სტარტაპებიRSS კატეგორიადღის სიახლეებისიახლეები

მედიალაბის სტარაპ იდეების კონკურსი „იდეადრომი“ იწყება

0
გაზიარება

ციფრული მედიის სფეროში ინოვაციური ბიზნესიდეების ხელშეწყობისა და განვითარებისთვის, კომუნიკაციების კომისიის „მედიალაბმა“ სტარტაპ იდეების კონკურსი „იდეადრომი“ მეოთხედ გამოაცხადა. მედიალაბის მიზანი პოტენციური სტარტაპერების აღმოჩენა და მათთვის იდეების რეალობად ქცევაში დახმარებაა.

კონკურსის ფარგლებში, საუკეთესო სტარტაპიდეები გამოვლინდება, რის შემდეგაც გამარჯვებული გუნდები ერთი კვირის განმავლობაში ტრენინგებს გაივლიან. შერჩეულ გუნდებს ექნებათ შესაძლებლობა მომავალი საქმიანობისთვის საჭირო ცოდნა მიიღონ და საკუთარი სტარტაპიდეები გლობალურ ბაზარზე გასატანად მოამზადონ.

კონკურსში მონაწილეობის მიღება ნებისმიერ მსურველს შეუძლია. კონკურსანტები იდეების მიხედვით შეირჩევიან, გაივლიან ინტენსიურ მომზადებას და პროექტებს ჟიურის წევრებს წარუდგენენ. „იდეადრომის“ საპრიზო ფონდი 10 000 ლარია. „იდეადრომზე“ რეგისტრაციის ბოლო ვადა 20 მაისია. შერჩეულ ხუთ გუნდს 23-დან 27 მაისამდე პრაქტიკული ტრენინგები ჩაუტარდება.

კონკურსში მონაწილეობისთვის ორ-სამ კაციანმა გუნდებმა უნდა მოამზადონ ვიდეოპრეზენტაცია, სადაც არსებული გლობალური პრობლემის ინოვაციურ გადაწყვეტას წარმოადგენენ. იდეა, რომლის განხორციელებაზეც იდეადრომის ფარგლებში იმუშავებენ, შემდეგ თემებს უნდა მოიცავდეს: ციფრულ სივრცეში კომუნიკაციის გამარტივება, საგანმანათლებლო `„გეიმინგი“, ყალბი ინფორმაციისგან თავის დაცვა ან ინფორმაციაზე ხელმისაწვდომობის გაზრდა.

შერჩეული გუნდები „მედიალაბში“ ერთი კვირის განმავლობაში მენტორებთან ერთად ისეთ მნიშვნელოვან თემებს განიხილავენ, როგორებიცაა სტარტაპ იდეის ვალიდაცია, გუნდის მართვა, გადაწყვეტის ვალიდაციის სტრატეგიები, პროტოტიპირება და პროდუქტის ტესტირების მეთოდები, მარტივი ფინანსები სტარტაპებისთვის, იდეისთვის შესაფერისი ბიზნეს მოდელის შერჩევა, იდეალური პრეზენტაციის აწყობა და წარდგენა. ყველა ტრენინგი პრაქტიკულ დავალებებს მოიცავს, რაც სტარტაპერებს მისცემს შესაძლებლობას მიღებული ცოდნა ადგილზე აქციონ რეალურ გამოცდილებად.

კონკურსი „იდეადრომი“ წარმატებით უკვე სამჯერ ჩატარდა. ეს არის კონკურსი სტარტაპერებისთვის, სტარტაპიდეიდან რეალურ შესაძლებლობამდე. „იდეადრომის“ გამარჯვებულებმა წარმატებას უკვე მიაღწიეს. კონკურსის მონაწილე გუნდებიდან სოციალურმა ქსელმა, Bubbler-მა, არიზონის შტატის უნივერსიტეტი დააინტერესა და პროდუქტი სატესტო რეჟიმში სწორედ იქ გაუშვა. დამატებით, პროექტმა GITA-ს 15 000-ლარიანი დაფინანსებაც მოიპოვა. Side Mision-მა მცირე დაფინანსება მოიპოვა პროდუქტის განვითარებისთვის. FeedbacKit-ი პოლონეთში გაემგზავრა საერთაშორისო ინვესტორებთან შესახვედრად, კიდევ ერთმა გუნდმა „იდეადრომზე“ წარდგენილ სტარტაპზე მუშაობა შეწყვიტა, მაგრამ სხვა საქმე წამოიწყო და ბაზარზე მათი პროდუქტი უკვე იყიდება.

მსგავსი სიახლეები

Tourist card – ინოვაციური პროდუქტი კომპანიების სანდოობითა და შეთავაზებების მრავალფეროვნებით

Tourist card -  წარმატებული ქართული ბიზნესის ასოციასციის ახალი პროდუქტია, რომელიც სანდო კომპანიებითა და შეთავაზებებით, საქართველოში ჩამოსული ვიზიტორებისთვის შეიქმნა. ბარათში ჩაშენებულია სპეციალური პროგრამა, რომლითაც…

დაგროვებითი პენსიის სახით 10,7 მლნ ლარამდეა გაცემული

დაგროვებითი პენსიით ამ დროისთვის, სხვადასხვა კატეგორიის 3 781 პირმა ისარგებლა. ინფორმაციას საპენსიო სააგენტო ავრცელებს. „2023 წლის 8 ივნისის მდგომარეობით მთლიანი საპენსიო აქტივების ღირებულება 3.5 მილიარდი ლარია. წმინდა…

ბათუმის სტადიონმა FIABCI-ის მსოფლიო კონგრესზე, უძრავი ქონების ოსკარი მოიპოვა

ქალაქ მაიამიში FIABCI World Prix d'Excellence Awards 2023 დაჯილდოება გაიმართა. უძრავი ქონების ოსკარის მასშტაბურ ღონისძიებას აჭარის მთავრობის თავმჯდომარე თორნიკე რიჟვაძე დაესწრო და დაჯილდოების ცერემონიაში მიიღო…

1 კილოგრამი ჟოლოს ფასი სუპერმარკეტებში 30 ლარს შეადგენს

წელს ჟოლოს სეზონი მაღალი ფასებით დაიწყო, 1 კილოგრამის ფასი სუპერმარკეტებში 30 ლარს შეადგენს, ადგილობრივ მწარმოებლებთან კი ღირებულება 15-20 ლარს შეადგენს. აღსანიშნავია, რომ ამ მომენტისთვის ფერმერების მხოლოდ ნაწილმა დაიწყო…

მეტის ჩატვირთვა იტვირთება...პოსტები აღარ მოიძებნა
error: Content is protected !!