დღის სიახლეებისიახლეები

ავტომობილებსა და მოტოციკლებზე შიდა ტრანზიტული ნომრების შეცვლის შესახებ კანონი ძალაში შევიდა

0
გაზიარება

1 აპრილიდან ავტომობილებსა და მოტოციკლებზე შიდა ტრანზიტული ნომრები იცვლება. ინფორმაცია მთავრობის დადგენილებაშია აღნიშნული, რომელიც 2023 წლის 18 აგვისტოს გამოიცა.

დადგენილების მიხედვით, ავტომობილის შიდა ტრანზიტის ნიმუში შემდეგნაირია:

nomeriii-1711954205.jpg

სარეგისტრაციო ნიშნის ზოგადი აღწერილობა კი ასეთია, სარეგისტრაციო ნიშნის მარცხენა მხარეს, ზედა კიდესთან, გამოსახულია საქართველოს სახელმწიფო დროშა, ხოლო საქართველოს სახელმწიფო დროშის ქვედა მხარეს − საქართველოს საერთაშორისო კოდი „GE“. მარცხენა მხარეს, ქვედა კიდესთან, დატანილია ტვიფრული ნიშანი, ე.წ. „2D ბარკოდი“. სარეგისტრაციო ნიშანს კიდის ქვედა ნახევარზე ჰორიზონტალურად გასდევს წითელი ზოლი, რომელზეც ლათინური ასოებით დატანილია „TRANSIT“. მარცხნიდან მარჯვნივ, თეთრ ფონზე შავი წარწერით დაიტანება ნომერი და სერია (ოთხი ციფრი და სივრცის გამოტოვებით – ორი ლათინური ასო).

მოტოციკლის „შიდა ტრანზიტის“ ნიმუში

motoooo-1711954230.jpg

სარეგისტრაციო ნიშნის ზოგადი აღწერილობა: სარეგისტრაციო ნიშნის მარცხენა მხარეს, ზედა კიდესთან, გამოსახულია საქართველოს სახელმწიფო დროშა, ხოლო საქართველოს სახელმწიფო დროშის ქვედა მხარეს − საქართველოს საერთაშორისო კოდი „GE“. მარცხენა მხარეს, ქვედა კუთხეში, დატანილია ტვიფრული ნიშანი, ე.წ. „2D ბარკოდი“. სარეგისტრაციო ნიშანს კიდის მარჯვენა მხარეს ვერტიკალურად გასდევს წითელი ზოლი, რომელზეც ასევე ვერტიკალურად, ლათინური ასოებით, დატანილია „TRANSIT“. თეთრ ფონზე შავი წარწერით ზედა ნაწილში დაიტანება ნომერი (სამი ციფრი), ხოლო ქვედა ნაწილში − სერია (ორი ლათინური ასო).

დოკუმენტის მიხედვით, ავტომობილებსა და მოტოციკლებზე ტრანზიტულ ავტოსატრანსპორტო საშუალებებზე ნომრები გასული წლის 1-ლი ნოემბრიდან შეიცვალა. თუმცა, შიდა ტრანზიტულ ნომრებს ცვლილება 2024 წლის 1-ლი აპრილიდან შეეხო.

მთავრობის დადგენილების მიხედვით, საჯარო სამართლის იურიდიულ პირს – საქართველოს შინაგან საქმეთა სამინისტროს მომსახურების სააგენტოს დაევალა, სატრანსპორტო საშუალებათა შიდა ტრანზიტისა და ტრანზიტული ნომრის დამზადება/გაცემისათვის საჭირო ორგანიზაციული ღონისძიებების განხორციელება.

რაც შეეხება ძველ ნომრებს, დადგენილების მიხედვით, მის ამოქმედებამდე გაცემულ და იურიდიული ძალის მქონე ძველი ნიმუშის შიდა ტრანზიტსა და ძველი ნიმუშის ტრანზიტულ ნომერს იურიდიული ძალა შეუნარჩუნდება საქართველოს კანონმდებლობით განსაზღვრული მათი მოქმედების ვადით.

მსგავსი სიახლეები

გიორგი მამარდაშვილი ესპანეთის ჩემპიონატის ყველაზე ძვირად ღირებული მეკარეა

Transfermnarkt-ის ცნობით, „ლა ლიგის“ ყველაზე ძვირად ღირებული მეკარე გიორგი მამარდაშვილია. ქართველი ფეხბურთელი საფეხბურთო კლუბ „ვალენსიას“ მეკარეა და მისი ღირებულება ამ დროისთვის 35 მლნ დოლარია. ესპანეთის ჩემპიონატის 5 ყველაზე…

TikTok-ი Instagram-ის ანალოგს ქმნის

TikTok-ი ახალ აპლიკაციას, Instagram-ის ანალოგს ავითარებს, რომელიც მომხმარებლებს ფოტოების გაზიარების საშუალებას მისცემს. ინფორმაციას პორტალი, TechCrunch-ი ავრცელებს. „ინოვაციებისადმი ჩვენი მუდმივი ვალდებულების ფარგლებში,…

საქართველოს მოსახლეობა ბერდება – აზიის განვითარების ბანკი

აზიის განვითარების ბანკის ანგარიშის მიხედვით, საქართველოს მოსახლეობა ბერდება, რაც უმეტესად განპირობებულია დაბალი შობადობით, სიცოცხლის ხანგრძლივობის გაუმჯობესებისა და შრომისუნარიანი ასაკის ადამიანების ემიგრაციის გამო.…

ერთწლიანი კულტურების ნათესი ფართობები 4.9%-ით შემცირდა

წინასწარი მონაცემებით, 2023 წელს ერთწლიანი კულტურების ნათესმა ფართობმა 205.2 ათასი ჰექტარი შეადგინა, რაც წინა წლის შესაბამის მაჩვენებელს 4.9%-ით ჩამორჩება. საქსტატის მონაცემებით, საშემოდგომო მარცვლოვანი კულტურების ნათესი…

მეტის ჩატვირთვა იტვირთება...პოსტები აღარ მოიძებნა
error: Content is protected !!