ტურიზმი, დასვენება და გართობა
ტურიზმი, დასვენება და გართობაRSS კატეგორიადღის სიახლეები

თბილისის სატელევიზიო ანძის მოდერნიზების ბედი ისევ უცნობია – მერია მეოთხე წელია, კვლევებს ატარებს

0
გაზიარება

მოდერნიზების დაანონსებიდან მეოთხე წელს, თბილისის სატელევიზიო ანძაზე ჯერ კიდევ არანაირი სამუშაო არ ჩატარებულა. პროექტი ისევ კვლევით ეტაპზეა. მერიამ 2018 წელს განაცხადა, რომ დედაქალაქის მთავარ სიმბოლოს უფრო ღირსშესანიშნავს გახდიდა და ამ მიზნით მასზე ღია პანორამული გადმოსახედი სივრცისა და 250 ადგილიანი კვების ობიექტის მოწყობა გადაწყვიტა. 75 მეტრ სიმაღლეზე სამუშაოების განსახორციელებლად, თბილისის მთავრობა მზად იყო, ბიუჯეტიდან 10-დან 15 მილიონ ლარამდე დაეხარჯა. ამისათვის ინტერესთა გამოხატვის ეტაპი 2018 წელსვე დაიწყო, გეგმა განსახილველად ბიზნესსექტორსაც წარედგინა. მერიის პროექტის მიხედვით, ანძაზე განთავსებული ორდონიანი კონსტრუქცია 300 000 ვიზიტორზე იქნება გათვლილი.

დედაქალაქის ვიცე-მერის, ვახტანგ ხმალაძის განმარტებით, სატელევიზიო ანძის პროექტთან დაკავშირებით მიმდინარე კვლევა ეხმარება უწყებას, გამოავლინოს ყველა გარემოება, დააზუსტოს კონკრეტული დეტალები და არსებული პირობები დააკორექტიროს. ამასთანავე, თბილისის მთავრობის წარმომადგენელი ირწმუნება, რომ კონტრაქტორი კომპანია უკვე ნაპოვნია, თუმცა მისი ვინაობის დასახელებისგან თავს იკავებს. აქვე აღსანიშნავია ისიც, რომ სატელევიზიო ანძის რეაბილიტაციის კონცეფცია ესტონურმა კომპანია „კოკო არქიტექსტმა“ შეიმუშავა.

მასშტაბური სამუშაოების ჩატარებას მერია საქართველოს ეკონომიკისა და მდგრადი განვითარების სამინისტროსთან ერთად აპირებს. მუნიციპალიტეტის მთავრობის გათვლებით, დედაქალაქის მთავარი სავიზიტო ბარათის რეაბილიტაციის შემდგომ, თბილისელებისათვის და ქალაქში ჩამოსული სტუმრებისათვის ახალი ტურისტული ზონა გაჩნდება. პროექტის სრულფასოვნად ჩატარების შემთხვევაში, სატელევიზიო ანძა ღირსეულ ადგილს დაიკავებს მსოფლიოს სხვადასხვა ღირსშესანიშნაობას შორის.

