ბლოგერმა რატი მანდარიამ, რომელსაც მისივე პროექტის, „Rati’s Bar“-ით ვიცნობთ, YouTube-დან რეალურ სივრცეში, თბილისში, ათონელის 9 ნომერში გადმოინაცვლა. რეალური ბარის გახსნის შესახებ, ცნობილი ოფიციალური გვერდიდან 5 აპრილს გახდა. „მეგობრებო, ძალიან მაგარი სიახლეები გვაქვს თქვენთვის. გადავწყვიტეთ, რომ გადავიდეთ ახალ საფეხურზე და გავხსნათ საკუთარი რეალური ბარი. გპირდებით, შეგიქმნით თავისუფალ სივრცეს, სადაც შეგიძლიათ მოხვიდეთ მეგობრებთან ერთად და გაერთოთ“. – ნათქვამია „Rati’s Bar“-ის გვერდზე.
გახსნის დაანონსებასთან ერთად, ბარმა ვაკანსიების შესახებაც გააკეთა კომენტარი და, ამასთანავე, დაინტერესებულ კომპანიებს თანამშრომლობისკენ მოუწოდა.
ახალი გასართობი სივრცე 16 აპრილს გაიხსნა. ამ დღის პირველი სტუმრები ქართველი ინფლუენსერები და ტიკ-ტოკერები იყვნენ. „Rati’s Bar“-ში მისულ სტუმარს აქვს შესაძლებლობა, დალიოს როგორც ჩვეულებრივი, ასევე ბარის საფირმო კოქტეილები, მაგალითად, ბომბდამშენი, აპოკალიფსის, 4 მხედარი და ა.შ. აღსანიშნავია, ასევე, რომ დაწესებულებას ასაკობრივი კონტროლი აქვს, დაიშვებიან 21 წელს მიღწეული პირები.
გახსნას წინ უძღოდა ბლოგერ რატი მანდარიას დიდი სურვილი, გადასულიყო სრულიად ახალ ეტაპზე, მოეპოვებინა დაფინანსება და ეთქვა ახალი სიტყვა, როგორც ონლაინ სივრცეში, ისე – გასართობ ინდუსტრიაში. ამისათვის რატის ხანგრძლივი შრომა მოუწია. YouTube-ზე გამოჩენისთანავე, მისი პროექტი მალევე გახდა წარმატებული. მის არხზე შესულ მაყურებელს შესაძლებლობა ჰქონდა და დღემდეც აქვს, იხილოს შემეცნებითი ვიდეოები ბარის სფეროში, სახალისო თამაშები სხვადასხვა ცნობილი სტუმრის მონაწილეობით, ასევე, კოქტეილების დამზადებისა და დაგემოვნების რგოლები. დღეისათვის, „Rati’s Bar“-ის YouTube არხს 160 000-ზე მეტი გამომწერი ჰყავს.
თუ არ იცით, სად გაატაროთ კარგი დრო მეგობრებთან ერთად ან ეძებთ ახალ დასალევ სივრცეს, ყოველდღე, 20:00 საათიდან 06:00 საათამდე, ამისათვის საუკეთესო და კომფორტული ადგილი „რატის ბარია“.
