დღის სიახლეებისიახლეები

2022 წელს გერმანიაში 1231 პირი, ისრაელში კი – 17 დასაქმების სააგენტოს მეშვეობით დასაქმდა

0
გაზიარება

დასაქმების ხელშეწყობის სახელმწიფო სააგენტოს წლიურ ანგარიშში ცირკულარული მიგრაციასთან დაკავშირებით აღნიშნულია, რომ ამ ეტაპზე შრომითი მიგრაციის მიმართულებით ხელშეკრულებები გაფორმებულია ოთხ პარტნიორ ქვეყანასთან: გერმანიის ფედერაციულ რესპუბლიკასთან, ისრაელთან, საფრანგეთთან და ბულგარეთთან.

დასაქმების ხელშეწყობის სახელმწიფო სააგენტო ამ ეტაპზე უშუალოდ მონაწილეობს ორ ქვეყანასთან, ისრაელთან და გერმანიასთან არსებული შეთანხმებების განხორციელებაში.

გერმანიაში სეზონურ სამუშაოზე დასაქმების შესახებ შეთანხმებას ხელი 2020 წლის თებერვალში მოეწერა, ხოლო განხორციელება 2021 წლის თებერვლიდან დაიწყო.

სააგენტოს ინფორმაციით, გასული წლიდან პროგრამაში ახალი კომპონენტი გაჩნდა, რამაც გერმანელ დამსაქმებლებს საშუალება მისცა საქართველოს მოქალაქეებთან უშუალოდ დაემყარებინათ კომუნიკაცია და მიეწვიათ გერმანიაში სეზონურ სამუშაოებზე.

სააგენტოს შეფასებით, აღნიშნული კომპონენტის გაჩენით სქემა უფრო მოქნილი გახდა და უფრო მეტ მოქალაქეს მიეცა საშუალება პროგრამაში ჩართულიყო. კერძოდ, დამსაქმებლებისგან სახელობითად მოთხოვნილ სამუშაოს მაძიებლები უფრო მოკლე დროში, შედარებით ნაკლები პროცედურების გავლით მიემგზავრებოდნენ და საქმდებოდნენ გერმანიაში. 2022 წელს საქართველოს 1231 მოქალაქეს მიეცა საშუალება ამ პროგრამით ესარგებლა.

სტატისტიკაში მხოლოდ სააგენტოს მეშვეობით დასაქმებული ადამიანები მოხვდნენ, ხოლო უშუალოდ გერმანელი დამსაქმებლების მიერ დასაქმებული ადამიანების სტატისტიკას სააგენტო არ აწარმოებს.

გერმანიის გარდა, ლეგალურად დასაქმების პროგრამას სააგენტო ისრაელშიც ახორციელებს, თუმცა აქ ბენეფიციარების რაოდენობა გაცილებით ნაკლები იყო. ისრაელში დასაქმების მსურველთა რეგისტრაციის პროცესი  2021 წლის აპრილში დაიწყო.

სააგენტოს ანგარიშში ასევე წერია, რომ რეგისტრაციის პროცესმა ცხადყო რომ საჭირო იყო შექმნილიყო მოკლევადიანი, სპეციალური სასერტიფიკატო კურსი, რომელიც მსმენელს მისცემდა შესაძლებლობას შეეძინა გერიატრიული ასისტენტის სპეციალისტებისთვის საჭირო მინიმალურ კომპეტენცია.

განათლების სამინისტროსთან თანამშრომლობით შეიქმნა 144 საათიანი სასერტიფიკატო კურსი. პარალელურად გრძელდება რეგისტრირებული კანდიდატურების გადარჩევის პროცესი და წინასწარ (არსებული შერჩევის მეთოდოლოგიის საფუძველზე) შერჩეული კანდიდატების ისრაელის მხარისთვის მიწოდება. პირველი ჯგუფი 17 პირის შემადგენლობით 2022 წლის დეკემბერში გაემგზავრა.

“შეთანხმებით გათვალისწინებული შესასრულებელი სამუშაოების სპეციფიკის გათვალისწინებით, შერჩევის პროცესი საკმაოდ ხანგრძლივია. მიღებული გამოცდილების კვალდაკვალ ხდება პროცედურების სრულყოფა საიმისოდ რათა შეთანხმება განხორციელდეს სრულყოფილად და მასში მონაწილეობა მიიღონ შესაბამისი კვალიფიკაციისა და უნარების მქონე პირებმა”,-წერია ანგარიშში.

მსგავსი სიახლეები

Rovi • როვი – თანამედროვე გუნდისგან შემდგარი, ტექნოლოგიების და გამოწვევების მოყვარული საბუღალტრო, საგადასახადო და ბიზნეს საკონსულტაციო კომპანია

Rovi • როვი -  თანამედროვე გუნდისგან შემდგარი, ტექნოლოგიების და გამოწვევების მოყვარული საბუღალტრო, საგადასახადო და ბიზნეს საკონსულტაციო კომპანია, რომელიც არ უშინდება სიახლეებს და მუდმივად ცდილობს თანამედროვეობის გამოწვევებსა…

1 აგვისტოს წლის შემაჯამებელი შეხვედრა – Aesthetics Forum 2024 გაიმართება

პირველად ესთეტიკის სფეროში - ესთეტიკური მედიცინის ევროპული ცენტრის ორგანიზებით, 1 აგვისტოს, სტარტს იღებს წლის შემაჯამებელი შეხვედრა, "Aesthetics Forum 2024", თემით : ესთეტიკა - თანამედროვეობის მნიშვნელოვანი…

თურქეთიდან შაქრის იმპორტი 2 900-ჯერ გაიზარდა

საქართველოში 2024 წლის იანვარ-ივნისში შაქრის იმპორტი წლიურად 18%-ით შემცირდა. საქსტატის მონაცემებით, შარშან პირველ ექვს თვეში იმპორტირებული იყო 37.755 მლნ დოლარის (55 182 ტონა) შაქარი, წელს კი 30.833 მლნ დოლარის (43 313…

კონტროლიორების დაწერილმა ჯარიმებმა 5 თვეში 1.7 მლნ ლარს გადააჭარბა

წელს, 6 თვეში უბილეთო მგზავრობისთვის დაწერილმა ჯარიმებმა 1 735 471 ლარი შეადგინა, რაც 394,8 ათასი ლარით ნაკლებია, წინა წლის ანალოგიური პერიოდის მაჩვენებელზე. ფინანსთა სამინისტროს საქართველოს ნაერთი ბიუჯეტის შემოსულობების…

LASKARI-ს ახალი კოლექცია, რომელიც საქართველოს და ქართულ ტრადიციებს ეძღვნება

LASKARI - საქართველოში შექმნილი ნატურალური სურნელოვანი სანთლები, ინტერიერის დეკორაციისაა და კომფორტისთვის LASKARI მიზანია - ხარისხიანი პროდუქციის წარმოება საქართველოში და ქართული ტრადიციების პოპულარიზაციის ხელშეწყობა. ივნისის…

მეტის ჩატვირთვა იტვირთება...პოსტები აღარ მოიძებნა
error: Content is protected !!