სტარტაპებიდღის სიახლეებისაზოგადოებასაინტერესო სიახლეებისიახლეები

ქართული სტარტაპი „ჰიპი“ მაღაზიების გახსნას რუსთავში, თბილისსა და ბათუმში გეგმავს

0
გაზიარება

ქართული სტარტაპი „ჰიპი“, სადაც ხელნაკეთ ნივთებს ქმნიან, მაღაზიების გახსნას რამდენიმე ქალაქში გეგმავს.

როგორც კომპანიის დამფუძნებელმა ლალი თვალიაშვილმა განაცხადა,რომ შემოდგომით მაღაზია თბილისში, ხოლო მოგვიანებით რუსთავში და ბათუმში გაიხსნება.

„ჩვენს პროდუქციას თავიდანვე დიდი გამოხმაურება მოჰყვა. რამდენიმე თვეში ჩვენი მომხმარებლების რაოდენობა 100 000-მდე გაიზარდა. პანდემიამდე ორი მაღაზია გვქონდა, შეზღუდვების გამო დავხურეთ და ონლაინ მუშაობაზე გადავედით. პანდემიის დროს არ გავჩერებულვართ, მაგრამ მოთხოვნა მკვეთრად შემცირებული იყო. ახლა გაყიდვები საგრძნობლადაა მომატებული. პროდუქციაზე მოთხოვნა მზარდია და წლიური ბრუნვა 25 000 ლარს შეადგენს. რაც შეეხება ექსპორტს, მხოლოდ ემიგრანტები უკვეთავენ. პროდუქციას საბერძნეთში, იტალიაში, გერმანიასა და ესპანეთში ვგზავნით ხოლმე“, – განაცხადა ლალი თვალიაშვილმა. 

 „ჰიპში” ამბობენ, რომ მათი ბიზნესის განვითარების ერთ-ერთი მხარე ბარი-ავტობუსის მიმართულებითაც იქნება.

„გვყავს ორი ავტობუსი – მაღაზია, რომლის საშუალებითაც შაბათ -კვირას მუდმივად თბილისის ქუჩებში ვართ წარმოდგენილი. გვყავს მესამე ავტობუსიც, სადაც ბარი გვაქვს მოწყობილი და რადგან ღონისძიებებზე ხელნაკეთი ნივთების კუთხით ვესწრებით, ასევე დავესწრებით ბარი ავტობუსითაც,” – განაცხადა მან.

რაც შეეხება გამოწვევებს, „ჰიპში“ ამბობენ, რომ კარგი იქნება თუ სტარტაპებისთვის დიდ მოლებში შესვლა შეღავათიან ფასებში იქნება შესაძლებელი.

„ბევრი პროგრამაა იმისათვის, რომ დამწყებმა სტარტაპებმა გრანტი მოიპოვონ და დაიწყონ ბიზნესი, ეს პრობლემა აღარაა. თუმცა ვისურვებდი სტარტაპებისთვის შეღავათები იყოს და მიეცეთ საშუალება, რომ მათთვის გარკვეული დღეები იყოს გამოყოფილი, როცა მათ შეღავათიან ფასს გადაახდევინებენ პროდუქციის განთავსებისთვის, რადგან საწყის ეტაპზე ბიზნესის ამუშავება შეძლონ”, – ამბობს თვალიაშვილი.

ცნობისთვის, „ჰიპი“ ადგილობრივ ბაზარზე 2015 წლიდან არსებობს.

მსგავსი სიახლეები

NDI – საქართველოში ყოველ მეხუთე ოჯახს საჭმლის სამყოფი ფული არ აქვს

NDI-ის მიერ ჩატარებული კვლევის თანახმად, ქვეყნის დანარჩენ მოსახლეობასთან შედარებით, პატარა ქალაქებსა და სოფლის ტიპის დასახლებებში მცხოვრებთ და 55+ ასაკის მოქალაქეებს ყველაზე მეტად უჭირთ. პოლიტიკური სიმპატიების მიხედვით…

BUS LANE-ში სხვა სახის სატრანსპორტო საშუალებების მოძრაობის გამო ჯარიმების მოცულობა 226%-ით გაიზარდა

2022 წლის განმავლობაში ბიუჯეტში ავტობუსის ზოლში (BUS LANE) სამარშრუტო სატრანსპორტო საშუალებების გარდა სხვა სახის სატრანსპორტო საშუალებების მოძრაობის, გაჩერების ან დგომისათვის ჯარიმის სახით 4 462 325 ლარი შევიდა, ეს კი…

გაზის რეზერვუარების აღმოჩენის მიზნით BP კასპიის ზღვაში ორ ახალ ჭაბურღილს გაიყვანს

ბრიტანული ნავთობმომპოვებელი გიგანტის BP-ის თანახმად, პირველი ჭაბურღილის სიღრმე 7,000 მეტრს მიაღწევს, რათა რეზერვუარიდან ბუნებრივი აირის მოპოვება გახდეს შესაძლებელი. რეზერვუარის სავარაუდო ადგილმდებარეობა შაჰ დენიზის საბადოს…

2022 წელს საქართველოში ჩადენილი ყველაზე მეტი დანაშაულის შემთხვევა ქურდობაზე, ოჯახში ძალადობაზე და მუქარაზე დაფიქსირდა  

შინაგან საქმეთა სამინისტროს სტატისტიკური მონაცემების თანახმად, დანაშაულის ყველაზე მეტი - 15 862 შემთხვევა (გაიხსნა 8477) ქურდობაზე მოდის, შემდეგ ადგილზეა ოჯახში ძალადობის 4106 (გაიხსნა 3586) და მუქარის 3699 (გაიხსნა 3280)…

თბილისში უძრავი ქონების ღირებულება 28%-ით გაიზარდა

2022 წლის დეკემბერში 2021 წლის ანალოგიურ პერიოდთან შედარებით, თბილისში უძრავი ქონების ღირებულება 28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს…

მეტის ჩატვირთვა იტვირთება...პოსტები აღარ მოიძებნა
error: Content is protected !!