მთაწმინდის ფერდობზე მდებარე ტელეანძა, საკომუნიკაციო მიზნებისათვის 1955 წელს ააგეს. 1972 წელს მისი დემონტაჟი განხორციელდა და კონსტრუქცია ქალაქ გორთან გადაიტანეს. ახალი სატელევიზიო ანძის სრული სიმაღლე 275 მეტრს შეადგენს და ის ევროპის უნიკალური ანძების სიაშია შეტანილი. პროექტი კიევის მეტალოკონსტრუქციების კვლევითმა ინსტიტუტმა დაამუშავა. უშუალო დამპროექტებელი ნიკალაი ბუტიაა. თბილისის სატელევიზიო ანძის მსგავსი კოშკი კიევსა და ერევანში დგას. კონსტრუქცია რუსეთის ერთ-ერთ ქარხანაში დამზადდა და მთაწმინდაზე, რუსთავის სტალკონსტრუქციების სამშენებლო სამმართველო „ტრესტმა“ ააშენა. უსაფრთხოების ზომები იმდენად იყო დაცული, რომ მშენებლობის პროცესში არავინ დაშავებულა. ქარის დროს, ბუნებრივია, რომ მასაზე ხდება დაწოლა.ანძას აქვს თავისი გადახრის საპროექტო მაჩვენებელი. მისი გადახრის დასაშვები ნორმა ორივე მხარეს 9 მეტრია. ეს არის მაქსიმალური შესაძლებლობა და ამ შემთხვევაში ანძა უბრუნდება საწყის მდგომარეობას. ქარის დროს საგრძნობლად შესამჩნევია მისი რხევა. კონსტრუქცია 9-ბალიან მიწისძვრაზეა გათვლილი.

მოციმციმე ნათურები წლების წინ დამონტაჟდა და ის ეიფელის კოშკის დამპროექტებლების გაკეთებულია. ფრანგული კომპანია ნათურებს ოთხი თვე ამონტაჟებდა. ბოლო წლების განმავლობაში, თბილისის მერიამ ანძის განათების ქსელი რამდენჯერმე შეცვალა და მასზე ჭკვიანი სისტემა დაამონტაჟა.

მსგავსი სიახლეები

ნომრის ამოცნობა თბილისსა და სხვა რეგიონებში 2,300 კამერას შეუძლია 

შინაგან საქმეთა სამინისტროს სტატისტიკის თანახმად, ქვეყნის მასშტაბით, სულ 7,379 ვიდეომეთვალყურეობის კამერა არის განთავსებული, საიდანაც 5,079 კამერა არის ზოგადი ხედვის, ხოლო მათ შორის ნომრის ამოცნობის შესაძლებლობა 2,300 კამერას…

საქართველოში ბიზნესის 67% კვალიფიციური კადრების დეფიციტს განიცდის

2024 წლის პირველ კვარტალში, სპეციალისტების ნაკლებობის პრობლემა ასოციაციის წევრი კომპანიების მიერ ყველაზე მნიშვნელოვან გამოწვევად სახელდება - გამოკითხული ბიზნესის 67% სწორედ კვალიფიციური კადრების დეფიციტზე საუბრობს -…

19 სამოტივაციო ფრაზა – ცნობილი ადა­მი­ა­ნე­ბის წარ­მა­ტე­ბის გა­სა­ღე­ბი

1.მო­მა­ვა­ლი მი­სია, ვინც რის­კავს და არა მისი, ვინც უსაფრ­თხო­ე­ბა­სა და გა­რან­ტი­ებს ეძებს - ბრა­ი­ან თრე­ი­სი, სპი­კე­რი, ბიზ­ნეს­ლი­ტე­რა­ტუ­რის ავ­ტო­რი  2. წინსვლის სა­ი­დუმ­ლო და­წყე­ბა­შია - მარკ ტვე­ნი,…

OneRepublic-ის კონცერტის ბილეთების ფასი 145 ლარიდან 550 ლარამდე მერყეობს

Black Sea Arena-ს ცნობით, OneRepublic-ის კონცერტზე დასასწრები ბილეთების ყიდვა ვებ-გვერდზე TKT.ge და BSA.ge უკვე ხელმისაწვდომია. მათი ფასი კი, 145 ლარიდან 550 ლარამდე მერყეობს, თუმცა Starring Georgia -ს, TBC-სა და VISA-ს…

საქართველოს ეკონომიკა 7,7%-ით გაიზარდა

საქსტატის მიერ გავრცელებული ინფორმაციის თანახმად, წინასწარი შეფასებით, 2024 წლის თებერვალში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.5% შეადგინა, ხოლო იანვარი-თებერვლის საშუალო…

მეტის ჩატვირთვა იტვირთება...პოსტები აღარ მოიძებნა
error: Content is protected !!