საქართველოს სახელმწიფო საგარეო ვალი შემცირების ტრენდს ინარჩუნებს. სექტემბერში საქართველოს საგარეო ფინანსური ვალდებულებები წინა წლის ანალოგიურ პერიოდთან შედარებით 399,894 მლნ დოლარით, წინა თვესთან შედარებით კი, 111.097 მლნ დოლარით შემცირდა.
2022 წლის სექტემბრის მდგომარეობით, საქართველოს სახელმწიფო საგარეო ვალმა 7.575 მლრდ დოლარს, დღევანდელი კურსით 21.478 მლრდ ლარს გადააჭარბა. 2021 წლის სექტემბრის მდგომარეობით კი, ვალის მოცულობა 7.975 მლრდ დოლარი ანუ მაშინდელი კურსით 24.906 მლრდ ლარი იყო.
2022 წლის აგვისტოს მონაცემებით, საგარეო ვალი 7.691 მლრდ დოლარს, ანუ მაშინდელი კურსით 22.340 მლრდ ლარს შეადგენდა.
2022 წლის სექტემბრის მდგომარეობით მთავრობის საგარეო ვალი იყო 7.153 მლრდ დოლარი, არსებული კურსი 20.282 მლრდ ლარი, ეროვნული ბანკის კი 421.7 მლნ დოლარი, ანუ 1.195 მლრდ ლარი.
2022 წლის სექტემბრის მონაცემებით, საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), ევროპის საინვესტიციო ბანკი (EIB) და განვითარების საერთაშორისო ბანკი (IBRD).
EIB -ს მიმართ ვალი – 781.508 მლნ დოლარია; IBRD-ის მიმართ სახელმწიფოს საგარეო ვალი – 1.226 მლრდ დოლარს, აზიის განვითარების ბანკის (ADB)-ის მიმართ კი – 1.778 მლრდ დოლარს აჭარბებს.
