დღის სიახლეებისაინტერესო სიახლეებისიახლეები

სიცოცხლის ხანგრძლივობა ქვეყნების მიხედვით

0
გაზიარება

ქვეყნების განვითარების დონე სხვადასხვა პარამეტრების მიხედვით ფასდება. ერთ-ერთი ასეთი კრიტერიუმი – სიცოცხლის ხანგრძლივობაა, რომელიც, ხშირად, ეკონომისტებისა და ფინანსისტების კვლევის მიღმა რჩება, არადა მას გავლენა აქვს, როგორც მთლიან შიდა პროდუქტზე, ასევე ერის ზოგად ბედნიერებაზე.
სამყაროს ტექნოლოგიურ განვითარებასთან ერთად, მსოფლიოს მასშტაბით სიცოცხლის ხანგრძლივობა თითქმის ყოველწლიურად იზრდება. თუ 1913 წელს, ადამიანი საშუალოდ 34 წლის განმავლობაში ცხოვრობდა, 2022 წელს, ეს მაჩვენებელი 72 წლამდე გაიზარდა. საერთაშორისო სავალუტო ფონდის მონაცემებით, ზოგადი ტრენდისგან განსხვავებული აღმოჩნდა 2020 და 2021 წლები, როცა პანდემიის გამო, მსოფლიოში სიცოცხლის მოსალოდნელი ხანგრძლივობა 71 წლამდე შემცირდა. ამასთან, კვლავ შედარებით დაბალია ცხოვრების საშუალო ხანგრძლივობა მამაკაცებში, რაც მათ შედარებით უფრო საფრთხისშემცველ საქმიანობაში ჩართულობასთან არის დაკავშირებული.

სამყაროს ტექნოლოგიურ განვითარებასთან და ბიუჯეტური მედიცინის ხელმისაწვდომობის გაზრდასთან ერთად, მოსალოდნელია, რომ ადამიანის ცხოვრების საშუალო ხანგრძლივობა, წლების გასვლასთან ერთად კიდევ უფრო გაიზრდება, როგორც განვითარებულ, ასევე განვითარებად ქვეყნებში.

იმ ქვეყნების რეიტინგი, სადაც ადამიანები საშუალოდ ყველაზე დიდხანს ცოცხლობენ, შემდეგნაირად გამოიყურება:

ჰონგ-კონგი – 85 წელი;
მაკაო – 85 წელი;

იაპონია – 84 წელი;
ლიხტენშტაინი – 84 წელი;
შვეიცარია – 84 წელი;
სამხრეთ კორეა – 84 წელი;

ფარერის კუნძულები – 83 წელი;
სინგაპური – 83 წელი;
ავსტრალია – 83 წელი;
ესპანეთი – 83 წელი;
ნორვეგია – 83 წელი;
შვედეთი – 83 წელი;
ისლანდია – 83 წელი;
მალტა – 83 წელი;
იტალია – 83 წელი;
ლუქსემბურგი – 83 წელი;
კანადა – 83 წელი;
ისრაელი – 83 წელი;

საფრანგეთი – 82 წელი;
ახალი ზელანდია – 82 წელი;
კაიმანის კუნძულები – 82 წელი;
ირლანდია – 82 წელი;
ფინეთი – 82 წელი;
ბელგია – 82 წელი;

ნიდერლანდები – 81 წელი;
დანია – 81 წელი;
ავსტრია – 81 წელი;
ჩენელის კუნძულები – 81 წელი;
კვიპროსი – 81 წელი;
პორტუგალია – 81 წელი;
გერმანია – 81 წელი;
სლოვენია – 81 წელი;
გაერთიანებული სამეფო – 81 წელი;
მენის კუნძული – 81 წელი.

