ვაკეში „აქსის თაუერსი“ გაიხსნა. ეს დეველოპერული კომპანია „აქსისის“ და თანაინვესტირების ფონდის ერთობლივი პროექტია.
„აქსის თაუერსი“ რეგიონის მასშტაბით, პირველი მსოფლიო სავაჭრო ცენტრია. ღონისძიებაში პრემიერ-მინისტრი მონაწილეობდა.
საქართველოს თანაინვესტირების ფონდისა და დეველოპერული კომპანია აქსისის ერთობლივი პროექტის ფარგლებში თბილისში ყველაზე მაღალი ცათამბჯენი აშენდა.
მრავალფუნქციური კომპლექსი, რომელიც თავისი მასშტაბითა და სირთულით გამოირჩევა, 5 დეველოპერულ მიმართულებას აერთიანებს, მათ შორის: საცხოვრებელ ფართებს, სავაჭრო და ბიზნეს ცენტრებს, Accor ჯგუფში შემავალ 5 ვარსკვლავიან სასტუმროს „Pullman“ და საფეხმავლო-რეკრიაციულ ქუჩას.
გამორჩეული არქიტექტურით, დატვირთული სხვადასხვა ფუნქციებით, მასშტაბითა და მნიშვნელობით აქსის თაუერსი საქართველოში დეველოპმენტის ფლაგმანად და ქართული არქიტექტურის და ინჟინერიის წარმატების სიმბოლოდ იქცა.
37 სართულიანი ნაგებობა დამატებით 4 მიწისქვეშა სართულით სიმაღლეში 147 მეტრია და ყველაზე მაღალი შენობაა დედაქალაქში. პიედესტალით გაერთიანებული ქვის და მინის კოშკების ყოველი სართული 2 გრადუსით ბრუნავს ბირთვის გარშემო, რაც შენობების მოძრაობის ილუზიას ქმნის.
