დღის სიახლეებივაჭრობის სფერომომსახურების სფეროსილამაზის და ესთეთიკის ცენტრები

“კირკე” – ნატურალური ხელნაკეთი საპნების და კოსმეტიკის მომზადება

0
გაზიარება

“ყოველთვის მქონდა ნოსტალგია იმ წლებისა, როცა ინსტიტუტის დასრულების შემდეგ ჩემი პროფესიით ვმუშაობდი ძველ, საბჭოთა სტილის აფთიაქის ექსტემპორალურ განყოფილებაში. იქ მიღებული გამოცდილებით წლებია ვამზადებდი სახის მოვლის საშუალებებს. როცა დაინგრა ძველი სისტემა, მეც ახალი ტიპის ფარმაცევტულ კომპანიაში ვიმუშავე 20 წელი. წლებმა გამოცდილება დამიგროვა ამ მიმართულებით და გამიჩნდა სურვილი ჩემი საკუთარი მცირე ბიზნესის წარმოებისა. სამსახურიდან წამოვედი და დავიწყე ახალი შემართებით საინტერესო საქმე. დავინტერესდი ნატურალური საპნის მომზადებითაც. ვეძებდი, ვკითხულობდი, ვსწავლობდი… მერე გაბედულება, თავდაჯერებულობა მოვიდა. პირველი საპონი 4 წლის წინ მოვამზადე. მას შემდეგ მოვდივარ ამ საქმის სიყვარულით. ზაფხულობით დავდივარ, ვეძებ, ვაგროვებ საჭირო სამკურნალო მცენარეებს. მოვძებნე ძველი რეცეპტების გაცრეცილი რვეული, სადაც ორგანულ რეცეპტებს “ეძინათ”. მოვძებნე და ოი… ისევ იქ დავბრუნდი, საიდანაც დავიწყე..” – წერს კომპანიის დამფუძნებელი თავხელიძე ნანა


მის საქმიანობას ორი ძირითადი მიმართულება აქვს:


1. ორგანული, ხელნაკეთი საპნების დამზადება ნულიდან.


2. ორგანული კოსმეტიკის დამზადება.


ნატურალური საპნების მიმართულებით აქვს ყოველდღიური მოხმარების სახის, ტანის, თმის(შამპუნი-საპნები) დასაბანი მყარი და თხევადი საპნები. ამზადებს სამკურნალო დანიშნულებით შემდეგ საპნებს: კუპრის, გოგირდის, ნახშირის საპნებს. ცოტა ძნელია, მაგრამ ცდილობს, ნედლეული გამოიყენოს ადგილობრივი წარმოების. მოძებნა და აქტიურად იყენებს:


1. ქართული წარმოების აბრეშუმის კოკონს (შამპუნი-საპნებში, ბავშვის და სახის დასაბან საპნებში).


2. „ნუკრიანის ლავანდა“-ს პროდუქტებს: ლავანდის ეთერზეთს, ლავანდის, შალფეის და უსუპის ჰიდროლატებს. ისინი ჩემი კოსმეტიკის აუცილებელი კომპონენტებია.


3. „ქართული ზეთისხილი“-ს ზეთს- თითქმის ყველა საპნის შემადგენლობაშია.


4. „მწვანე ბუმბო“-ს წარმოების დაფნისა და ევკალიპტის ეთერზეთებსა და ჰიდროლატებს(სამკურნალო საპნებში და კოსმეტიკაში აქტიური კომპონენტებია).


5. „შატო ზეგაანი“-ს რქაწითელის ყურძნის წიპწის ზეთი, სკრაბი, ფქვილი, სანთელი, ფუზი- ეს ნედლეული აუცილებელია ჩემი კოსმეტიკური კრემების, სკრაბების, სახის ნიღბების.. დაამზადებლად. მადლობა ამისათვის კომპანია „შატო ზეგაანი“-ს.


