დღის სიახლეებიზოგადი განათლებასაინტერესო სიახლეებისიახლეები

რა განასხვავებთ კარგ ბოსებს ცუდი ბოსებისგან?

0
გაზიარება

რა აქცევს ბოსს კარგ ან ცუდ მმართველად? როგორ აისახება ბოსის ქმედებები და დამოკიდებულება თანამშრომელთა შრომისუნარიანობასა და მოტივაციაზე? როგორ შეიძლება კარგი ბოსი იქცეს ცუდად და პირიქით? – ამ კითხვებზე პასუხს რობერტ ი. სატონის წიგნში იპოვით.

„კარგი ბოსი ცუდი ბოსი“ ამერიკელი პროფესორისა და მტკიცებითი მენეჯმენტის მკვლევრის რობერტ ი. სატონის ერთ-ერთი ყველაზე ცნობილი წიგნია, რომელიც New York Times-ის ბესტსელერი გახდა.

ადამიანები სამსახურს უფრო ხშირად არა საქმიანობის, არამედ ცუდი ბოსის გამო ტოვებენ. ცუდ ბოსს შეუძლია, კარგი ნამუშევარი უბადრუკობად, ხოლო სამსახური ჯოჯოხეთად აქციოს. გარდა ამისა, ცუდმა ხელმძღვანელმა კომპანიას შესაძლოა ტონობით ფული დააკარგვინოს… თუ ბოსი ხარ და გაინტერესებს, როგორ აკეთო შენი საქმე ისე, რომ მსგავსი რამ არ დაგემართოს, რობერტ სატონის „კარგი ბოსი, ცუდი ბოსი“ საუკეთესო სამსახურს გაგიწევს. სწავლა არასდროს არის გვიან, განსაკუთრებით ამ სწრაფად განვითარებად სამყაროში, სადაც ტრენდები ისე ხშირად იცვლება, აყოლას ვერ ვასწრებთ,

პროფესორი რობერტ სატონი ათწლეულების განმავლობაში დაგროვილ ფსიქოლოგიურ თუ მენეჯერულ კვლევებსა და კონკრეტულ მაგალითებზე დაყრდნობით გვიყვება, როგორ შეიძლება გახდე კომპანიისთვის ეფექტური ხელმძღვანელი და, ამასთანავე, ხელქვეითების სიყვარულიც მოიპოვო. ავტორის მიერ გადმოცემული ცოცხალი, ხშირად იუმორით გაზავებული ამბები მოწმობს, რომ ადამიანები ეძებენ არა უბრალოდ სამუშაო ადგილს, სადაც შეიძლება „თბილად მოკალათდე“, არამედ სიხარულის მომტან შემოქმედებით საქმიანობას, რომლის უპირველესი განმსაზღვრელი ადამიანური ღირსებებით შემკული საუკეთესო ბოსი, ნამდვილი ლიდერია.

კომპანიას კი, სადაც ადამიანი თავს ბედნიერად გრძნობს და ყოველდღიურად შესასრულებელ საქმეს არა როგორც უსიამოვნო ვალდებულებას, არამედ როგორ საინტერესო პროცესად აღიქვამს, წარმატების მეტი შანსი აქვს. მიუხედავად ამისა, საყვარელი საქმის კეთების პროცესი ცუდმა ბოსმა შეიძლება ყველაზე მტანჯველ პროცესად აქციოს.

სატონი თავის წიგნში აღწერს ცუდი და კარგი ბოსის ქმედებებს და მათ გავლენებს კომპანიაზე. როგორც წესი, ცუდი ბოსები იგნორირებას უკეთებენ დასაქმებულების პრობლემებს, მანამ, სანამ ეს პროცესი კულმინაციას არ მიაღწევს და სერიოზულ ზიანს არ მოიტანს. ისინი გამოირჩევიან უხეში მოპყრობით, ყვირილით და თანამშრომლებთან არაკოლეგიალური და არალოიალური დამოკიდებულებით. თანამშრომლებს არ უქმნიან განვითარების ახალ შესაძლებლობას, არ რეაგირებენ შეცდომებზე, არ ცდილობენ მათ საკუთარ თავზე აღებას და გამოსწორებას. ბოსის ასეთი დამოკიდებულება იწვევს თანამშრომლებს შორის ურთიერთობის დაძაბვასა და გაფუჭებას, რაც საბოლოო ჯამში კომპანიას აზარალებს.

