პორტალ Engadget-მა რამდენიმე კატეგორიაში საუკეთესო Android-სმარტფონების სია შეადგინა, რომელთა შეძენაც 2023 წელს არის რეკომენდებული.
საუკეთესო Android-სმარტფონად Google Pixel 7 Pro აღიარეს. მართალია, ის ბაზარზე ყველაზე მძლავრი სმარტფონი არ არის, მაგრამ Pixel 7 Pro-ს საწარმოო დანაკლისს Google-ის სმარტ-პროგრამული უზრუნველყოფა აკომპენსირებს.
საუკეთესო საშუალო დონის Android-სმარტფონების კატეგორიაში OnePlus 11-მა გაიმარჯვა. Engadget-ის ცნობით, მოწყობილობა განკუთვნილია იმ მომხმარებლებისთვის, რომლებსაც დიდეკრანიანი, კარგი კამერის მქონე და მაღალი წარმადობის სმარტფონი უფრო დაბალ ფასად სურთ, ვიდრე ტრადიციული ფლაგმანების ღირებულებაა.
საუკეთესო საბიუჯეტო სმარტფონად Google Pixel 6a დასახელდა. 6.1-დიუმიანი OLED-დისპლეის მქონე კომპაქტური მოწყობილობა აღჭურვილია Google Tensor-ჩიპით, ასევე, 6 GB ოპერატიული მეხსიერებითა და 128 GB საცავით.
საუკეთესო პრემიუმ-სმარტფონად Samsung Galaxy S23 Ultra დასახელდა. კორეული ფლაგმანი საწარმოო რკინით, მძლავრი აპარატურით, მაღალი ხარისხის ეკრანითა და ბაზარზე ერთ-ერთი საუკეთესო კამერის სისტემით არის აღჭურვილი. სმარტფონი კონკურენტებისგან, ასევე, S Pen-სტილუსის მხარდაჭერით გამოირჩევა.
Samsung Galaxy Z Fold4 საუკეთესო დასაკეც სმარტფონად დასახელდა, რომელიც სმარტფონსა და პლანშეტს აერთანებს. Z Fold4 აღჭურვილია ორი 6.2 და 7.8-დიუმიანი ეკრანით. ასევე, Engadget წერს, რომ ბაზარზე ეს არის ერთ-ერთი იმ რამდენიმე დასაკეცი სმარტფონიდან, რომელსაც IP68 სტანდარტით წყლისა და მტვრისგან დაცვა აქვს მიღებული.