6. ვირის ფერმების „სახე-დარი“-სა და „ვირლანდია“-ს რძეზე დამზადებულ საპნებსა და კოსმეტიკას დიდი მოწონება და დაინტერესება აქვს. ეს მიმართულება „კარგად დავიწყებული ძველია“. კლეოპატრას სილამაზე საიდუმლო აღარაა! ის ვირის რძეს ყოველდღიურად მოიხმარდა სხეულისა და სახის სილამაზისა და ახალგაზრდობისათვის. ანტისაკობრივი კომპონენტებით მდიდარი ვირის რძისაგან ვამზადებ საპნებს(ალოე და ვირის რძე, შოკოლადი და ვირის რძე, ნახშირი და ვირის რძე, ლავანდა ვირის რძით, შამპუნი საპნები ვირის რძით, კალენდულას საპონი ვირის რძით..) კოსმეტიკურ კრემებში ჯერ-ჯერობით მაქვს ვირის რძით დამზადებული 5 პროდუქტი: დღის ანტიასაკობრივი კრემი, მკვებავი კრემი, ხელის კრემი, ტანის კრემი და კრემი გაუხეშებული ქუსლებისათვის.

May be an image of outdoors


მისი პროფესიული ცოდნა და გამოცდილება უბიძგებს, საშუალებას აძლევს ახალი პროდუქტების შექმნაზე იფიქროს. აქტიურად ამზადებს და ცდი სატესტო ვერსიებს. ჰყავს ერთგული მომხმარებლებიც, რომლებიც  სიახლის და კარგის მოლოდინში არიან. ნაბიჯ-ნაბიჯ მიდის  და სჯერა, რომ თავისი ბრენდი,  პროდუქტები ქალბატონებს სილამაზეს და სიჯანსაღეს შეუნარჩუნებს.

მსგავსი სიახლეები

საქართველოს ნაკრების შემადგენლობა ევრო 2024-ის მოსამზადებელ ეტაპზე

 საქართველოს ეროვნული ნაკრების მთავარმა მწვრთნელმა, ვილი სანიოლმა, დაასახელა საქართველოს ნაკრების შემადგენლობა ევრო 2024-ის მოსამზადებელ ეტაპზე: მეკარეები: გიორგი მამარდაშვილი, გიორგი ლორია, ლუკა გუგეშაშვილი მცველები:…

ზაფხულის სეზონზე საქართველოსა და ევროპის ქვეყნებს შორის 2 500-მდე ავიარეისი შესრულდება

საქართველოს სამოქალაქო ავიაციის სააგენტოს მიერ დამტკიცებული განრიგების შესაბამისად, 2024 წლის ზაფხულის აქტიურ სანავიგაციო სეზონზე 13 600 ავიარეისის შესრულებაა დაგეგმილია. აქედან საქართველოდან ევროპაში და პირიქით…

აპრილში ჩინური მანქანების იმპორტი 380%-ით გაიზარდა

სტატისტიკის ეროვნული სამსახურის მონაცემებით, 2024 წელს აპრილში ჩინეთიდან 283 ერთეული (3,197 მლნ აშშ დოლარი), ავტომობილი შემოვიდა, 2023 წლის იგივე თვეში მხოლოდ 59 (1,639 მლნ აშშ დოლარი). 2024 წლის იანვარ-აპრილში წინა წლის…

FDA-მ ილონ მასკის სტარტაპს Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა

Wall Street Journal-ის ცნობით, კომპანია იმპლანტის ძაფებს წინასთან შედარებით უფრო ღრმად ჩააყენებს ტვინში. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება,  პირველი პაციენტის შემთხვევაში ეს…

2023 წლის საანგარიშო პერიოდში სამუშაო ადგილზე გარდაიცვალა 34 და დაშავდა 347 დასაქმებული

შრომის ინსპექციის სამსახურის მიერ გამოქვეყნებულ 2023 წლის საქმიანობის ანგარიშის მიხედვით, სამუშაო სივრცეში მომხდარი უბედური შემთხვევის შედეგად გარდაცვლილი 34 პირიდან ყველა კაცია, ხოლო დაშავებულთაგან 100 ქალი და 247 კაცი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!