იმ ქვეყნების რეიტინგი, სადაც ადამიანები საშუალოდ ყველაზე ნაკლებს ცოცხლობენ, შემდეგნაირად გამოიყურება:

ჩადი – 53 წელი;
ნიგერია – 53 წელი;
ლესოთო – 53 წელი;

ცენტრალური აფრიკის რესპუბლიკა – 54 წელი;

სამხრეთ სუდანი – 55 წელი;
სომალი – 55 წელი;

ესვატინი – 57 წელი;

კოტ-დ’ივუარი – 59 წელი;
გვინეა – 59 წელი;
მალი – 59 წელი;
კონგო – 59 წელი;
ზიმბაბვე – 59 წელი;
ნამიბია – 59 წელი;
ბურკინა-ფასო – 59 წელი;
მოზამბიკი – 59 წელი;

სიცოცხლის ხანგრძლივობის ყველაზე მაღალი და დაბალი მაჩვენებლით მსოფლიოს სახელმწიფოების მიმოხილვის შემდეგ, შეიძლება გაჩნდეს კითხვა, თუ რა ადგილს იკავებს საქართველო ამ რეიტინგში და როგორ განსხვავდება სიცოცხლის ხანგრძლივობა ჩვენს ქვეყანაში რეგიონის სხვა ქვეყნებისგან.

მსოფლიო ბანკის მონაცემებით, საქართველოში სიცოცხლის საშუალო ხანგრძლივობა 72 წელს შეადგენს, რაც ამავე წყაროს მიხედვით, გლობალურ საშუალოს ერთი წლით აღემატება. მსოფლიო ბანკის მონაცემებით, ამდენივე წლის განმავლობაში ცხოვრობენ ტაჯიკეთში, ბულგარეთში, პერუსა და ბანგლადეშში. ამ მაჩვენებლით, საქართველო ისეთ სახელმწიფოებს აღემატება, როგორიცაა პარაგვაი, მექსიკა, მოლდოვა და სამხრეთ აფრიკა.

სიცოცხლის საშუალო ხანგრძლივობის მიხედვით ჩვენი რეგიონის ქვეყნების რეიტინგი, შემდეგნაირად გამოიყურება:

თურქეთი – 76 წელი;
საქართველო – 72 წელი;
სომხეთი – 72 წელი;
აზერბაიჯანი – 69 წელი;
რუსეთი – 69 წელი;

მსგავსი სიახლეები

1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები

2024 წლის 1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები. ინფორმაციას სახელმწიფო სერვისების განვითარების სააგენტო აქვეყნებს. 15 მარტიდან მიმდინარეობს პირადობის…

საქართველოში 30.7 ათასი უცხოელი სტუდენტია

2023-24 სასწავლო წლის მონაცემებით, საქართველოში 30 701 უცხოელი სტუდენტია, რაც დაახლოებით, 23%-ით მეტია წინა სასწავლო წლის მაჩვენებელზე. საქსტატის მონაცემებით, 2022-23 წლებში, ჩვენს ქვეყანაში 25 069 უცხოელი სწავლობდა. 2023-24…

მსოფლიო ბაზარზე საწვავი ძვირდება

მსოფლიო ბაზარარზე ნავთობი ბოლო ერთი კვირის განმავლობაში იზრდება. ამ პერიოდში Brent-ს ტიპის საწვავი 82 დოლარიდან 85 დოლარამდე გაძვირდა, ამერიკულ ნედლ ნავთობზე (WTI) ფასებმა ბარელზე 77-დან 82 დოლარამდე მოიმატა. ნავთობიმპორტიორი…

სოციალურად დაუცველთა ბაზაში რეგისტრირებულ ბავშვთა რაოდენობა 5,2 %-ით გაიზარდა

ადამიანის უფლებათა დაცვისა და სამოქალაქო ინტეგრაციის კომიტეტმა 2023 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ანგარიში მოისმინა. ანგარიში საქართველოს სახალხო დამცველმა ლევან იოსელიანმა…

ამერიკული ავტომობილების იმპორტი 21%-ით შემცირდა

სტატისტიკის ეროვნული სამსახურის მონაცემებით, წელს იანვარ-მაისში საქართველოში 46,226 ერთეული (549.952 მლნ აშშ დოლარი) ამერიკული მანქანა შემოვიდა, რაც 21%-ით ნაკლებია (თანხებში 23%-ით ნაკლები) წინა წლის ანალოგიური პერიოდის…

მეტის ჩატვირთვა იტვირთება...პოსტები აღარ მოიძებნა
error: Content is protected !!