საქართველო ყოველთვის გამოირჩევა შთამბეჭდავი ბუნებით. ტურისტების ყურადღებას სწორედ ტურისტული რეგიონები იპყრობს, მაგრამ თამამად შეიძლება ითქვას, რომ საქართველოში, ტურისტულად ათვისებულ დასახლებებთან ერთად, ხელუხლებელ ბუნებაში ჩამალული უამრავი ისეთი ადგილიცაა, რომელთა შესახებ მოგზაურობაზე უზომოდ შეყვარებული რამდენიმე ათეული ადამიანის გარდა თითქმის არავინ იცის.
თუმცა, როგორც ჩანს, ეს ტრენდი მალე წარსულს მიეცემა, რადგან საქართველოში Traveling Den-ი გამოჩნდა – კომპანია, რომელიც ადამიანებს ჯერ კიდევ შეუცნობელი და აუთვისებელი ადგილების დალაშქვრის შესაძლებლობას აძლევს, სრულად აღჭურვილი კომფორტული სახლი-მანქანებით.
Traveling Den-ის შექმნის ისტორიაზე, ქარავნულ ცხოვრებაზე, ქართველი და უცხოელი ტურისტების გემოვნებაზე, შედეგებსა და სამომავლო გეგმებზე, იზრუნა ანა სვანიძემ და ინნა მარგველაშვილმა.
მობილური სახლი-მანქანის შექმნის იდეა ოთხი წლი წინ გაჩნდა, მათ სურდათ პირველად თავადემოგზაურათ, შემდეგ კი საზოგადოებას ესარგებლა. მოგზაურობის ეს ფორმა ამერიკასა და ევროპაში ძალიან განვითარებული იყო და მათაც გაუჩნდათ ამბიცია, რომ ეს კულტურა საქართველოში შემოეტანა. იდეა 2017 წელს გაჩნდა, ხოლო 2018 წელს განხორციელდა. პირველად რამდენიმე პრობლმას გადააწყდნენ, რადგან მასალაზე, რომლითაც ის შენდება, საქართველოში არავინ მუშაობს -მათ ხელოსნებს, სამწუხაროდ, ახალ გამოწვევებთან შეჭიდება დიდად არ აინტერესებთ. აქედან გამომდინარე, YouTube-ზე ატვირთული ვიდეოების დახმარებით, ნულიდან ისწავლეს, თუ როგორ ფუნქციონირებს ეს სახლი-მანქანა. საბოლოოდ, მიიღეს პროექტი, რომელიც ზრუნავს ადამიანების სიამოვნებასა და ნაყოფიერ მოგზაურობაზე. მომხმარებელს შეუძლია წავიდეს იქ, სადაც სურს, მაგრამ არის რიგი ადგილები, მაგალითად, თუშეთი, სადაც ზამთრის , უფრო ზუსტად კი ოქტომ-ბერნოემბრიდან, სამანქანე გზა საერთოდ იკეტება, ხოლო ზაფხულში, იქ ჩასვლა მხოლოდ 4×4-ზე მანქანით არის შესაძლებელი. ცხადია, რომ მომხმარებელს ამ რიგი პრობლემების შესახებ წინასწარ აწვდიან ინფორმაციას. მანქანაში არის საყოფაცხოვრებო ნივთებითა და პირველადი სურსათით აღჭურვილი სამზარეულო, აბაზანა და გარე ავეჯიც კი, მომხმარებლებს მხოლოდ საკუთარი ნივთების წამოღება სჭირდებათ. ამასთანავე, მათი მანქანები გადაწყობილია მზის ენერგიაზე. სევე, მსგავსი ტიპის მანქანები იდეალურია დიჯიტალ ნომადებისთვის – იმ ადამიანებისთვის, რომლებიც სრულად მობილურები არიან და თავად წყვეტენ, თუ სად იმუშაონ და სად იცხოვრონ, იქნება ეს მდინარის პირას, მთაში, ზღვის სანაპიროსთან თუ ტყეში.
