მახინჯაურში, ზღვიდან სულ რამდენიმე მეტრში, ყოფილი სანატორიუმ „მზიურის” ტერიტორიაზე სულ მალე აღდგება ისტორიული მნიშვნელობის ბალნეოლოგიური კურორტი და მოეწყობა საერთაშორისო სტანდარტების მქონე 60-ნომრიანი სპა და გამაჯანსაღებელი ცენტრი.
პროექტს „მზიური გარდენსთან“ ერთად ბრიტანული კომპანია MRMU International ახორციელებს, რომელიც უძრავი ქონების სექტორში ლიდერი საინვესტიციო კომპანიაა.
მახინჯაური ზღვისპირა კლიმატურ, ბალნეოლოგიური კურორტია, მასზე საუბრისას მნიშვნელოვანია ავღნიშნოთ, რომ იქ არსებულ მიკროკლიმატს და სუბთერმულ-მინერალურ წყალს, ადგილობრივი მოსახლეობა, ჯერ კიდევ მე-20 საუკუნის დასაწყისში იყენებდა სხვადასხვა დაავადების სამკურნალოდ.
მახინჯაურის უნიკალური მიკროკლიმატის, თერმული და მინერალური წყლების სამკურნალო თვისებები ათწლეულების წინ აღმოაჩინეს და სამეცნიერო დონეზე შეისწავლეს. გოგირდოვანი წყლების გამაჯანსაღებელი მიზნით გამოყენება კი 1880 წლიდან იწყება.
წყლის პირველი მეცნიერული კვლევა 1912 წელს ჩატარდა, აშენდა სააბაზანო შენობები და მახინჯაურის, როგორც კლიმატურ ბალნეოლოგიური კურორტის ისტორიაც ამ დროიდან დაიწყო.
მახინჯაურის თერმული წყაროების გამოსავალი, ულამაზეს მდინარე საკალმახეს ხეობაშია, რომლის ლანდშაფტი და მცენარეული საფარი თავისთავად გამაჯანსაღებლად მოქმედებს ადამიანზე და ამიტომაც სტუმრობდნენ მას წელიწადის ოთხივე დროს როგორც პოსტ საბჭოთა ქვეყნებიდან ისევ ევროპის არაერთი ქვეყნიდან. ბალნეოლოგიური კურორტი და პანსიონატი „მზიური“ ყველაზე აქტიურად 1974-1978 წლებში მუშაობდა და ვიზიტორთა რიცხვი წლის განმავლობაში 10 000-ს აჭარბებდა.
“მზიური გარდენსი“ პრემიუმ კლასის აპარტამენტებისგან შემდგარი საცხოვრებელი და საინვესტიციო პროექტია, რომელიც ზღვიდან სულ რამდენიმე მეტრში, ყოფილი სანატორიუმის ტერიტორიაზე მდებარეობს და აერთიანებს საცხოვრებელ აპარტამენტებს, 5*-იან საერთაშორისო სასტუმროების ქსელ CROWNE PLAZA-ს და ბალნეოკურორტს. კომპლექსი 15 000 კვ.მ -ზეა განთავსებული, აქედან 12 000 კვ.მ მოიცავს სარეკრეაციო სივრცეს, რომელიც მრავალწლოვანი ფიჭვებისა და ენდემური ნარგავების შუაგულშია მოთავსებული.
საერთაშორისო სტანდარტების მქონე ბალნეოლოგიური და გამაჯანსაღებელი ცენტრით სარგებლობა როგორც „მზიური გარდენსის“ მობინადრეებისთვის, ასევე ნებისმიერი საერთაშორისო თუ ადგილობრივი ვიზიტორისთვის იქნება ხელმისაწვდომი. ჩვენი მიზანიც სწორედ ესაა, აჭარა, კონრეტულად კი მახინჯაური კვლავ ვაქციოთ ოთხივე სეზონზე მიმზიდველ დასასვენებლ ლოკაციად და ამ გეგმაში მნიშვნელოვანი ადგილი უკავია სამედიცინო ტურიზმით და ბალნეოკურორტით დაინტერესებული ვიზიტორების მიღებას მსოფლიოს სხვადასხვა ქვეყნიდან.
