და ნაღები, შეუსქელებელი და შაქრის დამატების გარეშე – $4.8 მლნ, 6 318 ტონა;
  10. მავთულები იზოლირებული, კაბელები – $4.3 მლნ, 1 233 ტონა;

 

მსგავსი სიახლეები

ხელოვნური ინტელექტი სმარტფონებში

ხელოვნური ინტელექტის სმარტფონები -  სმარტფონებისა და მობილური ტელეფონების მწარმოებლები უკვე აქტიურად მუშაობენ ხელოვნური ინტელექტის ტექნოლოგიის ტელეფონებში დანერგვაზე. OpenAI-ის ChatGPT, რომელიც 2022 წლის ბოლოს გამოვიდა,…

საყოველთაო ჯანდაცვის სისტემა საქართველოს მოსახლეობის 94.7 %-ს მოიცავს

ჯანმრთელობის ეროვნული სააგენტოს მიერ 2023 წლის ანგარიშის მიხედვით, საყოველთაო ჯანდაცვის სისტემით მოცულია საქართველოს მოსახლეობის 94. 7 % . 1.3 მლრდ ლარით დაფინანსდა მილიონამდე ადამიანი და 2 823 000 სამედიცინო შემთხვევა.…

გონიოში მართვის მოწმობის საგამოცდო ცენტრის მოწყობა იგეგმება

აჭარაში, გონიოში მართვის მოწმობის საგამოცდო ცენტრის მოწყობა იგეგმება - შინაგან საქმეთა სამინისტროს მომსახურების სააგენტომ სახელმწიფო შესყიდვების გვერდზე ტენდერი გამოაცხადა. ტენდერის პირობებიდან ირკვევა, რომ დაინტერესებულმა…

საბერძნეთში ქართული პროდუქციის ექსპორტი 1341%-ით გაიზარდა

სტატისტიკის ეროვნული სამსახურის მონაცემების მიხედვით, საქართველოს ადგილობრივი ექსპორტი საბერძნეთთან 2024 წლის იანვარში 1341%-ით გაიზარდა. აღნიშნულ პერიოდში საბერძნეთში 5.1 მილიონი აშშ დოლარის ღირებულების ადგილობრივი წარმოების…

მეტის ჩატვირთვა იტვირთება...პოსტები აღარ მოიძებნა
error: Content is protected !!