“იაგოს ღვინო” შემოდგომაზე ექსპორტზე ჩინეთში გავა

“იაგოს ღვინო” შემოდგომაზე ექსპორტზე ჩინეთში გავა. როგორც კომპანიის დამფუძნებელი იაგო ბიტარიშვილი ამბობს, სექტემბერში ჩინეთში 1 200 ბოთლ ღვინოს გაიტანენ.

“ახალი ბაზარი ჩვენთვის მნიშვნელოვანია და ამ ბაზრის ათვისებაზე ფიქრი ჯერ კიდევ პანდემიის დროს დავიწყეთ; საბოლოოდ მისი ათვისება მაინც გადავწყვიტეთ, რადგან ძველ ბაზრებთან ერთად, ახლის განვითარებაც მნიშვნელოვანია”, – განმარტა მან.

ამასთან, მისივე თქმით, ევროპის ბაზარზე ნატურალურ ღვინოზე მოთხოვნა იმდენად გაზრდილია, რომ ბაზრის დაკმაყოფილებაც კი უჭირთ.
“2021 წელთან შედარებით, წელს კომპანიას ევროპის ბაზრიდან მოთხოვნა 30-40%-ით გაეზარდა. ასეთ მაღალ ზრდას არ ველოდით, რასაც პანდემიის შემსუბუქებას ვუკავშირებთ. ზოგადი სიტუაცია ნამდვილად პოზიტიურია და საექსპორტო ბაზრები კი – გააქტიურებული”, – აღნიშნა იაგო ბიტარიშვილმა bm.ge-სთან.