მეღვინეობაRSS კატეგორიაქართული წარმოება

“მოსავალი პირველი” – ახალი ქართული ღვინო ბაზარზე

0
გაზიარება

ქართულ ბაზარზე “მოსავალი პირველი” გამოჩნდა. მცირე მარნების გაერთიანებაში წარმოდგენილია ქართლის და კახური ჯიშის ყურძნებისგან დამზადებული 4 სახეობის ღვინო.

როგორც “მოსავალი პირველის” თანადამფუძნებელი ერეკლე პაიჭაძე “ბიზნესპარტნიორთან” ამბობს, ქართლში იწარმოება კლასიკური, ევროპული სტილის ჩინურისა და გორული მწვანის ნაზავი; თავკვერი – წითელი ჯიშის ყურძენი; როზე, რომელიც დამზადებულია თავკვერისგან, ჩინურისა და გორული მწვანისგან; კახეთში აწარმოებენ რქაწითელისა და ბუერას ბლენდს – ეს არის 85% რქაწითელი და 15% ბუერა.

“ბუერა იშვიათი ჯიშის ყურძენია და მისგან ძალიან ცოტა კომპანია აყენებს ღვინოს. გვინდოდა, ექსპერიმენტულად გაგვეკეთებინა და კარგი გამოვიდა. კახური ტრადიციული მეთოდით არის დაყენებული, ქარვისფერი ღვინოა.

გარდა ამისა, წელს პირველად გავაკეთეთ პეტ-ნატი, ცქრიალა ღვინო. განსხვავებული ტექნოლოგიაა და თბილისში ძალიან პოპულარული ხდება. პირველად გავაკეთეთ მცირე რაოდენობით და იმდენად კარგი გამოვიდა, რამდენიმე თვეში უკვე აღარ იყო. ვაპირებთ რაოდენობა გავზარდოთ”, – აღნიშნა ერეკლე პაიჭაძემ.

“მოსავალი პირველი” ამ ეტაპზე 7000-მდე ბოთლ ღვინოს ამზადებს. რეალიზაცია თბილისის ღვინის მაღაზიებსა და ბარებში ხდება. სამომავლოდ ღვინო გავა ბათუმში. იგეგმება ექსპორტზე გატანაც.

“ღვინის ფესტივალი, რომელიც რამდენიმე დღის წინ გაიმართა, ძალიან დაგვეხმარა. შემოთავაზებები იყო ღვინის მოყვარული საერთაშორისო ვიზიტორებისგან, რომლებიც ქართულ ღვინოს კარგად იცნობენ და საკუთარ ბაზარზე გატანის გამოცდილებაც აქვთ. ძირითადად იყვნენ შვედეთი, ლიტვა, დიდი ბრიტანეთიდან. ისინი პირდაპირ იმ მიზნით მოდიოდნენ, რომ შეერჩიათ ისეთი ღვინოები, რომელიც მოეწონებოდათ და თავის ბაზარზე გაყიდიდნენ. ჩვენით ძალიან დაინტერესდნენ და ვფიქრობ, უახლოეს მომავალში შემოთავაზებას მივიღებთ. ასევე ჩვენით დაინტერესდა სლოვაკეთის ელჩი”, – ამბობს ერეკლე პაიჭაძე.

მსგავსი სიახლეები

2022 წელს საქართველოს ტერიტორიაზე 771 ათას სატვირთო ავტომობილზე მეტი შემოვიდა

შემოსავლების სამსახურის უფროსის მოადგილის ვლადიმერ ხუნდაძის ინფორმაციით, 2022 წელს საქართველოს ტერიტორიაზე 771 ათას სატვირთო ავტომობილზე მეტი შემოვიდა და იგივე რაოდენობა გავიდა. „მოგეხსენებათ, რომ საერთაშორისო ვაჭრობის…

საქართველოში 28.4%-ით გაიზარდა იმ ადამიანების რაოდენობა,რომლებიც 9 600 ლარს ან მეტ თვიურ ხელფასს იღებდნენ

წლიურად 28.4%-ით გაიზარდა იმ ადამიანების რაოდენობა, რომლებიც 9 600 ლარს ან მეტ თვიურ ხელფასს იღებდნენ - PMCG 2022 წლის დეკემბერში, ადამიანების რაოდენობა, რომლებიც იღებდნენ თვიურ ხელფასს, 2021 წლის შესაბამის პერიოდთან…

ევროპაში ყველაზე სწრაფი მეტროს ხაზი სტამბულში ამოქმედდა

სტამბოლში ევროპაში უსწრაფესი მეტროს ხაზი გაიხსნა, რომლემაც თურქული მეგაპოლისი მის ევროპულ ნაწილში მდებარე აეროპორტთან დააკავშირა.მატარებელი ამ ახალი ხაზით 90-120 კმ/სთ სიჩქარით გადაადგილდება,შედეგად კი კაგიტხანის სადგურიდან…

ქაბულში ქალთა ტანსაცმლის მაღაზიებში მანეკენებს სახეები დაუფარეს

ავღანეთის დედაქალაქ ქაბულში ქალთა ტანსაცმლის მაღაზიებში მანეკენების სახეები პლასტიკური პაკეტითა და ალუმინის ფოლგით დაფარეს. ინფორმაციას ინდური NDTV სოციალურ ქსელში გავრცელებულ ფოტოებზე დაყრდნობით ავრელებს. მოძრაობა…

საფრანგეთში ოჯახური ძალადობის მსხვერპლი პირები ფინანსურ დახმარებას მიიღებენ

ოჯახური ძალადობის მსხვერპლთა დაუყოვნებლივ დაფინანსების კანონპროექტს საფრანგეთის ეროვნულმა ასამბლეამ მხარი დაუჭირა, რომელიც მათ მოძალადეებზე ეკონომიკური დამოკიდებულებისგან თავის დაღწევაში დაეხმარება. ინფორმაციას The Local-ი…

მეტის ჩატვირთვა იტვირთება...პოსტები აღარ მოიძებნა
error: Content is protected !!