PMC კვლევითი ცენტრის ინფორმაციით, სასტუმროების ფასების ინდექსი აგვისტოში ივლისთან შედარებით 1.4%-ით გაიზარდა. კერძოდ, 3, 4 და 5 ვარსკვლავიანი სასტუმროების ფასების ინდექსი 0.9%-ით, ხოლო საოჯახო ტიპის სასტუმროების ფასები 1.5%-ით არის გაზრდილი.
თვიური ინდექსი ყველაზე მაღალი აჭარასა (6.5%) და შიდა ქართლშია (5.7%), ყველაზე ნაკლები, კი გურიაში (-4%).
2022 წლის აგვისტოში, გასული წლის ანალოგიურ პერიოდთან შედარებით, სასტუმროების ფასების ინდექსი 15.8%-ით გაიზარდა, მათ შორის 3, 4 და 5 ვარსკვლავიანი სასტუმროების ფასების ინდექსი 14.4%-ით, ხოლო საოჯახო ტიპის სასტუმროების ფასები 36.3%-ით გაიზარდა.
წლიური ინდექსი ყველაზე მაღალი იყო აჭარასა (27.6%) და კახეთში (19%), ყველაზე ნაკლები კი შიდა ქართლში (3.9%). აგვისტოში საქართველოში 3-ვარსკვლავიანი სასტუმროების საშუალო ფასმა 182 ლარი შეადგინა, ხოლო 4-ვარსკვლავიანი სასტუმროების საშუალო ფასი 284 ლარია. საოჯახო ტიპის სასტუმროების საშუალო ფასმა აგვისტოში 122 ლარი შეადგინა. 5-ვარსკვლავიან სასტუმროს საშუალო ფასი, აგვისტოში, 510 ლარია.
წყარო : bm.ge
