ეკონომიკადღის სიახლეებისაინტერესო სიახლეებისიახლეებიფინანსები

დააწესებენ თუ არა ქართული რესტორნები „შეფარულ“ გადასახადს

0
გაზიარება

ინფლაციის მაღალ დონესთან გასამკლავებლად აშშ-ში სულ უფრო მეტი რესტორანი უწესებს კლიენტებს ახალ გადასახადებს. გადასახადის რამდენიმე სახეობაა, ასე მაგალითად, ლოს-ანჯელესში მომხმარებლებს ჩეკზე რესტორანში დასაქმებულთა სამედიცინო დაზღვევის 3%-იანი გადასახადი ხვდებათ, ზოგან კიდევ კლიენტებს ინფლაციის დროებითი გადასახადის გადახდა უწევთ.

„ბიზნესპრესნიუსი“ დაინტერესდა, ხომ არ შეინიშნება მსგავსი პრაქტიკა საქართველოს ბაზარზეც. როგორც ჩვენთან საუბრისას საქართველოს რესტორატორთა ასოციაციის დამფუძნებელმა, შოთა ბურჯანაძემ განაცხადა, ქართული რესტორნების მხრიდან ამ სტრატეგიის გამოყენების მოლოდინი არ უნდა გვქონდეს, რადგან ეს მათთვისვე იქნება არაეფექტური და სტუმრების განწყობაზეც უარყოფითად აისახება.

„ამ ეტაპზე მსგავსი რამ არ შეინიშნება და არც მოლოდინი უნდა გვქონდეს ასეთი ფარული თუ პირდაპირი გადასახადების, რადგან სარესტორნო მომსახურება ადგილობრივი მომხმარებლისთვის ისედაც არაა იაფი. არსებობს საქართველოში პრაქტიკა, რომელიც ითვალისწინებს 10%-დან 15%-მდე დამატებით გადასახადს მომსახურების კუთხით ან მითითებულია დღგ.

რომელიმე რესტორატორი ან მფლობელი თუ გადმოიტანს ამ პრაქტიკას და გარკვეული შემოსავლის წყაროდ, გასამდიდრებლად დაამკვიდრებს, ეს არც ერთ ვარიანტში არ იქნება სტუმრის მხრიდან დადებითად აღქმული. ამ კუთხით მენიუს კიდევ დატვირთვა კონტრპროდუქტიული იქნება ოპერატორისთვის“, – ამბობს ბურჯანაძე.

რესტორატორთა ასოციაციის დამფუძნებელმა „ბიზნესპრესნიუსთან“ საუბრისას აღნიშნა ისიც, რომ ტურისტული სეზონის დაწყების შემდეგ ფასების ზრდა რესტორნებში გარდაუვალი იქნება.

„სამწუხაროდ, ინფლაციასთან და გაზრდილ ხარჯებთან გამკლავების ერთადერთი შესაძლებლობა არის ფასების გაზრდა, თუმცა დღეს სარესტორნო ბიზნესი ამას არ აკეთებს. ესაა გათვლა ადგილობრივ მომხმარებელზე, რომელიც გაძვირებას ძალიან მტკივნეულად აღიქვამს. თუმცა, უნდა ითქვას, რომ ტურისტული სეზონის დაწყების შემდეგ ფასების ზრდა გარდაუვალი იქნება“, – განაცხადა ბურჯანაძემ.

შოთა ბურჯანაძე ფიქრობს, რომ ახლა რესტორნების მთავარი პრობლემა კადრებს უკავშირდება, მთავრობამ კი მის მოგვარებას საგადასახადო წნეხის შემცირებით უნდა შეუწყოს ხელი.

„ქმედითი ნაბიჯები პოსტკოვიდურ მდგომარეობაშიც საჭიროა, თუმცა, ჯერჯერობით, ჩვენი პრობლემები თვითრეგულირებაზეა, მთავრობა არ ერევა და ფიქრობს, რომ თავისით დარეგულირდება, სინამდვილეში კი ეს ქვეყნისთვის იქნება მტკივნეული.

პირველ რიგში, ყველაზე დიდი პრობლემა დასაქმების, კადრების პრობლემაა და მნიშვნელოვანია, რომ ამ კუთხით დაეხმაროს მთავრობა სფეროს. ამ პრობლემის გადაჭრა უმარტივესად შეიძლება საგადასახადო წნეხის მოხსნით, როდესაც ბიზნესს წნეხი შეუმსუბუქდება, შემდეგ გადაწყვეტს, თუ რა მიმართულებით განკარგოს გამოთავისუფლებული თანხები“, – უთხრა ბურჯანაძემ „ბიზნესპრესნიუსს“.

მსგავსი სიახლეები

1-ელი ივლისიდან საქართველოში ენერგეტიკული ბირჟა ამოქმედდება

"გალტ&თაგარტის“ მიხედვით, ამ ეტაპზე, კანონქვემდებარე აქტებში ცვლილება არ შესულა, თუმცა აქტიურად განიხილება ბაზრის ეტაპობრივად ამოქმედება და სრულ გახსნას, სავარაუდოდ, რამდენიმე წელი დასჭირდება. პირველ ეტაპზე, ვაჭრობა…

საქართველოში სიღარიბის აბსოლუტურ ზღვარს ქვევით მყოფი მოსახლეობის წილი წინა წელთან შედარებით, 3.8 %-ით შემცირდა 

2023 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი (აბსოლუტური სიღარიბის მაჩვენებელი) წინა წელთან შედარებით, 3.8 %-ით შემცირდა და 11.8% შეადგინა - საქსტატი სტატისტიკის მიხედვით, 2023 წელს…

საქართველოში საშუალო თვიური ხარჯები ერთ ოჯახზე , წინა წელთან შედარებით, 16.7%-ით გაიზარდა და 1 649 ლარი შეადგინა

2023 წელს ოჯახებს, შემოსავლებთან ერთად გაეზარდათ ხარჯებიც. საქსტატის მიერ გამოქვეყნებული შინამეურნეობების შემოსავლებისა და ხარჯების გასული წლის მონაცემებით, საქართველოში საშუალო თვიური ხარჯები ერთ ოჯახზე , წინა წელთან…

გერმანიამ მოქალაქეობა ბოლო 20 წლის მანძილზე რეკორდული რაოდენობის – 200100 პირს მიანიჭა

გერმანიის მოქალაქეობამინიჭებულ პირთა საერთო რაოდენობამ, 2000 წელს დაწყებული მონიტორინგის შემდეგ, გასულ წელს უმაღლეს დონეს მიაღწია. ინფორმაციას სააგენტო, DPA ფედერალური სტატისტიკური სამსახურის მინაცემებზე დაყრდნობით ავრცელებს.…

სოფლის ექიმის ყოველთვიური ხელფასი 1 262 ლარია, ხოლო ექთნის/ფერშლის 1 018 ლარი

ჯანდაცვის მინისტრის მიერ წარდგენილი ანგარიშის თანახმად, დღეის მდგომარეობით საქართველოში 1004 სოფლის ამბულატორია ფუნქციონირებს. ანგარიშის მიხედვით, სოფლის ამბულატორიებში დასაქმებულია ჯამში 1283 ექიმი და 1542 ექთანი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!