ბავშვთა საფეიქრო ინდუსტრია ერთ-ერთი ყველაზე მოთხოვნადი და სწრაფად მზარდი სექტორია მსოფლიო ბაზარზე. საქართველოში კიდევ ერთი საბავშო სამოსის ბრენდი “მფრინავი ასისი” დაფუძნდა. პროექტში საჭირო ინვესტიცია ოთხი დამფუძნებლის მიერ პირადი სახსრებით განხორციელდა.
“მფრინავი ასი-ს” თანადამფუძნებელი ნუცა ქისტაური ესაუბრა. როგორც მან აღნიშნა, ამჟამად ბრენდი ქმნის ორი ტიპის პროდუქტს, ესენია: მანტიები და წინდები. მანტიების შემთვევაში, ძირითადი მასალა და ნედლეული უცხოეთიდან შემოაქვთ, ხოლო პროდუქციის წარმოების ციკლი სრულად საქართველოში ხდება. წინდების შემთხვევაში კი ადგილობრივ ბაზარზე ისეთი კომპანია მოიძიეს, რომელსაც OEKO-TEX STANDARD 100-ის სერთიფიკატი ჰქონდა მინიჭებული, რაც გულისხმობს იმას, რომ მათ მიერ წარმოებულ პროდუქტში არანაირი ქიმიური ნივთიერებები და დანამატები არ შედის.
„2020 წლის ზაფხულში, დაგვებადა იდეა ბავშვთა ხაზი შეგვექმნა, რომელიც გამორჩეული იქნებოდა ბაზარზე არა მხოლოდ მისი კონცეფციით და დიზაინით, არამედ უმაღლესი ხარისხით. ამის შემდეგ საკმაოდ ბევრ კვლევას გავეცანით და თავადაც ჩავატარეთ მცირე გამოკითხვები აღნიშნული სფეროს საფუძვლიანად შესწავლის მიზნით. ვიზუალურ მხარესთან ერთად, ჩვენთვის ძალიან მნიშვნელოვანი იყო, მომხმარებლისთვის უმაღლესი ხარისხი შეგვეთავაზებინა, რომელიც საერთაშორისო სტანდარტებით იქნებოდა გამყარებული. კერძოდ მნიშვნელოვანი იყო ისეთი პროდუქტი შეგვექმნა, რომელიც ბავშვთა საფეიქრო ინდუსტრიაში დანერგილ ევროკავშირის უსაფრთხოების სტანდარტებს დააკმაყოფილებდა და ამავდროულად დამზადებული იქნებოდა ისეთი მასალებისგან, რომლებსაც მინიჭებული ექნებოდათ გლობალური ორგანული ტექსტილის სტანდარტის ოფიციალური სერთიფიკატი ე.წ. GOTS CERTIFICATE. შესაბამისად, წარმოების ციკლიც სწორედ ამ გამოწვევის მიხედვით ავაწყვეთ.” – განმარტა ქისტაურმა.
„მფრინავი ასი-ს” პროდუქცია პრემიუმ კატეგორიის ბრენდია. მანტიების სარეალიზაციო ფასი 260 ლარს შეადგენს, ხოლო წინდების ღირებულება 35 ლარია.
“ბრენდის შექმნის პირველივე დღიდან ჩვენი მიზანი იყო წარმოებული პროდუქციის 60% ექსპორტზე გაგვეტანა, ბრენდის ხასიათიც და საფასო სეგმენტიც ჩვენი საერთაშორისო კონკურენტების ანალიზზეა დაყრდნობილი. პირველ ეტაპზე, ჩვენთვის პრიორიტეტული საექსპორტო ქვეყნების ნუსხაში არის: საფრანგეთი, ლუქსემბურგი, იტალია და ბელგია, ვინაიდან ამ ეტაპზე უკვე გვაქვს კონკრეტული მოლაპარაკებები აღნიშნულ ქვეყნებში არსებული კონცეპტუალური პლათფორმებიდან.
ივნისის თვეში „მფრინავი ასი“ ერთ-ერთი ყველაზე მსხვილ საერთაშორისო თრეიდ შოუში იღებს მონაწილეობას და ვიმედოვნებთ, რომ საერთაშორისო მყიდველებისგან, ჩვენი ბრენდის მიმართ ინტერესი სულ უფრო და უფრო მზარდი იქნება. რაც შეეხება საქართველოს, დღეის მდგომარეობით ბრენდი “მფრინავი ასის“ პროდუქციის შეძენა შესაძლებელია ჩვენივე ვებ-გვერდის საშუალებით, ამავდროულად ახლო მომავალში თბილისში არსებულ ორ კონცეპტუალურ მაღაზიაში იქნება წარმოდგენილი.” – აღნიშნა ბრენდის თანადამფუძნებელმა.
- მთავარი
- დღის სიახლეები
- “მფრინავი ასი” – კიდევ ერთი ქართული საბავშვო ბრენდი
“მფრინავი ასი” – კიდევ ერთი ქართული საბავშვო ბრენდი
მსგავსი სიახლეები
გამონაბოლქვის ნორმასთან შეუსაბამობისთვის 641 სამართალდამრღვევი დაჯარიმდა
4 სექტემბრიდან 21 სექტემბრის ჩათვლით პერიოდში, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობისთვის 641 სამართალდამრღვევი დაჯარიმდა. დეპარტამენტის თანამშრომლებმა ყველაზე მეტი - 303 დარღვევა თბილისში…
28 სექტემბერს კონფერენცია სახელწოდებით „გლობალური პერსპექტივები ნეიროქირურგიასა და ძვლის ტვინის ტრანსპლანტაციაში” გაიმართება
28 სექტემბერს, თბილისში, სასტუმრო Holiday Inn-ის Adjara საკონფერენციო დარბაზში, Global Health Union და RHAZES GLOBAL საერთაშორისო სამედიცინო კონსულტირების ცენტრის ორგანიზებით კონფერენცია სახელწოდებით „გლობალური პერსპექტივები…
საარსებო შემწეობას თბილისში ყოველი მე-9 ადამიანი იღებს
სოციალური მომსახურების სააგენტოს აგვისტოს სტატისტიკის მიხედვით, დედაქალაქში საარსებო შემწეობას ჯამში 137 167 ადამიანი იღებს, საქსტატის მონაცემებით კი თბილისში სულ 1 241 709 ადამიანი ცხოვრიობს, შესაბამისად თბილისში მცხოვრები…
რატომ არის ევროპის საუკეთესო ადგილი მოგზაურობისთვის?
ევროპა მოგზაურობისთვის გამორჩეული მიმართულებაა, სადაც შეგიძლიათ საუკეთესო გამოცდილება და დაუვიწყარი მოგონებები შეიქმნათ, რადგან ევროპას აქვს: 1. მდიდარი ისტორია ევროპის კონტინენტს გააჩნია წარმოუდგენლად მდიდარი და…
22 სექტემბრის ვალუტის კურსი
საქართველოს ეროვნულმა ბანკმა ლარის კურსი აშშ დოლარის მიმართ 2,6879 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0129 ლარით გაუფასურდა. ევრო - 2.8637 ლარი აშშ დოლარი -…