დღის სიახლეებიეკონომიკავაჭრობის სფეროკვებამარკეტინგი და გაყიდვებიმომსახურების სფერო

ზეთის იმპორტი 3-ჯერ შემცირდა

0
გაზიარება

მიმდინარე წლის იანვარ-აპრილში ქვეყანაში მზესუმზირის ზეთის იმპორტი მნიშვნელოვნად შემცირდა. თუ გასული წლის 4 თვეში საქართველომ 13 324 ტონა ზეთი შეიძინა და ამისთვის ქვეყნიდან 19 მლნ დოლარი გადაიხადა, წელს ამავე პერიოდში მზესუმზირის ზეთის იმპორტის მოცულობამ 3 794 ტონა, ხოლო ღირებულებამ 6.4 მლნ დოლარი შეადგინა.

საქსტატის მონაცემებით, იმპორტის მიმდინარე წლის მოცულობები არათუ 2021 წლის, არამედ 2020 წლის – პანდემიური წლის მაჩვენებლებსაც ჩამორჩება. აღსანიშნია ისიც, რომ თვეების მიხედვით თუ დავაკვირდებით, 4 თვეში ყველაზე მეტი რაოდენობის ზეთი აპრილში შემოვიდა.

ოფიციალური სტატისტიკიდან ჩანს, რომ ტრადიციულად საქართველოსთვის მზესუმზირის ზეთის საიმპორტო ბაზრად რუსეთი რჩება. სამეულში კი, ომის მიუხედავად იანვარ-თებერვალში განხორციელებული იმპორტით უკრაინაც მოხვდა. მიმდინარე წლის იანვარ-აპრილში ზეთის იმპორტის ღირებულებისა და მოცულობების მიხედვით, ქვეყნების რეიტინგი შემდეგნაირია:

1. რუსეთი – 3.9 მლნ დოლარი, 2 504 ტონა;
2. აზერბაიჯანი – 2 მლნ დოლარი, 1 040 ტონა;
3. უკრაინა – 416.1 ათასი დოლარი, 239 ტონა;
4. იტალია – 16 ათასი დოლარი, 5 ტონა;
5. სომხეთი – 6 ათასი დოლარი, 3 ტონა;

მცირე მოცულობებით მზესუმზირის და ალისარჩულის ზეთის იმპორტი ამ პერიოდში გერმანიიდან და საფრანგეთიდანაც განხორციელდა.

რაც შეეხება იმას, ვის შემოჰქონდა მიმდინარე წლის პირველ ოთხ თვეში ქვეყანაში ზეთი, უმსხვილესი იმპორტიორი კომპანიების TOP-10 ასეთია: შპს ალფა; შპს დაფნა; შპს ეფ იქს თი ჯორჯია; შპს თეისთი ფუდ; შპს მერკური 2015; შპს მზიური; შპს ორი ნაბიჯი; შპს ჯანო 1; შპს ჯეოსტარი; შპს ჰორიზონ. 
წყარო bm.ge

მსგავსი სიახლეები

საქართველოში ავტომომსახურებაზე ფასები იზრდება, ხოლო ავტონაწილები იაფდება

სტატისტიკის ეროვნული სამსახურის მონაცემებიდან ირკვევა, რომ საქართველოში ავტომომსახურება ძვირდება. საქსტატის მონაცემებით, 2024 წლის თებერვალში, წინა წლის ანალოგიურ პერიოდთან შედარებით, გაძვირებულია ავტომობილის შეკეთების და…

საქართველოსთვის 10-მილიონიანი ბაზარი გაიხსნება – არაბთა გაერთიანებული საამიროების მხრიდან ბაზარი გაიხსნა და საქართველოდან ემირატებში ექსპორტისას ტარიფის გარეშე, ნულოვანი დაბეგვრით შევა ქართული პროდუქციის 97.5%

აგრარულ საკითხთა კომიტეტის სხდომაზე საქართველოს მთავრობის მიერ რატიფიცირებისთვის წარდგენილი „საქართველოსა და არაბთა გაერთიანებულ საამიროებს შორის ყოვლისმომცველი ეკონომიკური პარტნიორობის შეთანხმება“ განიხილეს. პარლამენტის მიერ…

თბილისში 30 ათასზე მეტი მიუსაფარი ძაღლია

მიუსაფარი ძაღლების ოფიციალური აღრიცხვის შედეგების მიხედვით, დედაქალაქში 30 150 ძაღლი ირიცხება. ცხოველთა მონიტორინგის სააგენტოს დაკვეთით განხორციელებული კვლევის მიხედვით, ოფიციალურად აღრიცხული მიუსაფარი ძაღლების მხოლოდ 32% ანუ…

თურქეთში სურსათზე ფასები 71.2%-ით გაიზარდა

თურქეთში სამომხმარებლო ფასების ზრდის ტემპი, თებერვალში მაქსიმალურად დაჩქარდა და 2022 წლის ნოემბრის მაჩვენებელს გადააჭარბა. ქვეყნის სტატისტიკური ინსტიტუტის, Turkstat-ის მონაცემებით, ინფლაციის მაჩვენებელმა 67.1% შეადგინა, …

მეტის ჩატვირთვა იტვირთება...პოსტები აღარ მოიძებნა
error: Content is protected !!