სტარტაპებიRSS კატეგორიამომსახურების სფერო

სტარტაპი Inventors.ge –„დაშლილების“ ონლაინ პლატფორმაზე მორგების ამბავი

0
გაზიარება

წლების წინ სრულიად წარმოუდგენელი იყო ავტომობილის რომელიმე ნაწილის ყიდვა ავტობაზრობაზე ხანგრძლივი სიარულის გარეშე. სწორედ ეს დისკომფორტი აქცია სიამოვნებად ქართულმა სტარტაპ წამოწყებამ – „Inventors“-მა, რომელმაც ავტომოყვარულებს შორის მალევე მოიპოვა ნდობა. ეს ბრენდი არის ახალი სიტყვა ადგილობრივ ბაზარზე, რომლის მიზანი ავტომობილის მფლობელი ფიზიკური და იურიდიული პირებისათვის ნაწილების ყიდვასთან დაკავშირებული პრობლემის გადაჭრაა. კომპანიის დღევანდელი სახით ჩამოყალიბებას, მნიშვნელოვანი ხელი შეუწყო „თიბისი სტარტაპი“-ს 2019 წლის დეკრეტში გამარჯვებამ.

დრო, ენერგია, ფინანსები – ამ რესურსების დაზოგვაა შესაძლებელი „ინვენტორი“-ს სერვისის გამოყენებით, რომელიც მომხმარებლებს „Facebook“ გვერდისა და ქოლცენტრის დახმარებით უწევს კონსულტაციას და სთავაზობს გასაყიდ პროდუქციას. კომპანიის ისტორია 3 წლის წინ დაიწყო და სტარტაპის დამფუძნებლის, გიორგი რობაქიძის თქმით, დროის ამ მონაკვეთში, შესაძლებელი გახდა, 200 000 აშშ დოლარის კერძო ინვესტიციის მოზიდვა.    

სხვა სერვისებთან ერთად, „ონლაინ-დაშლილების“ კომპანია ავტომოყვარულებს სასურველი ნაწილის უმოკლეს დროში, ბაზარზე არსებულ ყველაზე დაბალ ფასად, საკომისიოს გარეშე, ქვეყნის მასშტაბით მიწოდებას უზრუნველყოფს. ამასთანავე, აღსანიშნავია, რომ ბრენდის მიერ წარმოდგენილი დაბალი ფასი არ აისახება დაბალ ხარისხზე. კომპანიის გუნდის განმარტებით, მათ ჰყავთ 1500-მდე პარტნიორი, რომელთა შორისაცაა როგორც მსხვილი მომწოდებლები, ისე – ნაკლებად ცნობილი. გარდა ამისა, „ინვენტორი“-ს მომხმარებელს საშუალება აქვს, მიიღოს გონივრული საგარანტიო პერიოდი და ისარგებლოს სხვადასხვა ბანკის განვადებით.

ბრენდის წარმატებაზე მისი სტატისტიკურ მონაცემებიც მეტყველებს. ამ ეტაპზე, კომპანიას ამ მიმართულების ბაზრის 75% აქვს ათვისებული, შესრულებულია შეკვეთების 87%, მითითებულ დროში მოძიებულია ნაწილების 79%, ხოლო კმაყოფილია კლიენტთა 95%.

სტარტაპი Inventors-ი, არსებობის მესამე წელს, 20 ადამიანს აერთიანებს. სერვისის მიწოდების თვალსაზრისით, კომპანია გაფართოებას აპირებს. კონკრეტულად, დამფუძნებლის განმარტებით, იგეგმება „Amazon“-ის მსგავსი პლატფორმის შექმნა, სადაც გაერთიანებული იქნება ავტონაწილების ყველა ის მაღაზია, რომელიც წარმოდგენილია ოფლაინ. აპლიკაცია, რომელიც 2 თვის ვადაში ჩაეშვება, მეტად გაზრდის როგორც კომპანიის პოპულარობას, ისე სერვისის ხარისხს.  ამ ეტაპზე, ქოლცენტრის საშუალებით, სტარტაპი მილიონამდე მომხმარებელს ემსახურება. „ინვენტორი“-ს ხელმძღვანელობის ვარაუდით, 2023 წლის ბოლოს, მას შემდეგ, რაც ბრენდი სხვადასხვა პლატფორმაზე იქნება წარმოდგენილი და უფრო მეტად ცნობადი გახდება, მილიონიანი მაჩვენებელი გადალახული იქნება.

მსგავსი სიახლეები

2022 წელს საქართველოს ტერიტორიაზე 771 ათას სატვირთო ავტომობილზე მეტი შემოვიდა

შემოსავლების სამსახურის უფროსის მოადგილის ვლადიმერ ხუნდაძის ინფორმაციით, 2022 წელს საქართველოს ტერიტორიაზე 771 ათას სატვირთო ავტომობილზე მეტი შემოვიდა და იგივე რაოდენობა გავიდა. „მოგეხსენებათ, რომ საერთაშორისო ვაჭრობის…

საქართველოში 28.4%-ით გაიზარდა იმ ადამიანების რაოდენობა,რომლებიც 9 600 ლარს ან მეტ თვიურ ხელფასს იღებდნენ

წლიურად 28.4%-ით გაიზარდა იმ ადამიანების რაოდენობა, რომლებიც 9 600 ლარს ან მეტ თვიურ ხელფასს იღებდნენ - PMCG 2022 წლის დეკემბერში, ადამიანების რაოდენობა, რომლებიც იღებდნენ თვიურ ხელფასს, 2021 წლის შესაბამის პერიოდთან…

ევროპაში ყველაზე სწრაფი მეტროს ხაზი სტამბულში ამოქმედდა

სტამბოლში ევროპაში უსწრაფესი მეტროს ხაზი გაიხსნა, რომლემაც თურქული მეგაპოლისი მის ევროპულ ნაწილში მდებარე აეროპორტთან დააკავშირა.მატარებელი ამ ახალი ხაზით 90-120 კმ/სთ სიჩქარით გადაადგილდება,შედეგად კი კაგიტხანის სადგურიდან…

ქაბულში ქალთა ტანსაცმლის მაღაზიებში მანეკენებს სახეები დაუფარეს

ავღანეთის დედაქალაქ ქაბულში ქალთა ტანსაცმლის მაღაზიებში მანეკენების სახეები პლასტიკური პაკეტითა და ალუმინის ფოლგით დაფარეს. ინფორმაციას ინდური NDTV სოციალურ ქსელში გავრცელებულ ფოტოებზე დაყრდნობით ავრელებს. მოძრაობა…

საფრანგეთში ოჯახური ძალადობის მსხვერპლი პირები ფინანსურ დახმარებას მიიღებენ

ოჯახური ძალადობის მსხვერპლთა დაუყოვნებლივ დაფინანსების კანონპროექტს საფრანგეთის ეროვნულმა ასამბლეამ მხარი დაუჭირა, რომელიც მათ მოძალადეებზე ეკონომიკური დამოკიდებულებისგან თავის დაღწევაში დაეხმარება. ინფორმაციას The Local-ი…

მეტის ჩატვირთვა იტვირთება...პოსტები აღარ მოიძებნა
error: Content is protected !!