საინტერესო სიახლეებიდღის სიახლეებიეკონომიკაზოგადი განათლებასიახლეებიფინანსები

რამდენი მილიონი ლარის შემოსავალი აქვს “თელმიკოს”?

0
გაზიარება

“თელმიკო” თბილისის ელექტროენერგიას 2021 წლის 1 ივლისიდან აწვდის. კომპანიის დაფუძნება ენერგეტიკულმა რეფორმამ განაპირობა, რომელმაც დენის განაწილების და მიწოდების სექტორები ერთმანეთისგან გამიჯნა. კომპანია თბილისის არეალში “თელასის” ყოფილ აბონენტებს აწვდის დენს.

“თელმიკომ” 2021 წლის საქმიანობის ანგარიში გამოაქვეყნა. ფინანსური ანგარიშიდან ირკვევა, რომ კომპანიამ გასულ წელს 326.4 მილიონი ლარის შემოსავალი მიიღო. 2021 წელი ფირმისთვის მომგებიანი იყო, რადგანაც კომპანიამ 51.8 მილიონი ლარის წმინდა მოგება დააგენერირა.

“თელმიკოს” ძირითადი მესაკუთრე რუსული სახელმწიფო კორპორაცია Inter Rao-ა, რომელიც კომპანიის 75.47%-იან წილს ფლობს. მინორიტარი აქციონერია შპს “ენერჯი კომპანი”, რომელიც ბიზნესმენ ხვიჩა მაქაცარიას ეკუთვნის. შესაბამისად, “თელმიკოს” აქციონერთა სტრუქტურა არის “თელასის” იდენტური.

“თელმიკოს” მიერ გამოქვეყნებული ანგარიშის მიხედვით, მისი შემოსავლები ასე ნაწილდება:

● კომერციული და სამრეწველო სექტორისთვის ელექტროენერგიის მიწოდება – 207.4 მილიონი ლარი;
● საყოფაცხოვრებო სექტორისთვის ელექტროენერგიის მიწოდება – 98.9 მილიონი ლარი;
● სახელმწიფო სექტორისთვის ელექტროენერგიის მიწოდება – 20.1 მილიონი ლარი.
● ჯამი – 326.4 მილიონი ლარი.

“თელმიკოსთვის” ყველაზე დიდი ხარჯი ელექტროენერგიის შესყიდვას უკავშირდებოდა. ფინანსური ანგარიშის თანახმად, კომპანიამ გასულ წელს 112.8 მილიონი ლარი გადაიხადა ელექტროენერგიის შესყიდვაზე, განაწილების მომსახურებისთვის ფირმამ 96.6 მილიონი ლარი გადაიხადა, ელექტროენერგიის გადაცემისთვის კი 36 მილიონი. ჯამში ელექტროენერგიის თვითღურებულება 266.6 მილიონი ლარი იყო.

გამოქვეყნებული ანგარიშის თანახმად, მომხმარებლის ნაწილს კომპანიის წინაშე დავალიანებები უგროვდება. სეგმენტების მიხედვით, ეს დავალიანებები ასეთი იყო:

კომერციული და სამრეწველო სექტორი – 38 მილიონი ლარის დავალიანება;
საყოფაცხოვრებო სექტორი – 18 მილიონი ლარის დავალიანება.

ფინანსური ანგარიშის თანახმად, პირველი საოპერაციო წელი “თელმიკომ” 51.8 მილიონი ლარის წმინდა მოგება გამოიმუშავა. თუმცა, ამ წელს მოგება არ გაუნაწილებია.

რაც შეეხება თავად “თელასს”, ფინანსური ანგარიში მანაც გამოაქვეყნა. სწორედ “თელასის” განაწილებულ ელექტროენერგიას ყიდულობს “თელმიკო”. კომპანიის ანგარიშის მიხედვით, 2021 წელს მისი შემოსავალი 181.9 მილიონი ლარი იყო, მისი წმინდა მოგება კი 55.8 მილიონი ლარი.

მსგავსი სიახლეები

ქორწინების საშუალო ასაკი ქალებისთვის 29.7 წლამდე, კაცებისთვის კი 32.1 წლამდე გაიზარდა

საქართველოში ქორწინების საშუალო ასაკი ყოველწლიურად ფაიზრდება - ამას ადასტურებს 2023 წლის დემოგრაფიული ანგარიში, რომელიც საქსტატმა გამოაქვეყნა.  დოკუმენტის თანახმად, 2023 წელს საქართველოში 22,275 ქორწინება დარეგისტრირდა, რაც…

ბანანის რეექსპორტი თითქმის 1300%-ით გაიზარდა, ხოლო იმპორტის ზრდამ 85% შეადგინა

საქსტატის მონაცემებით, წელს 2 თვეში ქვეყნიდან 1 632 ტონა (1,416 მლნ აშშ დოლარის) პროდუქტი გავიდა, წინა წლის ანალოგიურ პერიოდში კი მხოლოდ 117.3 (124.5 ათასი აშშ დოლარის). სტატისტიკის მიხედვით, 2024 წელს საქართველომ 1 კგ ბანანი…

გურიაში პირველი ეროვნული პარკი იქმნება

გარემოს დაცვისა და ბუნებრივი რესურსების კომიტეტმა პირველი მოსმენით განიხილა და მხარი დაუჭირა კანონპროექტს „გურიის ეროვნული პარკის შექმნისა და მართვის შესახებ“, რომლის მიღების შედეგად ჩოხატაურისა და ოზურგეთის მუნიციპალიტეტების…

გასულ წელს საქართველოში 22 ათასი ქორწინება და 13 ათასი განქორწინება დარეგისტრირდა

2023 წელს საქართველოში 22,275 ქორწინება დარეგისტრირდა -ინფორმაცია ამის შესახებ საქსტატის მიერ გამოქვეყნებული სტატისტიკიდან ხდება ცნობილი. ანგარიშის მიხედვით, 2022 წელთან შედარებით საქართველოში ქორწინებების რაოდენობა 14.5%-ით…

საქართველოში One republic, Scorpions და Jungle ჩამოდიან

Starring Georgia-ს ფარგლებში, მიმდინარე წელს ქვეყანაში One republic, Scorpions, Jungle ჩამოვლენ - ინფორმაციას Black Sea Arena სოციალურ ქსელში ავრცელებს. ბილეთების გაყიდვა 29 მარტიდან ეტაპობრივად დაიწყება.29 მარტიდან, 10:00…

მეტის ჩატვირთვა იტვირთება...პოსტები აღარ მოიძებნა
error: Content is protected !!