მეორე მხრივ, კარგ ბოსი თანამშრომლებს შთააგონებს, აძლევს მოტივაციას, გახდნენ უკეთესები, იმუშაონ მეტი თვითგანვითარებისა და ახალი გამოწვევების საპასუხოდ და არასოდეს გაჩერდნენ. ისინი დასაქმებულთათვის არიან როლური მოდელები, რომელთა პოზიტიურ განწყობასა და მოტივაციაზე ბევრი რამ არის დამოკიდებული. კარგი ლიდერები ქმნიან საუკეთესო შესაძლებლობებს თანამშრომლებისთვის და ზოგადად, საზოგადოებისთვის სასიკეთო შედეგები მოაქვთ.

სატონი გვთავაზობს რეცეპტს, როგორ გავხდეთ საუკეთესო ლიდერები და ვისწავლოთ ყველაზე უარესისგან. კარგი ლიდერობიდან ცუდ ლიდერობამდე ერთი ნაბიჯია, ამიტომ მნიშვნელოვანია, ვიცოდეთ ბალანსის დაცვა, აუცილებელია გვესმოდეს, რატომ ვაკეთებთ რასაც ვაკეთებთ, გვქონდეს ღირებულებები და სწორი მიზანი, რომლისკენაც თანამშრომლებსა და კომპანიას წავიყვანთ. სწორ ღირებულებებსა და მიზანზე ფოკუსირებულ ლიდერს ხალხი თავად მიჰყვება, ხოლო ცუდ ბოსს ძალით მიჰყავს, რომლის გუნდიც საბოლოოდ დაშლისთვის არის განწირული.

277694199-998512687707091-2544714136034562726-n-1648729109.jpg

წიგნში მოცემულია საინტერესო მსჯელობა და ანალიზი მენეჯმენტის თანამედროვე გამოწვევებსა და შესაძლებლობებთან დაკავშირებით, რაც ბევრ ჩვენგანს ახალი აღმოჩენების გაკეთებაში დაეხმარება. „კარგი ბოსი ცუდი ბოსი“ ქართულ ენაზე გამომცემლობა „პალიტრა L”-ის პროექტის „ლურჯი ოკეანის“ ფარგლებში ითარგმნა და უკვე წიგნების მაღაზიებშია წარმოდგენილი. მისი შეძენა „პალიტრა L-ის“ ვებგვერდზეც შესაძლებელია.

მსგავსი სიახლეები

საქართველოს ნაკრების შემადგენლობა ევრო 2024-ის მოსამზადებელ ეტაპზე

 საქართველოს ეროვნული ნაკრების მთავარმა მწვრთნელმა, ვილი სანიოლმა, დაასახელა საქართველოს ნაკრების შემადგენლობა ევრო 2024-ის მოსამზადებელ ეტაპზე: მეკარეები: გიორგი მამარდაშვილი, გიორგი ლორია, ლუკა გუგეშაშვილი მცველები:…

ზაფხულის სეზონზე საქართველოსა და ევროპის ქვეყნებს შორის 2 500-მდე ავიარეისი შესრულდება

საქართველოს სამოქალაქო ავიაციის სააგენტოს მიერ დამტკიცებული განრიგების შესაბამისად, 2024 წლის ზაფხულის აქტიურ სანავიგაციო სეზონზე 13 600 ავიარეისის შესრულებაა დაგეგმილია. აქედან საქართველოდან ევროპაში და პირიქით…

აპრილში ჩინური მანქანების იმპორტი 380%-ით გაიზარდა

სტატისტიკის ეროვნული სამსახურის მონაცემებით, 2024 წელს აპრილში ჩინეთიდან 283 ერთეული (3,197 მლნ აშშ დოლარი), ავტომობილი შემოვიდა, 2023 წლის იგივე თვეში მხოლოდ 59 (1,639 მლნ აშშ დოლარი). 2024 წლის იანვარ-აპრილში წინა წლის…

FDA-მ ილონ მასკის სტარტაპს Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა

Wall Street Journal-ის ცნობით, კომპანია იმპლანტის ძაფებს წინასთან შედარებით უფრო ღრმად ჩააყენებს ტვინში. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება,  პირველი პაციენტის შემთხვევაში ეს…

2023 წლის საანგარიშო პერიოდში სამუშაო ადგილზე გარდაიცვალა 34 და დაშავდა 347 დასაქმებული

შრომის ინსპექციის სამსახურის მიერ გამოქვეყნებულ 2023 წლის საქმიანობის ანგარიშის მიხედვით, სამუშაო სივრცეში მომხდარი უბედური შემთხვევის შედეგად გარდაცვლილი 34 პირიდან ყველა კაცია, ხოლო დაშავებულთაგან 100 ქალი და 247 კაცი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!