დღის სიახლეებიეკონომიკასაინტერესო სიახლეებისიახლეებიფინანსები

რამდენ მილიონ ლარს მიაღწია ,,ნიკორა ჯგუფის” შემოსავალმა

0
გაზიარება

“ნიკორა ჯგუფი” მოგებაზე გავიდა. კომპანიამ ობლიგაციების მფლობელებს შემოსავლების ზრდაზეც აცნობა.

2021 წელის ფინანსური ანგარიშის მიხედვით, 2021 წელს ჯგუფის კონსოლიდირებულმა გაყიდვებმა 749.7 მილიონი ლარი შეადგინა, რაც 24.3%-ით მეტია წინა წელს დაფიქსირებულ 603.3 მილიონზე. წლიურად, შემოსავალი 24.3%-ით გაიზარდა, ხოლო რეალიზებული საქონლის თვითღირებულება 22.2%-ით, შედეგად, საერთო მოგების მარჟა 1.2 პროცენტული პუნქტით გაუმჯობესდა და 2021 წელს 29.2% შეადგინა.

გასული წელი საცალო ბაზრის მსხვილმა ჰოლდინგმა 30,835 მლნ ლარის მოგებით დაასრულა, 2020 წელს არსებული 13.7 მილიონიანი ზარალის შემდეგ. 68.4% იყო გაზრდილი საოპერაციო მოგებაც, რამაც 45.1 მლნ-ს გადააჭარბა.

„ნიკორას“ ჰოლდინგი 14 შვილობილ კომპანიას აერთიანებს. ფლობს საცალო ვაჭრობის მაღაზიათა ქსელს საქართველოში, რომელიც  388 მაღაზიის სახით არის წარმოდგენილი და საცალო ორგანიზებულ ბაზრზე 17.9%-იანი წილით ლიდერია. ჰოლდინგი ასევე აწარმოებს საკვებ პროდუქტებს, ფლობს სადისტრიბუციო ქსელს საქართველოში და ეწევა სოფლის მეურნეობის საქმიანობას.

„ჩვენი ძირითადი მიზანი და ამოცანებია ნიკორას ბრენდის გათანამედროვება, გაახალგაზრდავება, ბრენდის იდენტობის მომხმარებლამდე მიტანა, ახალი მომხმარებლების მოზიდვა, არსებული მომხმარებლების ლოიალურობის ზრდა“, – ნათქვამია კომპანიის ფინანსურ ანგარიშგებაში.

“ნიკორას” 28 მლნ ლარის ობლიგაციები აქვს საფონდო ბირჟაზე განათავსებული, მის შვილობილ “ნიკორა ტრეიდს” – 35 მლნ ლარის.

მსგავსი სიახლეები

გიორგი მამარდაშვილი ესპანეთის ჩემპიონატის ყველაზე ძვირად ღირებული მეკარეა

Transfermnarkt-ის ცნობით, „ლა ლიგის“ ყველაზე ძვირად ღირებული მეკარე გიორგი მამარდაშვილია. ქართველი ფეხბურთელი საფეხბურთო კლუბ „ვალენსიას“ მეკარეა და მისი ღირებულება ამ დროისთვის 35 მლნ დოლარია. ესპანეთის ჩემპიონატის 5 ყველაზე…

TikTok-ი Instagram-ის ანალოგს ქმნის

TikTok-ი ახალ აპლიკაციას, Instagram-ის ანალოგს ავითარებს, რომელიც მომხმარებლებს ფოტოების გაზიარების საშუალებას მისცემს. ინფორმაციას პორტალი, TechCrunch-ი ავრცელებს. „ინოვაციებისადმი ჩვენი მუდმივი ვალდებულების ფარგლებში,…

საქართველოს მოსახლეობა ბერდება – აზიის განვითარების ბანკი

აზიის განვითარების ბანკის ანგარიშის მიხედვით, საქართველოს მოსახლეობა ბერდება, რაც უმეტესად განპირობებულია დაბალი შობადობით, სიცოცხლის ხანგრძლივობის გაუმჯობესებისა და შრომისუნარიანი ასაკის ადამიანების ემიგრაციის გამო.…

ერთწლიანი კულტურების ნათესი ფართობები 4.9%-ით შემცირდა

წინასწარი მონაცემებით, 2023 წელს ერთწლიანი კულტურების ნათესმა ფართობმა 205.2 ათასი ჰექტარი შეადგინა, რაც წინა წლის შესაბამის მაჩვენებელს 4.9%-ით ჩამორჩება. საქსტატის მონაცემებით, საშემოდგომო მარცვლოვანი კულტურების ნათესი…

მეტის ჩატვირთვა იტვირთება...პოსტები აღარ მოიძებნა
error: Content is protected !!