ფინანსებიდღის სიახლეებიეკონომიკასაზოგადოებასაინტერესო სიახლეებისიახლეები

რამდენ მილიონ დოლარად იყიდა ბიზნესმენმა ,,ბილაინი”

0
გაზიარება

Veon-ი საქართველოში ბიზნესის გაყიდვის შესახებ აცხადებს. როგორც კომპანიის მიერ გავრცელებულ განცხადებაში არის ნათქვამი, Veon-მა საქართველოში დაასრულა მისი შვილობილი კომპანიის Veon Georgia-ს გასხვისების პროცესი. მათი ინფორმაციით, ტრანზაქციის ღირებულება 45 მილიონი დოლარია.

განცხადებაში ნათქვამია, რომ “ვიონის” გადაწყვეტილება განპირობებული არის მათი გრძელვადიანი ამბიციით, გაამარტივონ ჯგუფის სტრუქტურა.

“მოლაპარაკებების შედეგად წარმატებით დავასრულეთ შეთანხმება საქართველოში ჩვენი შვილობილი კომპანიის გაყიდვასთან დაკავშირებით, ჩვენს ყოფილ ადგილობრივ პარტნიორთან. ეს ტრანზაქცია მორიგი წინგადადმული ნაბიჯია ჩვენი ჯგუფის ოპერაციების გამარტივებისკენ. “Beeline საქართველო” ლიდერია ქვეყანაში 4G-ის პენეტრაციითა და ციფრული სერვისების მიმართულებით, რაც “ვიონის” ციფრული ოპერაციული სტრატეგიის წარმატებულად განხორციელების დამსახურებაა. ახალი ქართველი მფლობელი და კომპანიის მენეჯმენტი მზად არიან გააგრძელონ კომპანიის წარმატებული განვითარება და ხელი შეუწყონ ქვეყანაში ციფრულ ტრანსფორმაციას”, -აცხადებს Veon-ის აღასრულებელი დირექტორი კაან თერზიოღლუ.

შეგახსენებთ, რომ კომუნიკაციების კომისიამ “ბილაინის” მფლობელის ცვლილებას მხარი მაისის დასაწყიში დაუჭირა. კომპანიის 100%-იანი წილის მფლობელი ბიზნესმენი ხვიჩა მაქაცარია გახდა, რომელმაც წილის ნასყიდობის თაობაზე კომისიას 4 აპრილს მიმართა.

კომუნიკაციების კომისიის თანახმად, წილის გასხვისებამდე “ბილაინი” ეკუთვნოდა VEON Georgia Holding B.V.-ის, რომელიც თავის მხრივ ფლობს ორ კომპანია WATERTRAIL INDUSTRIES LTD-ის და Investico Alliance LTD-ის. თავად ეს კომპანიები კი უშუალოდ “ვიონი საქართველოს” ფლობენ, კერძოდ, WATERTRAIL INDUSTRIES LTD-ის “ვიონი საქართველოს – 71%, Investico Alliance LTD-ის კი “ვიონი საქართველოს” 29%-იანი წილი ეკუთვნის. ჯამში, ეს ორივე ფირმა “ვიონი საქართველოს” 100%-იან წილს ფლობს.

მსგავსი სიახლეები

NDI – საქართველოში ყოველ მეხუთე ოჯახს საჭმლის სამყოფი ფული არ აქვს

NDI-ის მიერ ჩატარებული კვლევის თანახმად, ქვეყნის დანარჩენ მოსახლეობასთან შედარებით, პატარა ქალაქებსა და სოფლის ტიპის დასახლებებში მცხოვრებთ და 55+ ასაკის მოქალაქეებს ყველაზე მეტად უჭირთ. პოლიტიკური სიმპატიების მიხედვით…

BUS LANE-ში სხვა სახის სატრანსპორტო საშუალებების მოძრაობის გამო ჯარიმების მოცულობა 226%-ით გაიზარდა

2022 წლის განმავლობაში ბიუჯეტში ავტობუსის ზოლში (BUS LANE) სამარშრუტო სატრანსპორტო საშუალებების გარდა სხვა სახის სატრანსპორტო საშუალებების მოძრაობის, გაჩერების ან დგომისათვის ჯარიმის სახით 4 462 325 ლარი შევიდა, ეს კი…

გაზის რეზერვუარების აღმოჩენის მიზნით BP კასპიის ზღვაში ორ ახალ ჭაბურღილს გაიყვანს

ბრიტანული ნავთობმომპოვებელი გიგანტის BP-ის თანახმად, პირველი ჭაბურღილის სიღრმე 7,000 მეტრს მიაღწევს, რათა რეზერვუარიდან ბუნებრივი აირის მოპოვება გახდეს შესაძლებელი. რეზერვუარის სავარაუდო ადგილმდებარეობა შაჰ დენიზის საბადოს…

2022 წელს საქართველოში ჩადენილი ყველაზე მეტი დანაშაულის შემთხვევა ქურდობაზე, ოჯახში ძალადობაზე და მუქარაზე დაფიქსირდა  

შინაგან საქმეთა სამინისტროს სტატისტიკური მონაცემების თანახმად, დანაშაულის ყველაზე მეტი - 15 862 შემთხვევა (გაიხსნა 8477) ქურდობაზე მოდის, შემდეგ ადგილზეა ოჯახში ძალადობის 4106 (გაიხსნა 3586) და მუქარის 3699 (გაიხსნა 3280)…

თბილისში უძრავი ქონების ღირებულება 28%-ით გაიზარდა

2022 წლის დეკემბერში 2021 წლის ანალოგიურ პერიოდთან შედარებით, თბილისში უძრავი ქონების ღირებულება 28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს…

მეტის ჩატვირთვა იტვირთება...პოსტები აღარ მოიძებნა
error: Content is protected !!