დღის სიახლეებიRSS კატეგორიავაჭრობის სფერომარკეტინგი და გაყიდვებიმეღვინეობაქართული წარმოება

„მენაბდის მარანმა“ ბელგიაში ექსპორტზე ღვინის პირველი პარტია გაიტანა

0
გაზიარება

გურული ღვინის მწარმოებელმა „მენაბდის მარანმა“ ბელგიაში ექსპორტზე ჩხავერის ღვინის პირველი – საცდელი პარტია გაიტანა.

„მენაბდის მარანის“ ღვინოები პრემიუმ კლასს მიეკუთვნება და საქართველოში ის მაღალ საფასო სეგმენტშია წარმოდგენილი. ღვინის მაღაზიებში მისი ღირებულება 70 ლარია. მარნის ხელმძღვანელი ვახუშტი მენაბდე

ამბობს, რომ ჩხავერის ღვინო ბელგიაში სწორედ ამ ფასად გაიგზავნა, თუმცა მომავალში საექსპორტო ღირებულება მოთხოვნის მიხედვით განისაზღვრება.

„პირველ ეტაპზე ექსპორტზე ჩხავერის რამდენიმე ასეული ბოთლი გავგზავნეთ. შევხედავთ როგორი მოთხოვნა იქნება. ამის შემდეგ კი სხვა ბაზრების მიმართულებით გააქტიურებასაც ვგეგმავთ“, – ამბობს ვახუშტი მენამდე და დასძენს, რომ ექსპორტის შემდგომ ბაზრებად ევროპის ქვეყნებს მოიაზრებს, თუმცა ამერიკის და იაპონიის ბაზარიც აინტერესებს.

ვახუშტი მენაბდე ოზურგეთის მუნიციპალიტეტის სოფელ შემოქმედში აგროტურისტულ ობიექტ „მენაბდის მარანს“ მართავს. ამასთან ის საკუთარი და მეგობარი ფერმერებიდან მიღებული მაღალი ხარისხის ყურძნისგან, ღვინოს 2017 წლიდან აწარმოებს. მეურნეობის ხელმძღვანელისთვის გურული ღვინის ადგილობრივ ბაზარზე პოპულარიზებას მნიშვნელოვანია, ამიტომ „მენაბდის მარნის“ ღვინო მხოლოდ ექსპორტზე არ იქნება ორიენტირებული.

„ზოგიერთი მეღვინე, მით უფრო მცირე მეწარმეები, ღვინის ექსპორტზე არიან მიმართულნი, თუმცა იქიდან გამომდინარე, რომ ქვეყანაში გურული ღვინო მცირე რაოდენობითაა და მისი ცნობადობაც ნაკლებია, ჩვენ ქვეყნის მასშტაბით მისი პოპულარიზაცია დავისახეთ მიზნად. ამისთვის თუ დღემდე „მენაბდის მარნის“ ქვევრის ღვინის შეძენა მხოლოდ „მენაბდის მარნის“ აგროტურისტულ ობიექტში შეიძლებოდა, დღეს ის ქართულ ბაზარზე მოქმედ ღვინის მაღაზიებში – „ღვინის ბიბლიოთეკაში“, „ღვინის ვაჭრებში“, „კოლექციონერში“ და „ღვინის ბირჟაზეც“ არის წარმოდგენილი.

დღეს შემოქმედში მოქმედი მცირე მარანი წელიწადში ჩხავერის და ცოლიკაურის 1 500-მდე ბოთლ ღვინოს აწარმოებს, თუმცა ვახუშტი მენაბდეს მეურნეობის გაფართოების გეგმა აქვს, რომელიც ღვინის წარმოების მოცულობების გაზრდას მოიცავს.

„ჩვენ ბუნებრივ ღვინოებს ვაწარმოებთ და მისი დამზადების პროცესში არ ვერევით, რაც დამატებითი საფუარის დამატებას ან სხვა საშუალებებს გულისხმობს. ძირითადად აქცენტი ბუნებრივ ღვინოებზე გვაქს გაკეთებული, თუმცა ზოგჯერ გვაქვს გადახვევებიც და ამ შემთხვევაში ვამბობთ, რომ ამ ღვინოებში ჩვენი ინტერვენციაცაა. დღეს ჩხავერს და ცოლიკაურს ვასხამთ, სულ მალე კი საკმიელას ჯიშის ყურძნის ღვინის წარმოებასაც დავიწყებთ. ამისთვის საკუთარი ვენახიც გავაშენეთ და მოსავალსაც დაველოდებით.

გვინდა, მეურნეობის გაფართოება, სტანდარტიზება და ხარისხის დაჭერა. შევხედავთ როგორ იმუშავებს სასტუმრო, ღვინის გაყიდვები და დაახლოებით 2 თვეში გაფართოების გეგმებზეც ჩამოვყალიბდებით“.
წყარო bm.ge

მსგავსი სიახლეები

ქორწინების საშუალო ასაკი ქალებისთვის 29.7 წლამდე, კაცებისთვის კი 32.1 წლამდე გაიზარდა

საქართველოში ქორწინების საშუალო ასაკი ყოველწლიურად ფაიზრდება - ამას ადასტურებს 2023 წლის დემოგრაფიული ანგარიში, რომელიც საქსტატმა გამოაქვეყნა.  დოკუმენტის თანახმად, 2023 წელს საქართველოში 22,275 ქორწინება დარეგისტრირდა, რაც…

ბანანის რეექსპორტი თითქმის 1300%-ით გაიზარდა, ხოლო იმპორტის ზრდამ 85% შეადგინა

საქსტატის მონაცემებით, წელს 2 თვეში ქვეყნიდან 1 632 ტონა (1,416 მლნ აშშ დოლარის) პროდუქტი გავიდა, წინა წლის ანალოგიურ პერიოდში კი მხოლოდ 117.3 (124.5 ათასი აშშ დოლარის). სტატისტიკის მიხედვით, 2024 წელს საქართველომ 1 კგ ბანანი…

გურიაში პირველი ეროვნული პარკი იქმნება

გარემოს დაცვისა და ბუნებრივი რესურსების კომიტეტმა პირველი მოსმენით განიხილა და მხარი დაუჭირა კანონპროექტს „გურიის ეროვნული პარკის შექმნისა და მართვის შესახებ“, რომლის მიღების შედეგად ჩოხატაურისა და ოზურგეთის მუნიციპალიტეტების…

გასულ წელს საქართველოში 22 ათასი ქორწინება და 13 ათასი განქორწინება დარეგისტრირდა

2023 წელს საქართველოში 22,275 ქორწინება დარეგისტრირდა -ინფორმაცია ამის შესახებ საქსტატის მიერ გამოქვეყნებული სტატისტიკიდან ხდება ცნობილი. ანგარიშის მიხედვით, 2022 წელთან შედარებით საქართველოში ქორწინებების რაოდენობა 14.5%-ით…

საქართველოში One republic, Scorpions და Jungle ჩამოდიან

Starring Georgia-ს ფარგლებში, მიმდინარე წელს ქვეყანაში One republic, Scorpions, Jungle ჩამოვლენ - ინფორმაციას Black Sea Arena სოციალურ ქსელში ავრცელებს. ბილეთების გაყიდვა 29 მარტიდან ეტაპობრივად დაიწყება.29 მარტიდან, 10:00…

მეტის ჩატვირთვა იტვირთება...პოსტები აღარ მოიძებნა
error: Content is protected !!