რეგიონებიRSS კატეგორიაკახეთისიახლეები

კახეთში, 500-ზე მეტი ახალი პროექტი ხორციელდება

0
გაზიარება

საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ, ილია ბეგიაშვილმა და მთავრობის ადმინისტრაციის რეგიონებთან ურთიერთობის დეპარტამენტის უფროსის მოადგილე შოთა კაკაბაძემ, კახეთის სამხარეო ადმინისტრაციაში კახეთის ადგილობრივი თვითმმართველობის წარმომადგენლებთან შეხვედრა გამართა. შეხვედრაზე, რომელსაც კახეთის რეგიონში სახელმწიფო რწმუნებული და მუნიციპალიტეტის მერები ესწრებოდნენ, განიხილეს ცენტრალური ბიუჯეტიდან და ევროკავშირის მიერ დაფინანსებული პროექტების მიმდინარეობა.

„განვიხილეთ ის პროექტები, რომელსაც ახორციელებენ და მართავენ თავად მუნიციპალიტეტები. ეს პროექტები დაფინანსებულია ისეთი სხვადასხვა ფონდებიდან, როგორიცაა სოფლის მხარდაჭერის პროგრამა, რეგიონში განსახორციელებელი პროექტების ფონდი, მთის ფონდი და ასევე, ევროკავშირის მიერ დაფინანსებული პროექტები. ჯამურად, კახეთის რეგიონში ასეთი, დაახლოებით 96 მილიონი ლარის 500-ზე მეტი პროექტი ხორციელდება. ამჟამად, პროექტების ნაწილი უკვე მიმდინარეობს, ნაწილზე ტენდერია დაწყებული, ნაწილი კი შერჩევა-შეფასების ეტაპზეა,“ – განაცხადა ილია ბეგიაშვილმა.

ინფრასტრუქტურის მინისტრის პირველი მოადგილე, თვითმმართველობის წარმომადგენლებთან ერთად, პროექტების მიმდინარეობას, თელავის, სიღნაღის, გურჯაანის, საგარეჯოს და ახმეტის მუნიციპალიტეტებში, ადგილზეც გაეცნო.

ილია ბეგიაშვილის თქმით, პროექტები გეგმის მიხედვით მიმდინარეობს და მოცემულ ეტაპზე გამოწვევები არ ვლინდება არც შესრულების ვადებთან და არც ხარისხთან მიმართებაში. ქალაქ თელავში დამონტაჟდა მზის ენერგიაზე მომუშავე სკამები, რომლითაც ქალაქის მოსახლეობასა და სტუმრებს საშუალება ექნებათ ისარგებლონ უფასო ინტერნეტით, ტელეფონის დამტენით, ხოლო ე.წ. ლაითბოქსზე დატანილი თელავის ტურისტული რუკიდან მიიღონ საჭირო ინფორმაცია. დაგეგმილია ისტორიულ ძეგლებზე QR კოდებისა და QR კუბების განთავსებაც. პროექტი ფინანსდება ევროკავშირის „საპილოტე რეგიონების ინტეგრირებული განვითარების პროგრამიდან“ და ადგილობრივი ბიუჯეტიდან.
ამავე პროგრამით, სიღნაღის მუნიციპალიტეტის ქალაქ წნორში ახალი სკვერის მშენებლობა მიმდინარეობს. პროექტი 1 ჰექტარის ფართობზე შადრევნის, გამწვანების, სარწყავი სისტემის, საბავშვო და სავარჯიშო სივრცის, ამფითეატრისა და განათების მოწყობას ითვალისწინებს. ახალი სკვერის გაშენებას 1.9 მილიონი ლარი მოხმარდება.

ქალაქ გურჯაანში, რეგიონებში განსახორციელებელი პროექტების ფონდის დაფინანსებით, ქუჩების საგზაო ინფრასტრუქტურის რეაბილიტაციის სამუშაოები მიმდინარეობს. საგარეჯოს მუნიციპალიტეტის სოფელ კაკაბეთში კი, ახალი საბავშვო ბაღის მშენებლობის სამუშაოებია დაწყებული.

საგარეჯოს მუნიციპალიტეტში, ტურისტული ხელმისაწვდომობის გაზრდის მიზნით, დაწყებულია მარიამჯვარის ნაკრძალთან მისასვლელი გზის სამუშაოები, რასაც 2.3 მილიონი ლარი მოხმარდება. ასევე, მიმდინარეობს საგზაო ინფრასტრუქტურის გაუმჯობესების სამუშაოები, მათ შორის, სოფელ ზემო და ქვემო ყანდაურის დამაკავშირებელ გზაზე.

ცენტრალური და ადგილობრივი ხელისუფლების წარმომადგენლებმა მოინახულეს ახმეტის მუნიციპალიტეტში მიმდინარე სოფელ აწყურის საბავშვო ბაღის მშენებლობისა და სოფელ არაშენდაში ასფალტო-ბეტონის საფარის მოწყობის სამუშაოებიც.

მსგავსი სიახლეები

1-ელი ივლისიდან საქართველოში ენერგეტიკული ბირჟა ამოქმედდება

"გალტ&თაგარტის“ მიხედვით, ამ ეტაპზე, კანონქვემდებარე აქტებში ცვლილება არ შესულა, თუმცა აქტიურად განიხილება ბაზრის ეტაპობრივად ამოქმედება და სრულ გახსნას, სავარაუდოდ, რამდენიმე წელი დასჭირდება. პირველ ეტაპზე, ვაჭრობა…

საქართველოში სიღარიბის აბსოლუტურ ზღვარს ქვევით მყოფი მოსახლეობის წილი წინა წელთან შედარებით, 3.8 %-ით შემცირდა 

2023 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი (აბსოლუტური სიღარიბის მაჩვენებელი) წინა წელთან შედარებით, 3.8 %-ით შემცირდა და 11.8% შეადგინა - საქსტატი სტატისტიკის მიხედვით, 2023 წელს…

საქართველოში საშუალო თვიური ხარჯები ერთ ოჯახზე , წინა წელთან შედარებით, 16.7%-ით გაიზარდა და 1 649 ლარი შეადგინა

2023 წელს ოჯახებს, შემოსავლებთან ერთად გაეზარდათ ხარჯებიც. საქსტატის მიერ გამოქვეყნებული შინამეურნეობების შემოსავლებისა და ხარჯების გასული წლის მონაცემებით, საქართველოში საშუალო თვიური ხარჯები ერთ ოჯახზე , წინა წელთან…

გერმანიამ მოქალაქეობა ბოლო 20 წლის მანძილზე რეკორდული რაოდენობის – 200100 პირს მიანიჭა

გერმანიის მოქალაქეობამინიჭებულ პირთა საერთო რაოდენობამ, 2000 წელს დაწყებული მონიტორინგის შემდეგ, გასულ წელს უმაღლეს დონეს მიაღწია. ინფორმაციას სააგენტო, DPA ფედერალური სტატისტიკური სამსახურის მინაცემებზე დაყრდნობით ავრცელებს.…

სოფლის ექიმის ყოველთვიური ხელფასი 1 262 ლარია, ხოლო ექთნის/ფერშლის 1 018 ლარი

ჯანდაცვის მინისტრის მიერ წარდგენილი ანგარიშის თანახმად, დღეის მდგომარეობით საქართველოში 1004 სოფლის ამბულატორია ფუნქციონირებს. ანგარიშის მიხედვით, სოფლის ამბულატორიებში დასაქმებულია ჯამში 1283 ექიმი და 1542 ექთანი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!